2 KHANGTHUBU 6:41 - PATHIEN LEKHABU THIENGTHO (BSI)

⁴¹ Aw Lalpa Pathien, na Ho-In mun achun chieh to in, nang leh thugawlh kawihna thingkuong chu lut in, Aw Lalpa Pathien, na thiempu te hukdamna’n van inla, na mi thiengtho te chu phatna achun kipâk u hen.

2 KHANGTHUBU 6:41 ပူးပေါင်းရင်းမြစ်များ

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

1 KHANGTHUBU 28:2

Tichun, leng David chu amau ah a ding a, “Ka unaute leh ka mite haw, ka thu hi na ngaitha tiem u! Kei chun, Thugawlh kawihna Thingkuong kawihna ding leh, I Pathien uh keng ngakna ding In sa leng tih ka na ut mah mah a. A van ding le ka ngah diem ta a.

ISAI 66:1

Lalpa chun, “Van ka chutphah ahi a, lei ka keng ngakna ahi: In bang tawbang a nei sak sak dinguh? Ka chawlhna mun ding chuh khawitak ahi?

SAM LEHKHABU THE PSALMS 132:16

A thiempute chuh hukdamna’n thuom ing ka ting: A mi thiengtho haw chuh kipâk takin kiko un au.

NEHEMIA 9:25

Kulh nei khawpi leh gam phatak haw chuh a lau a, thilpha chitin a dim in a luoh u a, tuikhuk laihsate, grep huonte leh theikung tampi a nei u a. Tichun, a neu a, a vah u a, a hung thau tau a, na phatna chuh kiningting tak in a nawpchen u a.

THUPHUON 19:14

Vana sepaihte chun patngat puon ngim tak, vam tak silh in, sakawl kâng chunghaw a chuh chu’n a zui uh a.

THUPHUON 19:8

Patngatpuon ngim tak, vam tak silh a phal sak uh a, (patngat puon chuh mi thiengthote thilhih diktat ahi ngâla.)

PHILIPPI 4:4

Lalpa achun kipâk zingun, ti kit zel sek ka, kipâk un!

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

GALATI 3:27

Krista tawh pumkhat a baptist na hi tau a; tuhin, Krista hinna a chuh thuom na hi tau hi.

ROME 13:14

Lalpa Isu Krista chun kithuom zawu inla, na phehlevo utnau pitin dingin bangmah hih kiu.

ROME 1:16

Chanchin Pha chuh ka zahchâkpih puoh ngâl a; kuole a gingcha tapohte dingin hukdamna dinga Pathien thilhih theihna ahi ngâl a, a tûngin Juda mite dingin ahi a, chun, Grik mite dingin a hung hi kit a.

ZEKARIA 9:17

Ahi, zie ni chuleh a gam chuh bang tawbang pheta gam pha leh hawih a hi ta dem! Buhlebal in tangvalte chuh suthanuom intin; uain thak te chun nungakte chuh suthanuom ta’n a!

ISAI 61:6

Nang haw vang chuh, Lalpa thiempute tih hung hiu in na tin uh, mite chun Pathien nasemte hun ti ding ahiu hi. Namte hauhsakna chuh chen un na tin uh, a hauhsak nau chuh na lopinau hi ding ahi.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

SAM LEHKHABU THE PSALMS 110:2

Lalpa chun a lopina mawlh chuh Zion tâng apat in a sawldawk a: “Nang in nang mah hun dote lak ah vaihawm inla.”

SAM LEHKHABU THE PSALMS 65:11

Kum chu na phatna na’n na vuk seka; Na chieh na lampi haw achun hauhsak na a luong let sek hi.

SAM LEHKHABU THE PSALMS 65:4

Na Ho-In huongsung kawtlaia um thei dinga Na tel a, na kieng na zawt sakte chuh mi hampha ahiu: Na in phatna chun tai ung kau, Na Ho-In mun thiengtho phatna chun.

JOSHUA 3:13

Chun, hiti hi hi’n tin, leichung pumpi Lalpa bawm zawn thiempute kêngpêk chun Jordan tui a sukkhak tieng leh saklam apat a tui hung luong haw chuh châwl intin; tichun mun khat ah hung kiting khawm viehvuoh zieng in a,” a ti a.