2 KHANGTHUBU 6:6 - PATHIEN LEKHABU THIENGTHO (BSI)

⁶ Amah vang chuh ka min umna dingin Jerusalem ka na tel ta a, ka mi Israel te vaihawm sak dingin David ka na tel tai,’” ti a; a gen pa, a mah khut ngêi a hun pititpa hi pahchak in um hen.

2 KHANGTHUBU 6:6 ပူးပေါင်းရင်းမြစ်များ

1 KHANGTHUBU 28:4

Himahlele, Lalpa Israel te Pathien in, ka pa inkawte chengcheng lak apat, Israel te lenga kumlekhuo a um dingin ei na tel ta a; Juda nam chu mapui dingin a na tel a; Juda namte laka ka pa inkawte; ka pa chapate lak apat Israel chengcheng leng hi dingin a na teldawk chuom ta a.

SAM LEHKHABU THE PSALMS 132:13

Lalpa chun Zion chuh a tel ngâl a; A chênna dingin a deih a.

2 KHANGTHUBU 12:13

Khutichun leng Rehoboam chun Jerusalem ah vai a hawm a, a thuneihna chu a kihihdet a. A lal tûngin kum sawmli leh khat a hi a, Lalpa’n a mah hona dinga Israel nam chengcheng laka a tel khuo Jerusalem ah kum sawmlesagih vai a hawm a; a nu min chu Naamah, Ammon mi ahi.

SAM LEHKHABU THE PSALMS 48:1

Lalpa chuh a lopi a, nasa taka pahchak ding ahi. I Pathien uh khawpi ah, a tâng thiengtho achun

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

ISAI 14:32

Philistia nam palaite chuh, bangti’n I dâwng ta ding u? “Lalpa’n Zion chuh a dindawk a, a mite laka gimtheite chun, amah achun bitna mu’n au,” ti’n hilh hitiu.

PAWTDAWKNA 20:24

Kei dingin lei a kisiem maichâm na siem ding ahi, achung achun hâlmang thilpiek na belamte leh bâwngchalte chuh hâlmang thilpiek leh chamna thillat dinga na piek sek ding ahi: muntin ah kei nei hona dinga ka kawihchuom ahi a, zie tak achun hung sek ing ka ting, vang hun pie sek ing ka.

2 KHANGTHUBU 6:5

‘Aigupta gama kipat ka mite ka puihdawk ni a pat in Israel te nam lak ah khawimah khuo ka min umna ding In sakna dingin ka tel ngei puoh a; ka mi Israel te chunga lawiupa ding mi kuomah le ka tel kha diek puoi;

ZEKARIA 2:12

Chun, Lalpa chun gam thiengtho a a chanvo dingin Juda chuh gochan in chang intin, Jerusalem chuh hun tel ina.

2 LENGTE 21:4

Lalpa’n, “Jerusalem ah ka min um sak ing ka,” a tih na mun achun, milim maichâmte a siem a.

2 LENGTE 21:7

Chun, Lalpa’n, David leh a chapa Solomon kawma, “Zie In hileh Jerusalem Ho-In hi, Israel nam sawmlenih te laka ka tel ahin ka min kumkhuo’n um sak ing ka.

1 KHANGTHUBU 17:5

Israel chate Aigupta apat a ka puih dawk apat tuni tieng hin, Ho-In ah ka um kha puoh a, puon-In leh bâwkchate ah ka um zaw sek hi.

1 KHANGTHUBU 17:7

“Zieziekchun, ka suok David kawmah hiti hin gen ah, Bangakai hihthei Lalpa chun hiti hin a tii, ‘Belam tatna muna belam na chin lai in ka mi Israel te chunga vaihawm dingin ka hun la a;

2 KHANGTHUBU 6:20

Zie Ho-In mun lam nga a na suok a pauchamna chu ngaitha’n la, ‘zie chun ka min chu um ina,’ na tih na mun ngêi, In lam a hin sun leh zan a na mit na hah zing theih na ding in.

2 KHANGTHUBU 7:16

Kumkhuo a ka min umna dingin zie In hi ka tel a, ka suthiengtho tai: zie tak ahin ka mit leh ka lungthim chu châm zing ta’n a.

2 KHANGTHUBU 20:8

Zie hin a na cheng tau a, nang a dingin Ho-In a sau a, amau haw gawtna ding a,

2 KHANGTHUBU 30:8

A gen hak bangun um kiu inla, Lalpa thu hi zawp un, Lalpa na Pathien un a sukthienthona, Jerusalem a Ho-In ah hung unla, Amah chu ho unla, tichun na chung u a a lungnat na hi hai ina.

2 KHANGTHUBU 33:4

“Jerusalem achun ka min um zing ina,” ti a Lalpa’n a genna mun a chun milim hona maichâm te a siem a.

EZRA 7:16

Babulon gamsung a na muh chengcheng uh dangka leh sana amau kiphal dungzui a mipite’n a piekkhawm uh, Jerusalem a Pathien In sak na dinga kipâk taka a piek khawm u haw tawh.

SAM LEHKHABU THE PSALMS 122:2

Aw Jerusalem na kulh kawtkhak sung achun Ka keng u haw chuh a ding tai;

ZEKARIA 3:2

Chun, Lalpa’n Setan kawm achun, “Aw Setan, Lalpa chun hun gai zaw hen: Ahi, Lalpa Jerusalem tel pa chun hun gai he’n! Ziehi, meikuong laka pata thingkhuoh lâkdawk tawbang hilo ahim?” a ti a.