2 KHANGTHUBU 6:5 - PATHIEN LEKHABU THIENGTHO (BSI)

⁵ ‘Aigupta gama kipat ka mite ka puihdawk ni a pat in Israel te nam lak ah khawimah khuo ka min umna ding In sakna dingin ka tel ngei puoh a; ka mi Israel te chunga lawiupa ding mi kuomah le ka tel kha diek puoi;

2 KHANGTHUBU 6:5 ပူးပေါင်းရင်းမြစ်များ

DANIEL 9:19

Aw Lalpa ngaitha tie, Aw Lalpa ngaidam in, Aw Lalpa, ngaitha’n la hih in. Aw ka Pathien nangmah ziek mah mah in na khawpi leh na mite na min vawh a a um ziek un” ti’n.

1 LENGTE 8:16

‘Aigupta gam apat ka mi Israel te ka puihdawk ni apat in, Israel te nam lak ah khawimah khawpi hi ka min umna ding In sakna dingin ka tel puoh a, amahvang chuh ka mi Israel te lawiupa dingin David hi ka tel hi,’” a ti a.

1 SAMUEL 15:23

Helna hi phunsan a gitlohna tawh a kibanga, lochalna hi milim ho leh manlohna tawh kibang ahi. Lalpa thu na deihloh ziekin ama’n le leng dingin a hun deih diek ta puoi,” a ti a.

1 SAMUEL 10:24

Chun, Samuel chun mi chengcheng kawma chun, “Lalpa mi guot hi na muu em? Mipi chengcheng lak ah amah tawbang himhim hi a um puoi” a ti a. Chun, mipite chu a kiko u a, “Leng chu Pathien in humbit hen!” a tiu a.

DAN NIHNA 12:11

Lalpa na Pathien un a Min umna dinga a guot ding muna na hun chawih dinguh ka tih chengcheng chuh zie a chuh na hun chawih dinguh ahi, na hâlmang thilpiekteu, na kithawihnateu, na sawma-khatteu, na pei thilpiekteu, na neih lak u a phapen Lalpa dinga na tiem hawu chuh;

DAN NIHNA 12:5

Lalpa na Pathien un na phung chengcheng lak u a a Min umna dinga a guot ding mun chuh hawl zawu inla, zie a chuh na chieh u a,

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

PAWTDAWKNA 20:24

Kei dingin lei a kisiem maichâm na siem ding ahi, achung achun hâlmang thilpiek na belamte leh bâwngchalte chuh hâlmang thilpiek leh chamna thillat dinga na piek sek ding ahi: muntin ah kei nei hona dinga ka kawihchuom ahi a, zie tak achun hung sek ing ka ting, vang hun pie sek ing ka.

2 KHANGTHUBU 6:4

A mah chun, “Lalpa, Israel te Pathien, ka pa David kawma amah kam ngêi a,

2 KHANGTHUBU 6:6

Amah vang chuh ka min umna dingin Jerusalem ka na tel ta a, ka mi Israel te vaihawm sak dingin David ka na tel tai,’” ti a; a gen pa, a mah khut ngêi a hun pititpa hi pahchak in um hen.

2 LENGTE 21:4

Lalpa’n, “Jerusalem ah ka min um sak ing ka,” a tih na mun achun, milim maichâmte a siem a.

1 KHANGTHUBU 17:5

Israel chate Aigupta apat a ka puih dawk apat tuni tieng hin, Ho-In ah ka um kha puoh a, puon-In leh bâwkchate ah ka um zaw sek hi.

2 KHANGTHUBU 6:20

Zie Ho-In mun lam nga a na suok a pauchamna chu ngaitha’n la, ‘zie chun ka min chu um ina,’ na tih na mun ngêi, In lam a hin sun leh zan a na mit na hah zing theih na ding in.

2 KHANGTHUBU 7:16

Kumkhuo a ka min umna dingin zie In hi ka tel a, ka suthiengtho tai: zie tak ahin ka mit leh ka lungthim chu châm zing ta’n a.

2 KHANGTHUBU 12:13

Khutichun leng Rehoboam chun Jerusalem ah vai a hawm a, a thuneihna chu a kihihdet a. A lal tûngin kum sawmli leh khat a hi a, Lalpa’n a mah hona dinga Israel nam chengcheng laka a tel khuo Jerusalem ah kum sawmlesagih vai a hawm a; a nu min chu Naamah, Ammon mi ahi.

2 KHANGTHUBU 20:8

Zie hin a na cheng tau a, nang a dingin Ho-In a sau a, amau haw gawtna ding a,

2 KHANGTHUBU 20:9

thil phalo ahung tun a, gâl ahim, hipi ahim, kiel ahim a tun a, Nang hona mun Ho-In maia a hung khawm theih na dingun tih a het ziekun. A buoi nau a a hung paucham u a, Nangin ngaitha a na hukdawk theihna ding in.

2 KHANGTHUBU 30:8

A gen hak bangun um kiu inla, Lalpa thu hi zawp un, Lalpa na Pathien un a sukthienthona, Jerusalem a Ho-In ah hung unla, Amah chu ho unla, tichun na chung u a a lungnat na hi hai ina.

2 KHANGTHUBU 33:4

“Jerusalem achun ka min um zing ina,” ti a Lalpa’n a genna mun a chun milim hona maichâm te a siem a.

2 KHANGTHUBU 33:7

Chun, Pathien in David leh a chapa Solomon kawm a, “Zie Ho-In leh Jerusalem khuo hi, Israel nam cheng lak a kumkhuo a ka min umna mun ding a ka guot a hi a,

EZRA 7:16

Babulon gamsung a na muh chengcheng uh dangka leh sana amau kiphal dungzui a mipite’n a piekkhawm uh, Jerusalem a Pathien In sak na dinga kipâk taka a piek khawm u haw tawh.

ZEKARIA 3:2

Chun, Lalpa’n Setan kawm achun, “Aw Setan, Lalpa chun hun gai zaw hen: Ahi, Lalpa Jerusalem tel pa chun hun gai he’n! Ziehi, meikuong laka pata thingkhuoh lâkdawk tawbang hilo ahim?” a ti a.