2 KHANGTHUBU 7:3 - PATHIEN LEKHABU THIENGTHO (BSI)

³ Israel chate chengcheng chun van a pata mei hung kie suk leh In chunga Lalpa lopina chu a muh phet un, suong kilem chung achun maia lei si’n a bawkkhup u a, “Pathien a ho u a, Lalpa a pakchau a, Amah chu a pha ngâla, a lungsiet na chu kumkhuo’n um ding ahih ziekin,” a tiu a.

2 KHANGTHUBU 7:3 ပူးပေါင်းရင်းမြစ်များ

2 KHANGTHUBU 5:13

Pêngkun mûtte leh lasa ten Lalpa pahchakna leh kipah-thugen na a a tumgit u chu gi khat bang mai in a kiza a; pengkun leh dâk khutbet leh thil tumgit te tawh a awu a suoh u a, “A mah chu a pha ngâla; a lungsiet na chu kumkhuo a um ding ahi,” ti a Lalpa a pahchak u leh, Lalpa Ho-In chu meipi’n a dim mepmup zieng ta a,

2 KHANGTHUBU 20:21

Chun, mipite tawh a kiho zawh un, amah chun sepaihte ma a chiehkhawma, Thiengtho kilawmna pakcha ding leh, Lalpa chuh pakchau un, a zahngaihna chu kumkhuo’n um ding ahi ngâla, ti a lasa ding leh Lalpa min pakcha dingin lasa thiemte a guot a.

LUKE 1:50

Amah kihchate chung achun a zahngaihna chuh akhang-akhangin a latsak zel sek a.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

EZRA 3:11

“Amah chuh a pha ngâla, a zahngaihna chuh Israel mite chungah kumlekhuo a um ding ahi,” ti a Lalpa pakcha leh, a kawma kipâk thugen in, ngeih tak in a kiko u a; Lalpa in suongphum a phum tâk ziekun Lalpa a pakchau a; mipite chuh ngeih tak in a kiko chiet u a.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

SAM LEHKHABU THE PSALMS 103:17

Himahleh, Lalpa zahngaihna vang chuh amah kihchate chung achun kumsawt apat kumsawt tiengin um in a, A diktatna le a tusawn tiengin um in a.

SAM LEHKHABU THE PSALMS 95:6

Aw hung unla chibai bûk in kûn hitiu ie; Lalpa ei siempa masangah khupdin hitiu:

1 KHANGTHUBU 29:20

Chun, zie zawh chun David in mipi cheng chengte kawm achun, “Khaile, Lalpa na Pathien u chuh pakchau un,” a ti a. Tichun, mipi chengcheng chun Lalpa, a pileputeu Pathien chu a pakchau a, a khun u a, Lalpa leh leng chuh chibai a bûk u a.

1 KHANGTHUBU 16:41

A zahngaihna chu kumlekhuo a um ding ahih ziekin Heman leh Jeduthun leh midang amin ngêi u a kigen te chu, Lalpa pahchakna lasa dingin a um u a.

1 LENGTE 18:39

Chun, mipite chengcheng in zie chuh a vak muh phet un, a khupbawk u a, “Lalpa chu Pathien ahi; Lalpa chu Pathien ahi,” a tiu a.

KISIMNA 16:22

Tichun amau chuh tuol ah a khupbawk u a, “Aw Pathien, hinna nei phehlevo chengcheng te bulpi na hi a, mi khat gitloh ziekin mipite chung ahin na lungna ding a ahim,” a tiu a.

KISIMNA 14:5

Khutichun, Mosi leh Aron chuh Israel chate kikhawm khawm haw chengcheng masang achun a bawkkhup uh a.

THIEMPUDANTE 9:24

Tichun, Lalpa ma apat chun mei a hung pawt a, hâlmang thillat leh maichâm chunga sathau um haw chuh a katum ta a; zie chuh, mipite chun a muh phet un, a kiko u a, maia lei si’n a khupbawk tau hi.

1 KHANGTHUBU 16:34

Aw, Lalpa kawmah kipahthu gen unla, amah chu a pha ngâl a; A zahngaihna chu kumlekhuo’n um ding ahi ngâl a.

SAM LEHKHABU THE PSALMS 100:5

Lalpa chuh a pha ngâla, a zahngaihna chuh kumlekhuo’n um zing ina; A muon um na chuh suon chengcheng tieng in um ina.

SAM LEHKHABU THE PSALMS 106:1

Lalpa chuh pakchau in. Aw Lalpa kawmah kipah thu gen un; amah chuh a pha ngâl a: A zahngaihna chuh kumlekhuo a um ding ahi ngâl a.

SAM LEHKHABU THE PSALMS 107:1

Aw Lalpa kieng ah kipah thu gen unla; amah chuh a pha ngâl a: A Zahngaihna chuh kumlekhuo’n um ding ahi.

SAM LEHKHABU THE PSALMS 118:1

Aw Lalpa kawmah kipahthu gen unla; amah chuh a pha ngâl a: A zahngaihna chuh I chung u ah a nasa ngâl a;

2 KHANGTHUBU 20:18

Khutichun Jehoshaphat chu a mai a lei si’n a khun a; chun, Juda mite chengcheng leh Jerusalem mite chengcheng chu Lalpa aho u a, Lalpa masang ah a khun u a.

2 KHANGTHUBU 29:28

Taka mipi umte chun Pathien a ho u a, lasa te chun la a sau a, pengkun mûtte chun pengkun a mût u a, hâlmang thillat lat zawh masieh chu khutibang chun a hih zing u a.

2 KHANGTHUBU 29:29

Thillat a lat zawh u chun lengpa Hezekia leh a mipi te chengcheng chun khun in Pathien a ho u a.

2 KHANGTHUBU 29:30

Lengpa Hezekia leh milien te chun Levi te chu David leh thiemgau Asaph phuok, pahchakna la sa ding in thu a pie a, mitin chun kipâk tak in pahchak na la a sau a, a khun u a, Pathien a ho tau a.