2 KHANGTHUBU 7:9 - PATHIEN LEKHABU THIENGTHO (BSI)

⁹ Chun, ni giet ni chun kikhawpna lopitak a nei u a; maichâm latna’n ni sagih a lut a, chuleh, ni sagih sung mah ankuong luihna a nei ui.

2 KHANGTHUBU 7:9 ပူးပေါင်းရင်းမြစ်များ

THIEMPUDANTE 23:36

Ni sagih sung chuh Lalpa masanga mei thillat na lat dinguh ahi.Ni giet ni chuh kikhawpna thiengtho hi’n tin; Lalpa masanga mei thillat na lat dinguh ahi a, khawmpi thiengtho ni a chuh thachawl na theih na himhim na sep loh dinguh ahi.

JOEL 1:14

An ngawlh hun mang thiengtho unla; kikhawppi guntak siem unla, Lalpa Pathien In achun teksiepute leh, zie gama chêngte cheng chuh puikhawm un la, Lalpa chuh sam un.

NEHEMIA 8:18

Chun, Pathien Dan lehkhabu chuh ani masapen apat nicheng in, pên apat a tâwp tiengin a sim u a. Tichun, kut chuh ni sagih a mang u a, a ni giet ni chun thupiek bangin kikhawpna thiengtho nei in a sutawp sek ui.

2 KHANGTHUBU 30:23

Mipite chun ni sagih dang kut matbeh dingin a kithuguol tau a, tichun ni sagih dang chu kipâk takin a mang kit tau hi.

1 LENGTE 8:65

Khutichun zie chung chun, Solomon leh Israel te chengcheng mipi kikhawm khawm haw tamtak, Hamath khuo lutna apat Aigupta gam lui tiengin mipi haw chu Lalpa I Pathien uh masang achun ni sagih leh ni sagih, ni sawmleli sung zet guolvakna a nei u a.

DAN NIHNA 16:8

Zie zawh ni gup sung chuh chângthâk chawl sawhloh na nek dinguh ahi; a ni sagih ni chuleh Lalpa na Pathien u a ding a kikhawppi thiengtho hi’n tin, zie ni chuleh na himhim na sep loh dinguh ahi.

KISIMNA 7:10

Lawiupate chun maichâm lutna lawpna ding chun, thilpiek pie dinga a kisakzawh phet u chun, a thilpiek hawu chuh maichâm bul ah a hun kawih u a.

2 KHANGTHUBU 7:10

Chun, tha sagihna, ni sawm leh ni thum ni chun mipi te chu a kikhenzak u a, Lalpa’n David leh Solomon leh a mi Israel te chunga a phatna a latsak ziek chun lawp tak leh kipâk takin mipi te chu a In lam chiet u ah a chieh tau hi.

PAWTDAWKNA 29:37

Ni sagih sung chuh maichâm a dinga tatna na siem ding ahi a, na hih thientho ding ahi a; tichun, maichâm thil thiengtho pên hung hi’n tin, maichâm sukha tapoh chuh hung thiengtho zel un au.

1 LENGTE 8:2

Chun, Israel mi chengcheng te chu Ethanim tha, tha sagihna achun Kut na ah leng Solomon kawmah a kikhawm u a.