2 PETER 1:11 - PATHIEN LEKHABU THIENGTHO (BSI)

¹¹ Khutibang chun, I Lalpau leh Hukdampa Isu Krista kumkhuo lalgam a lutna dinga thuneihna bukim chuh pieka um ding na hiu hi.

2 PETER 1:11 ပူးပေါင်းရင်းမြစ်များ

SAM LEHKHABU THE PSALMS 145:13

Na lalgam chuh kumlekhuo lalgam ahi a, Na thuneihna chuh khang um lai chan in um zing ina. Lalpa chuh a thugen taphawt achun a ginum a, a thilhih cheng achun zahngaihna a dim ahi.

SAM LEHKHABU THE PSALMS 36:8

A mau chuh na insung phatna’n tai mah mah untin uh; Na kipahna lui chu amau haw dâwnsak in na tin.

SOLOMON LA 5:1

Ka huon a ka luta, ka suohpihnu, ka lawinu, Ka murra ka gimlimte tawh ka lakhawm a, ka khuoizu chuh a phâng pum in ka ne a, ka uain ka dâwn a, bâwngnawi tui tawh; Guolte haw, neu inla, dâwn un; hehpihna chuh kham hielin ta’n un,

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

JOHAN 10:10

Gucha chuh, gu ding leh, that ding leh susie ding ngâllo chun a hung sek puoi. Kei vang, hin na neihna ding u leh, tamtak a na neih na ding u a hung ka hi zawi.

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

1 KORINTH 15:24

Chun, a tawpna chuh hungtung intin, zie nung chuleh, vaihawmna cheng chengte, thuneihna cheng chengte leh thilhih theihna cheng chengte chuh, a sukbeih nung leh, Pathien lenggam chuh. Pa kawm ngêi achun pie’n a.

2 KORINTH 5:1

I umnau lei In hi kiphie mahlele, van ah in, khuta sak loh, kumsawt a um ding, Pathien kawm apat in det chuh I nei ui tih I he ngâl u a.

EPHESI 3:20

Chun, I ngetnau leh ngaihtuohnau sanga thilhih-theihna tawh eihaw laka nasem thei:

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

2 TIMOTHE 4:18

Lalpa chun gitlohna chengcheng apat ei hukdawk intin, a van gam achun bit takin ei tun ina. Amah kawm achun kumkhuotuong in lopina um hen! Amen.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

HEBRAI 6:17

Khutichun, Pathien in thutiem goluoh dingte kawm achun, a thilhih ding chuh a sukdanglam loh ding zie chien taka a suklat nawp ziekin, a thil tiem haw achun a kihâksiel sek ahi.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

2 PETER 1:5

A hii, zie lang tak chun thatnawp himhim suoh in, na taksannau achun phatna tel sak unla, na phatnau achun hetna tel sak unla;

2 PETER 2:20

Lalpa leh Hukdampa Isu Krista a hetna ziekuh a, zie khawvel thanhuoinate hi a taih dawk san nung uh a, ziete haw mata chuh a um kit uh a, zawh a a um u chun, a umzieu nunung chuh, a tunga sangin a hung sie zaw ta sek hi.

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

THUPHUON 3:21

A zo tacheng ka lalchutphah chungah ka changlam ah chut sak ing ka, ken le ka zawh a, ka Pa kawma lalchutphah a ka chut guol khan.

THUPHUON 5:10

Ka Pathien dingun khuoletui leh thiempu’n na siem ta a; Amau haw chun lei chung achun vaihawm un au,” ti’n la thak a sau a.