2 KHANGTHUBU 6:30 - PATHIEN LEKHABU THIENGTHO (BSI)

³⁰ na umna van a pat in na ngaitha’n la, ngaidam inla, mitin a um dân chiet uh bangin lawhtit sak in, nangin mitin lunggil chu na he chiet ngâl a;

2 KHANGTHUBU 6:30 ပူးပေါင်းရင်းမြစ်များ

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

JOHAN 2:25

A chanchinhawu chuh kuomah hilh a ngai puoi, amah ngêi in a lungthim u a um haw chuh a he ngâl a.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

EZEKIEL 18:30

“Zieziekchun, Aw Israel insung mite haw, mitin a umdan bang zela na chung u a vaihawm ding ka hi, Lalpa Pathien chun a tii. Lunghei unla, na bawhsietna teu chengcheng chuh haihsan un; phatlohna chuh na siet lawh lohna dingun.

JEREMIA 17:10

Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

SAM LEHKHABU THE PSALMS 62:12

Aw Lalpa, zahngaihna hile nanga mah ahi: Mitin a thilhih dungzui chiet in na din sek ngâl a.

1 LENGTE 8:39

Na umna van ah a na ngaihthak sak inla, ngaidam inla, mitin a umdan dungzui un bawlsak in; a lungthim uh nang na he ngâl a (nangmah, nang mai in mihingte lungthim na he ngâl a).

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

2 KHANGTHUBU 6:29

a hivei uh ahim, a lungkham nau ahim heta phawt in, zie In lam hi nga a ban zaka mimal ahim, Israel mipi te ahim in pauchamna leh ngetna a hun tut u chun,

2 KHANGTHUBU 6:31

Ka pileputeu na piek, gama a umsung cheng u a; na lampi hawh uh a a hun kihchak theihna dingun.

THUCHINGTE 15:11

Thihna khawvel chun Lalpa hetloh dingin bangmah a vawp thei puoh a; mihing in bangti’n a a ngaihtuohte chuh Pathien apat a a selguk theih ding?

1 KHANGTHUBU 29:19

Ka chapa Solomon hi, na thupiekte, na thu hetsak te, na dante, zawp a, ziehaw chengcheng hi hih ding leh, ka na guonggalh masaksa, Ho-In sa. ding hin lunggil phabukim put sak in,” a ti a.

SAM LEHKHABU THE PSALMS 7:10

Pathien chuh ka phaw ahi a, Amah chun lunggil diktak pute chuh a hukdam sek hi.