2 LENGTE 2:3 - PATHIEN LEKHABU THIENGTHO (BSI)

³ Chun, Bethel a um thiemgau pawl khatte chuh Elisha kawmah a chieh u a, a kawmah, “Tuni hin Lalpa’n na lawiupa pa hi hun lâkmang sak ding ahi tih na he?” a tiu a. Elisha chun, “Hi, ka he a puo; himahleh thip hiet hiet un,” a ti a.

2 LENGTE 2:3 ပူးပေါင်းရင်းမြစ်များ

2 LENGTE 4:38

Khatvei chu gam pumpi a kiel a kiek lai chun, Elisha chu Gilgal ah a vaikit ta a. Thiemgau pawl khat a sinsak lai chun, a suokpa khat chu, mei chunga bel suong a, amau haw a dinga anchîm huon sak dingin a hilh a.

2 LENGTE 4:1

Thiemgau pawl khatte laka numei khat hin Elisha kawmah, “Hepu, ka pasal chu a thi ta a, amah khan Lalpa chu a kihcha sek hi tih na he a; tuhin, a leibatna pa hi a hung a, ka chate nih hi suok a pui dingin a hung hi,” ti’n a lungzîn thu a gen a.

2 LENGTE 9:1

Chun, thiemgau Elisha chun, thiemgau tangval haw laka khat a sama, a kawmah, “Na kâwng gâk inla, zie thau bawm hi chawi inla, Ramoth-gilead khuo ah va chieh in.

1 LENGTE 20:35

Chun, thiemgau chapate laka mi khat hin a invengpa kawmah, “Lalpa thu’n ei zêp in,” ti’n a ngên a. Amah chun a zêp nuom puoh a.

NASEPTE 22:3

“Juda mi ka hi a, Kilikia gama Tarsas khuo a pieng ka hi a, himahleh, zie khuo ahih Gamaliel keng bula sin a, seilien ka hi. Ei suonteu Dan, umzie meinei tak chuh sin a um sek ka hi a, tunia nangmau haw chengcheng guol hin, Pathien a dinga kikawih thiengtho sek ka hi.

ISAI 8:18

Entie, kei leh Lalpa ei piek naupangte hi, Israel te lak ahin Sepaihte Lalpa, Zion tâng a um apat tiemtehna ding leh thilmak ding te ka hiu a.

2 LENGTE 5:22

Chun, amah chun, “Thu phalam hi e, ka pu’n, ‘Tu tak khan Ephraim tâng gam apat in thiemgau pawl khat laka tangval nih in ei hun tawh phut u a, amau chu dangkaguo talent khat leh silhlechen, kithenna ding nih pie’n,’ ti’n ei sawl ahi,” a ti a.

2 LENGTE 2:15

Chun, Jerikoh khuo a thiemgau pawl khat, a gal langkhat a umte’n a vak muh u chun, “Elija thagau chu Elisha chungah a chu ngut hi,” a tiu a. Amah hopih dingin a va chieh u a, a masang achun leisi’n a chibai u a.

2 LENGTE 2:7

Thiemgau chapate laka mi sawmngate chun Jordan lui tieng chun a zui u a. Elija leh Elisha chu lui pang achun a ding u a, thiemgau sawmngate chu gamla deuh ah a ding u a.

2 LENGTE 2:5

Chun, Jerikoh a um, thiemgau pawl khat chun, Elisha a va naih u a, a kawmah, “Tuni hin Lalpa’n na chunga lawiupa hi hun lâkmang sak ding ahi tih na he’m?” a tiu a. Amah chun a dâwng a, “Hi, ka he a puo! himahleh ana thip hiet hiet un,” a ti a.

1 LENGTE 18:4

Khutia Jezebel in Lalpa thiemgaute a thah lai khan, Obadia chun thiemgau zakhat a pui a, kawlpûk ah sawmnga zel in a selgu a, chângthâk leh tui in a vak sek a.)

1 SAMUEL 19:20

Chun, David va pui dingin Saul chun mi a sawl a: chun, thiemgaute thugen lawk lai tak leh a chung u a Samuel lawiupa a um a va muh phet un Saul misawlte chung achun Pathien Thagau a hung tunga, amau chun le thu a genlawk tau a.

DAN NIHNA 33:3

Ahi, chitin te chuh a hehpih a; A mi thiengthote chengcheng chuh na khut ah a um ui; Na keng bul ah a chuu a; Na thupiek chuh a pawm chiet ui.

1 SAMUEL 10:5

Zie zawh chuleh Philistia sepaihte panmun Pathien tâng chu va tungin na tin; chun hiti hi hi’n tin, zie a khuo chu na va tun tieng thiemgau haw pekgit, khuong leh kingkang tumte leh châmngai mûtte’n amau pui in mun sang apat hung kizawt suk kituokpih in na tin: chun, amau chun thu genlawk sausau in au:

2 LENGTE 6:1

Chun, ni khat chu, thiemgau pawl khatte chun Elisha kawmah, “Ka chênnau mun hi kei u dingin a kibingtiek taluo a.

AMOS 7:14

Amos chun Amaziah kawmah, “Thiemgau ka hi puoh a, thiemgau chapa le ka hi diek puoi; himahleh, ganguol vengpa leh theipi kung enkawla pang ka hi zawi: