2 KHANGTHUBU 7:14 - PATHIEN LEKHABU THIENGTHO (BSI)

¹⁴ Ka minpu ka mite chuh, kingainiema a paucham uh a, ka mel a hawl uh a, a umdan giloteu kisik a a haihsan u chun, van apat in a na ngaitha’ng ka ting, a gitloh nau ngaidam ing ka ting, a gam uh sudam kiting ka.

2 KHANGTHUBU 7:14 ပူးပေါင်းရင်းမြစ်များ

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

JEREMIA 33:6

Ngaitie, damna leh hiselna hun tun ing ka ting, amau chuh sudam ing ka ting; muonna leh bitna diktak muh sak ing ka.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

2 KHANGTHUBU 6:27

Nang in van a pat in na ngaitha’n la, a chiehna dinguh lampi pha kâwkmuh in na suokte leh na mi Israel te gitlohna ngaidam in na mite a go chan ding u a na piekna gam ahin guoh hun zuk sak in.

JEREMIA 8:22

Gilead achun thingnai damdawi umlo ahim? Zie tak achun hihdampa umlo ahim? Bang zieka ka mi, ka chanu chuh sukdam hilo ahim?

ISAI 63:19

A chung u a vai na hawm khâk loh mite bang leh, na min a na sap khâk loh mite ka bang mai tau hi uo!

ISAI 59:20

“Chun, Zion achun Tanpa hung intin, Jakob insung mite laka a sukkhelhnau haihsante kieng achun le hung ina, Lalpa’n a tii.

2 KHANGTHUBU 6:30

na umna van a pat in na ngaitha’n la, ngaidam inla, mitin a um dân chiet uh bangin lawhtit sak in, nangin mitin lunggil chu na he chiet ngâl a;

ISAI 45:19

Thim lak ah a gûkin thu ka gen puoh a, ka thiltup te le ka selgu diek puoi. Jakob suonte chuh bangmah um lohna mun ei hawl dingin ka ti ngei puoh a. Kei Lalpa chuh ka hi a, thudik tak ka gen sek hi,” ti’n.

NASEPTE 9:11

Chun, Lalpa chun a kawmah, “Tho inla, ‘Kawtthêl Zang’ a tihnau achun chieh inla, Juda In ah, Tarsas khuo a um, a min Saul kiti dawng dawk ah; ngai tie, a paucham pêt ahi a;

JEREMIA 51:9

Babulon chuh sukdam ka guo a, himahleh, a dam diek puoh a; amah taihsan in eimah gam chiet ah chieh hitiu; a gitloh na’n van a su a, van dum sukha hiel a dawp san ahi.”

SAM LEHKHABU THE PSALMS 60:2

Zie gam hi na sulîng a, na khitkek sak ta a; A khitan haw chuh siempha kitin; a kilîng lîng ngâla.

KISIMNA 6:27

Khutichun, “Israel mipite chun ka min chuh puu intin, vangsak ing ka,” a ti a.

DAN NIHNA 28:10

Khutichun, khawvel a namtin in Lalpa min pu na hih u hi hun he’n tin un, hun kihcha’n au.

2 KHANGTHUBU 6:33

nangin na umna van a pat in na ngaitha’n la, nam dangte’n a hun sap dân bang tak un a chung u ah hihin; tichun na mi Israel te mah bang in khawvel a namtin in na min hun heu intin uh, hun kihchau intin, zie Ho-In ka sak hin na min a chuong hi tih he’n au.

EZEKIEL 33:12

“Zieziekchun, nang mihing chapa, na mite chate kawm achun gen in: ‘A sukkhelh ni chun mi diktat chuh a diktatna chun amah chuh hukdawk puo’n tin, chun, migilo chuh gitlohna chun le, a gitlohna a kiheimangsan ni chun, amah chuh supuk puo’n tin; mi diktat chule gitlohna hih ni chun a diktatna ziek chun hing thei diek puo’n a.’

2 KHANGTHUBU 20:3

Chun, Jehoshaphat a lau a, Lalpa puihna ngên in a paucham ta a. Juda gam chengcheng ah an ngawlh ding thu a phuong viel a.

2 KHANGTHUBU 20:4

Juda khawpi cheng apat chun mipite chu Jerusalem ah Lalpa ma puih na ngên ding in a tai khawm u a,

SAM LEHKHABU THE PSALMS 27:8

“Ka mel hawl un,” ti a na gen lai khan; ka lunggil chun na kieng ah, “Lalpa na mel hawl ing ka,” ka ti a.

JEREMIA 14:9

Bangati a mi lungkie tak a um bang leh, pasalpha hukdam theilo tawbang mai a um na him? Mahleh, Aw Lalpa nang chuh ka lak uh ah na um a, na min pu ka hiu a, ei taihsan ki’n.

JEREMIA 50:4

“Zie ni leh zie hunhaw achun, Israel leh Juda mipite chuh kap kawmin hung un tin uh, Kei, a Pathien uh hi ei hun hawl un au,” tih hi Lalpa kamsuok ahi.