2 LENGTE 1:3 - PATHIEN LEKHABU THIENGTHO (BSI)

³ Himahlele, Lalpa vânsâwlchâk in, Tishbe-mi thiemgau Elija kawmah, Kipan inla, Samari khuo leng Ahaziah mi sawlte na hopih dingin va chieh inla, a kawm u ah, “Israel gama hin Pathien a um takloh ziekin ahim, Ekron khuo pathien, Baal-zebub dawng dinga na chieh tâk mai uh?

2 LENGTE 1:3 ပူးပေါင်းရင်းမြစ်များ

1 LENGTE 17:1

Tishbe mi, Elijah, Gilead gama Tisbea um chun, Ahab kawmah, “Lalpa Israel te Pathien, a âng a ka din sek na hinna sâlin ka gen hi: ka thu lo in, kum bang zah ahim sung chu guoh leh dâitui himhim kie puo’n a,” a ti a.

JONA 2:8

Bangmahlo mai milim hote chun nanga a ginumnau chuh a haihsan tau a!

SAM LEHKHABU THE PSALMS 76:1

Juda achun Pathien chuh het in a um a; Israel achun a min a lopi hi.

NASEPTE 8:26

Chun, Lalpa vânsâwlchâk khatin Philip chuh a hopih a. “Kipan inla, simlam a Jerusalem khuo apat a Gaza khuo vak sun, lampi akhan chieh ah; zie lampi chuh gamgawa chiehpai ahi,” a ti a.

MARK 3:22

Chun, dân thuzikte khenkhat, Jerusalem apat a hungte chun, “Belzebul vawp ahi hi, thitha lengpa ziekin ahi, thitha haw a nawhdawk sek,” a tiu a.

2 LENGTE 5:15

Tichun, amah leh a lawite cheng chu Pathien mi umna lam achun a vaikit tau a, a masangah a va ding u a, a kawmah, “Tuhin, Israel Pathien tih loh hi, lei chung chengcheng achun pathien dang a um puoi, tih ka he tau hi; zieziekchun, lungsiet takin hepu, kipahman hi la tie!” a tiu a.

2 LENGTE 1:8

Chun, amau chun a dâwng u a, “Samul puo’n a kivan a hi a, a kâwng savun kâwnggak in a gâk hi,” a tiu a. Leng chun, “Tishbe-mi Elijah ahi chu,” a ti a.

2 LENGTE 1:6

Chun, amau chun a kawmah, “Mi khat ei hopih dingin a hung a, ka kawm u ah, Chieh kit unla, nanguh hun sawlpa leng kawm achun chieh kit tau unla, a kawmah, Lalpa’n hiti hin a tii: ‘Israel gama hih Pathien a um takloh ziek ahim Ekron khuo pathien Baal-zebub chu dawng dinga na sawl tâk mai chuh? Na kisukliemna apat khan dam dawk puo’n na tin, thi tei tei inla, ti’n, hun tiu,’ a tii,” a tiu a.

2 LENGTE 1:2

Chun, Ahaziah chu Samari khuo ah, a indan chungnung a tukvan, vathangkalh âwng ah a kie tha a, nasa takin a kisuliem ta a. Tichun, a dam dawk zawh ding leh dam dawk zawh loh ding chu, Ekron a Philistia te khuo pathien, Baal-zebub dawng ding chun mi a sawl ta a.

1 LENGTE 21:17

Chun, Lalpa thu chu Tishbe mi Elijah kawmah a hung tung a:

1 LENGTE 19:7

Chun, Lalpa vânsâwlchâk chuh a nih veina ah a hungkit a, a hun khawih a “Tho inla, ne tie, na chiehna ding hi tung zo puoh kha’n la,” a ti a.

1 LENGTE 19:5

Tichun, Juniper thing nuoi achun a kuol a, a ipmu ta a. Chun, ngaitie, vânsâwlchâk khatin a hun khawih a, a kawmah, “Tho inla, an ne uo,” a ti a.

1 LENGTE 18:36

Nitâk lam kithawih hun vel chun hiti hi ahi a, thiemgau Elijah chun a va naih a, “Aw Lalpa, Abraham te, Isak te, Jakob te Pathien, nang hi Israel gam ahin Pathien na hi a, kei hi na suok ka hi a, ziehaw chengcheng hi nangmah thu a ka hih ahi tih hi tuni hin heu hen.

1 LENGTE 18:1

Chun, ni tamtak nung chun hiti hi ahi a, a kum thum kum chun Lalpa thu Elijah kawmah a hung tung a, “Va chieh inla, Ahab kawmah va kilang ah; tichun lei chunga hin guoh hun zuk sak ding ka hi,” a tii, va ti’n, a ti a.

1 SAMUEL 17:46

Tuni hin Lalpa’n ka khuta nang hi ei pie ding ahi, hun that ka ting na lu la ding ka hi; chun Philistia sepaihte luong haw chu tuni hin chung leng vachate leh gamsate pie’ng ka ting; tichun mi cheng chengin Israel gam ahin Pathien a um hi tih hun hethei untin,

2 LENGTE 5:8

Chun, Thiemgau Elisha’n Israel leng in a puon a bawtthêk hi tih, a na het phet chun, leng kawm achun, “Bang ziekin ahim, na puon na bawhthek? Zie pa chu ka kawmah hun sawl in, tichun, Israel gama hin thiemgau a um hi tih a na muh sak ing ka,” a ti a.

1 LENGTE 11:33

Amau haw chun ei taihsan u a, Zidon mite pathiennu Asteroth te, Moab mite pathien Kemosh te, Amon te pathien Milkom te a ho ziekun, ka mitmuha thilpha hih ding leh ka thuguot te leh ka vaihawm te hi a zawp dinga a pa David banga ka lampite a hawh loh ziekun.

ISAI 8:19

Chun, mi’n thitha phunsân thiem zawl leh, dawithiem chiek numnum te chuh dâwng un ahun tih tieng u leh, “Mite’n a Pathien u chuh a dawt zawk dinguh hilo ahim? Mihingte a ding chun mithi a dawt dinguh ahi dinga ahim?” ti’n au.