2 KHANGTHUBU 6:27 - PATHIEN LEKHABU THIENGTHO (BSI)

²⁷ Nang in van a pat in na ngaitha’n la, a chiehna dinguh lampi pha kâwkmuh in na suokte leh na mi Israel te gitlohna ngaidam in na mite a go chan ding u a na piekna gam ahin guoh hun zuk sak in.

2 KHANGTHUBU 6:27 ပူးပေါင်းရင်းမြစ်များ

ZEKARIA 10:1

Guoh nunung huna hin Lalpa kawm achun guoh ngên un. Mitin a dinga meipi siempa leh lo a thaichi tin cheng a ding guoh tui piepa chuh Lalpa ahi ngâl a.

JEREMIA 5:24

A lunggil un Lalpa Pathien, a hun taka guoh masa leh guoh nunung zuk sakpa, buh-ât hunbi ei guot sakpa chuh kihchai tiu, a ti diek puou hi.

SAM LEHKHABU THE PSALMS 94:12

Aw Lalpa, mi na thunun a, na dân thu na sinsakte chu a hamphau hi.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

MIKA 4:2

Tichun, nam tamtak chuh hung un tin, “Hung un la, Lalpa tângah, Jakob Pathien In achun chieh to hitiu; tichun, ama’n a lampi chanchinte chuh ei sinsak in tin, a lampi haw achun chieh hitiu,” ti’n au. Zion apat chun dân hung pawt in tin, chun, Lalpa thu chuh Jerusalem apat hung pawt ding ahi.

JOEL 2:23

“Nanguh, Zion chate haw, kipâk un! Nang haw dinga Lalpa thilhihte ziek chun kipâk un. Guoh masa chu a hun takin nanguh a hun pie ta ngâl a. Nanguh dingin guoh a zuk sak a, chavang guoh masa leh guoh nunung chuh.

EZEKIEL 34:26

“Amau leh ka tâng kimvela mun cheng chuh vangsakna’n siem ka ting, a hun cha’n guoh zuk sak ing ka ting; vangsakna guoh haw zu’n a.

JEREMIA 42:3

Lalpa na Pathien in ka chieh na dinguh lampi leh ka hih dinguh ei kawk muh theihna dingin,” a tiu a.

JEREMIA 14:22

Nam dangte pathien lak ah guoh zuk sak thei a um u? Ahihleh, van in guohpi a zuk sak thei hi? Zie thil haw chengcheng hi nang hih hilo ahi? Nang achun ka kinepnau ka nga ngâl u a.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

ISAI 30:21

Chuleh, changlam ahim, veilam ahim a na petmang tieng u leh, na nung lam u a thu kigen na bil in za’n tin, “Zie lam hi lampi dik ahi, zui un” a tihna aw za zel un lau.

SAM LEHKHABU THE PSALMS 119:33

Aw Lalpa na thuguot lampi chuh ei sinsak inla; Khutichun a tâwp chanin zui ing ka.

SAM LEHKHABU THE PSALMS 68:9

Aw Pathien nang chun guoh tampi na zuk saka, Na goluoh ding a chauh lai in na pie kita.

SAM LEHKHABU THE PSALMS 25:12

Lalpa kihchate chuh kuote ahiu hi? Amau chuh a lampi tel ding chu hilh ina.

SAM LEHKHABU THE PSALMS 25:8

Lalpa chuh a pha a a dik a hi: Zieziekchun mi gilote chuh a lampi sinsak ina.

2 KHANGTHUBU 7:14

Ka minpu ka mite chuh, kingainiema a paucham uh a, ka mel a hawl uh a, a umdan giloteu kisik a a haihsan u chun, van apat in a na ngaitha’ng ka ting, a gitloh nau ngaidam ing ka ting, a gam uh sudam kiting ka.

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

JOEL 2:13

Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.