2 KHANGTHUBU 7:17 - PATHIEN LEKHABU THIENGTHO (BSI)

¹⁷ Nang chungchâng thu a le na pa David banga ka mitmuh a na um a, thu ka hun piek bang zel a na um a, ka thuguot te leh ka vaihawmte na pawm chun,

2 KHANGTHUBU 7:17 ပူးပေါင်းရင်းမြစ်များ

ZEKARIA 3:7

“Ka lampite na hawh a, ka thupiekte na zawp chun, Ka insung vaihawm in na tin, Ka vaihawmna munte chule enkawl in na tin; Zie taka dingte laka tel theihna ding hi hun pie’ng ka.

EZEKIEL 36:27

Chun, na sung u ah Ka Thagau kawih ing ka ting, chun, ka dân siem chuh hun hawhsak ing ka ting, ka thutanna haw chuh zui in na tin un, hih inlau.

1 LENGTE 11:38

Chun hiti hi hi’n tin, thu ka hun piek taphawt na zawpa, ka lampite na hawh a, ka suok David banga ka thuguot te leh ka thupiekte zawpa ka mitmuh a thilpha na hih chun na kawmah um zel ing ka ting: David ka sukdet bang khan inkuon dettak hun dinsak ing ka ting, Israel te hi hun pie’ng ka.

DAN NIHNA 4:40

Zieziekchun, kumkhuo a dinga Lalpa na Pathien un a hun piek gama chuh nang u leh na suonteu na hung lamzan u a na chên sawt theihna dingun a dân haw leh a thupiek haw, tu a ka hun piek hi na zuih dinguh ahi,” tih hi.

JOHAN 15:10

Nangun ka thupiekte na zawp u chun, ka hehpih in um zing unlau, ken le ka Pa thupiekte ka zawpa, a hehpih a ka um zing guol mah hin.

JOHAN 14:21

“Kuole, ka thupiek haw pawm a, zawp ta chuh, ei hehpih ahii. Kuole, ei hehpih chuh Pa’n, amah le hehpih ina; ken le amah chuh hehpih ing ka ting, a kawmah kilak ing ka,” a ti a.

SAM LEHKHABU THE PSALMS 105:45

A thuguot haw chuh a zawp theih u a, A dân haw chuh a vawp phat theihna ding un. Lalpa chuh pakchau un!

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

1 LENGTE 8:25

Zieziekchun, tuhin, Aw Lalpa Israel Pathien, na suok ka pa David kawma, ‘Na suonte chuh ka mitmuha na um banga a umdan u a a chittheih phawt u chun, Israel te lalchutphah a chu ding kitasam puo’n a,’ ti a na tiem tâk sa kha guitun sak in.

1 LENGTE 3:14

Na pa David in a zuih banga ka thuguot haw leh ka thupiek haw zawp dinga ka lampite na hawh chun dam le hun damsawt sak ing ka,” a ti a.

1 LENGTE 2:3

Na thilhih na cheng leh, na ngatna lam cheng a na lamzan theihna dingin Mosi dân a zik bangin, Lalpa na Pathien in a lampi haw hawh ding leh, a thuguot haw, a thupiek haw, a vaihawm haw leh, a thu hetsak haw pawm dinga thu a piek haw hi zawp in.

2 KHANGTHUBU 7:16

Kumkhuo a ka min umna dingin zie In hi ka tel a, ka suthiengtho tai: zie tak ahin ka mit leh ka lungthim chu châm zing ta’n a.

2 KHANGTHUBU 7:18

Na pa David kawma, Israel te chunga vaihawm ding na suonte kitasam puo’n la, ti a ka thuthun bang khan sudet ing ka.

SAM LEHKHABU THE PSALMS 119:5

Aw na thuguot te chuh zui ding in, Ka umdan haw hi hihdet in um le aw!

2 KHANGTHUBU 6:16

Khutichun aw Lalpa, Israel te Pathien, na suok ka pa David kawmah Na suonte nang um banga um dingin a umdan u a a chittheih phawt u chun, ka mitmuh a Israel te lalchutphah a chu ding chu kitasam puo’n la, ti a na tiem kha guitun sak in.