2 LENGTE 3:3 - PATHIEN LEKHABU THIENGTHO (BSI)

³ Himahlele, Israel te thil hihkhelh sakpa, Nebat chapa Jeroboam gitlohna haw chu a haihsan puoh a, Israel chate chu a gitloh thil hihnau apat chun a chawlhsak diek puoi.

2 LENGTE 3:3 ပူးပေါင်းရင်းမြစ်များ

1 LENGTE 14:16

Chun, Israel te thil sukkhelh sakpa Jeroboam gitlohna ziekin Israel te chu kiheisan in a,” a ti a.

2 LENGTE 17:22

Chun, Israel chate chun Jeroboam chu a zui u a, a thilhih gitloh chengcheng chu a hih zing u a, Lalpa’n a thiemgaute manga a na gen banga, a mitmuh phâk loh a a chawn mang macheng chun, a haihsan puou hi.

2 LENGTE 15:18

Chun, Lalpa mitmuh in thil phalo tak a hih sek a; Israel te thil hihkhelh sak pa, Nebat chapa Jeroboam gitlohnate kha a dam sungin a hih sek a.

2 LENGTE 15:9

Chun, a pute hih mah bangin, Lalpa mitmuh in thil phalo tak a hih sek a; Israel te thil hihkhiel dinga puipa, Nebat chapa Jeroboam gitlohnate kha a haihsan diek puoi.

2 LENGTE 14:24

Chun, amah chun Lalpa mitmuh in thil phalo tak a hih sek a; Israel te thil gilo hih dinga pui sek pa, Nebat chapa Jeroboam gitlohna chengcheng kha haihsan himhim a nei puoi.

2 LENGTE 13:11

Chun, amah chun le, Lalpa mitmuh in thil gilo tak a hih sek a; Israel te gitlohna a puilut pa, Jeroboam thilhihte kha a haihsan diek puou a, a sunzawm zing tau hi.

2 LENGTE 13:6

Himahleh, leng Jeroboam in, Israel chate a gitlohna a a puih lutna thilte kha a haihsan diek puou a, a sunzawm zing u a; Asher pathien limte kha Samari khuo achun a um zing ta a.

2 LENGTE 13:2

Chun, Lalpa mitmuh in thil phalo tak a hih sek a, Israel te thil gilo hih dinga pui sek pa, Nebat chapa Jeroboam gitlohnate khah a ma’n le a chîng a, a haihsan diek puoi.

1 LENGTE 16:31

Chun, hiti hi ahi a, Nebat chapa Jeroboam gitlohna tawbang hihhaw chu bangmah lo a ngai hileh kilawm takin, Sidon te leng Eth-baal chanu Jezebel chu zi’n a nei a, chun, a chieh a Baal nate a sem in, a ho ta a.

1 LENGTE 15:34

Lalpa mitmuh in thil phalo tak a hih sek a, Jeroboam lampi chuh amân le a hawh a, Israel te haw thil hihkhelh sak a a hih gitlohna kha amân le a hih hi.

1 LENGTE 15:26

Lalpa mitmuh in thil phalo tak a hih sek a, a pa lampi hawh chu amân le a hawh a, Israel te haw a gitloh sakna a, a gitlohna haw tawh.

1 LENGTE 14:9

Nang hin vang na masanga mite chengcheng sangin thil na hihkhiel nasa chuom a. Nei suklungnatna dingin pathien dangte leh milim kisung te na siem a, nei kiheisan ta a.

1 LENGTE 13:33

Zie thil haw nung chun le Jeroboam chun a umdan diklote chu a haihsan nuom diek puoh a, vantâng laka mi, thiempu dingin a siem zel a, kuole a nuom phawt a kawihchuom a, amah le munsang thiempute lak ah a va pang a.

2 LENGTE 17:21

Lalpa’n Israel te chu Juda nam apat a a khenchuom nung chun, Israel te chun, Nebat chapa Jeroboam chu a leng dingun a kisiem u a. Jeroboam chun Lalpa kinungheisan in, gitlohna huoisie tak ah a puilut ta a.

2 LENGTE 17:23

Khutichun, a suok thiemgaute manga ana gen tâksa guolin, Israel chate chu a mitmuh a Lalpa’n a bawhdawk masang sieh chu zie tak achun a um den tau hi.

2 LENGTE 21:16

Lalpa mitmuha thil gilo tak hih a, Judate milim ho dinga a puih mang tih loh in, Manasseh chun gitlohna neilo, mi tamtak a that a, Jerusalem khawpi sung chu thisan in a luong hiel hi.

2 LENGTE 23:15

Chun, zielo chu le, Josia chun, Israel te thil hihkhiel dinga puipa, Nebat chapa Jeroboam in Bethel a maichâm a siemte chule a hihchim a. Tichun, maichâmte chu a luoi chima, a suongte chu a sunel dik dek a, Asher lim chule a hâl tum ta a.