2 PETER 1:1 - PATHIEN LEKHABU THIENGTHO (BSI)

¹ Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

2 PETER 1:1 ပူးပေါင်းရင်းမြစ်များ

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

JEREMIA 33:16

Zie ni haw achun Juda chuh hukbit in um intin, Jerusalem chuh bit takin um in a. Chun, a min dingin, ‘Lalpa CHU I DIKTATNAU AHI,’ tih hi hi’n a.

MATTHAI 10:2

Sawlchak sawm le nih te min chuh ziehaw hi ahi: A masapen in Simon (Peter kiti) leh a suohpih Andrew; Jebedai chapa Jakob leh a suohpih Johan;

MATTHAI 4:18

Chun, Isu chuh Galili dîl panga a chieh lai in, unau nih, Simon, (Peter kiti) chuh a suohpihpa Andrew tawh dila lên sep a mu a nga man mi a, hi him u a.

LUKE 1:47

Ka thagau le ei hukdampa Pathien chungah a kipâk mah mah ta a.

LUKE 11:49

Zieziekchun, Pathien Thupil inle: ‘A kawm u ah thiemgaute leh thupuo te sawl ing ka ting, khenkhat chuh that untin, khenkhat chuh a na sugimthei un au,’

JOHAN 1:42

Tichun, Simon chuh Isu kawmah a hun pui a. Isu’n amah chuh a na en a, a kawmah, “Na min chuh Johan chapa Simon ahi, himahleh, Kipha hun ti’n au,” a ti a. (Zie chuh Peter tihna ahi a, a umzie chuh “suong” tihna ahi.)

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

NASEPTE 15:14

Pathien in amah min pu dingin, a lak uh apat mi haw ladawk dingin Jentel te a veh tûng zie thu chuh Simeon hin a na gen ta a.

ROME 1:1

Paul, Krista Isu suok, sawlchak hi dinga sap. Pathien in a Chanchin pha gen dinga a kawihchuompa chun:

ROME 1:12

Zie chuh, nang u leh kei taksanna lama I kilungmuon tuoh theihna dingun ka tihna ahi.

ROME 1:17

Zie mah achun taksan zawk diekna’n Pathien diktatna chuh ahung kilang a, “Mi diktat chuh ginna’n hing ina” tih zik guol khan.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

1 KORINTH 15:9

Kei vang, sawlchak laka neupen, Pathien sapchuom haw ka bawl gimtheih zieka, sawlchak min pu a vawh tâk le hilo ka hi ngâl a.

1 KORINTH 9:1

Zalen hilo ka hi? Sawlchak hilo ka hi? I Lalpau Isu mu hi talo ka hi? Nang haw lawi chuh Lalpa a ka nasep gah hilo na hiu hi?

2 KORINTH 4:13

Pathien Lehkhathu’n, “Ka gingcha a, zieziekchun ka gen ahi,” a tih khah. Zie taksanna lungthim mawng chuh pu’n, kei u’nle ka gingchau a, thu ka gen sek uh ahi.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

GALATI 2:8

Peter chuh, zektante laka Chanchin Pha gen dinga Pathien thilhih theihna a guota a um guol mah khan keile zektan lohte kawma Chanchin Pha gen dinga guota um ka hi ngâla.

EPHESI 3:5

Malai khan zie thuguk chuh mihiemte kawma gen ahi puoh a, himahlele, tuhin, Pathien in a sawlchak thiengthote leh thiemgaute kawm achun, thagau in a phuong dawk tai.

EPHESI 4:11

Amah mah chuh, “mihingte kawma Thilpiek,” piepa chuh ahi; khenkhatte chuh sawlchak dingin a guot a, khenkhat chuh thiemgau dingin, khenkhat chuh, belampu ding leh khenkhat chuh sinsaktu dingin a guot a.

EPHESI 4:5

Lalpa khat mai, taksanna khat mai, baptist khat mai ahi;

PHILIPPI 1:1

Paul leh Timothe, Krista Isu sawntawlawi te apat chun-Krista Isu tawh kipumkhata um, Philippi khuo a mite kawm leh, Sapchuom lawiupate leh zenviel te kawm achun.

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

PHILIPPI 3:9

Amah tawh pumkhata ka um theihna dingin. Keimah diktatna, Dan thu zawp zieka diktatna chuh ka nei ta puoi. Himahlele, tuhin, Krista taksanna zieka diktatna, Pathien apat a diktatna ngêi, taksanna zieka um ngêi chuh ka nei tai.

2 TIMOTHE 1:5

Taksanna taktak, nangmah a um chuh ka gel zing ngâl a, zie taksanna chuh a tûngin na pi Lois ah a um a, na nu Eunik achun tawh a um a, nangin le zie chuh na nei ngêi hi tih chientakin ka he ngâla.

TITA 1:1

Paul, Pathien suokbilvih leh, Isu Krista sawlchak apat, Pathien mi telte chuh Pathien khawksakna lam thudika pui ding leh, taksanna lama panpih dinga teldawk leh sawl ka hi a,

TITA 1:4

I kikawp uh taksanna dungzuia ka cha tak tak Tita kawmah ziehi ka zik ahi. Pa Pathien leh Krista Isu I Hukdampau chun hehpihna leh chamna hun pie hen.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

JAKOB 1:1

Jakob, Pathien leh Lalpa Isu Krista sawntawlawi apat: Nam sawm leh nam nih, khawvel a vakchekte kawm achun chibai.

1 PETER 1:1

Peter, Isu Krista sawlchak chun, Pathien mi telte, gâltai banga, Pontas gamte, Galati gamte, Kappadokia gamte, Asia gam leh, Bithunia gamte a kithehzakte;

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

1 PETER 2:7

Khutichun, nanguh a gingchate dingin, zie suong chuh lul tak ahi, a gingcha lote dingin vang chuh: “In sate suong deih loh khah, Zie mawng chuh a ning a suong phachuom pen a hung hi tai,” a tih kha.

1 PETER 5:1

Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

JUDA 1:1

Juda, Isu Krista sawntawlawi leh, Jakob suohpihpa apat, Pathien hehpih; Isu Krista dinga sukthientho, sapa umte kawm achun: