2 KHANGTHUBU 6:14 - PATHIEN LEKHABU THIENGTHO (BSI)

¹⁴ “Aw Lalpa, Israel te Pathien, lei leh van ah nangmah bang him Pathien a um puoi, a lunggil chengcheng u a na lampi hawh na suokte chung a chun thuthun guitun sak in, na hehpih sek a;

2 KHANGTHUBU 6:14 ပူးပေါင်းရင်းမြစ်များ

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

DAN NIHNA 7:9

Zieziekchun, Lalpa na Pathien u maicha hi Pathien chuh ahi tih heu in; Pathien ginum, amah hehpih a, a thu zuite chunga khang sang chana thuthun leh lungsietna sulang zing seka,

1 THESSALONIKA 2:12

hun lungmuon a, hun hettuoksak zinga, na chung chiet u a ka hih zieu kha na he ngâl u a.

LUKE 1:50

Amah kihchate chung achun a zahngaihna chuh akhang-akhangin a latsak zel sek a.

LUKE 1:6

A nih uh chun Pathien mitmuh in diktat takin a um sek uh a, bukim takin Lalpa thupiek leh a dante chuh a zawp sek ui.

JEREMIA 10:6

Aw Lalpa, nang tawbang kuomah a um puoh a, Na lopi a, na min chuh thilhih theihna’n a lopi hi.

SAM LEHKHABU THE PSALMS 89:28

Ka zahngaihna chuh amah dingin kumlekhuo’n vawpphat sak ing ka ting, Ka thugawlh chuh amah ah dettak in um ina.

SAM LEHKHABU THE PSALMS 89:8

Aw Lalpa, sepaihte haw Pathien, Aw JAA, nang tawbang mihat kuo a um a? Na muon um na chu na kimvel ah a um ngâl a.

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

NEHEMIA 1:5

“Aw Lalpa van Pathien, Pathien lopi leh lauh-um, Amah hehpih a a thupiek zawp te chunga thugawlh hezing a zahngaihna sulang sek pa;

1 KHANGTHUBU 29:20

Chun, zie zawh chun David in mipi cheng chengte kawm achun, “Khaile, Lalpa na Pathien u chuh pakchau un,” a ti a. Tichun, mipi chengcheng chun Lalpa, a pileputeu Pathien chu a pakchau a, a khun u a, Lalpa leh leng chuh chibai a bûk u a.

1 LENGTE 18:36

Nitâk lam kithawih hun vel chun hiti hi ahi a, thiemgau Elijah chun a va naih a, “Aw Lalpa, Abraham te, Isak te, Jakob te Pathien, nang hi Israel gam ahin Pathien na hi a, kei hi na suok ka hi a, ziehaw chengcheng hi nangmah thu a ka hih ahi tih hi tuni hin heu hen.

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

1 LENGTE 6:12

“Zie na In sak chungchâng thu ahin, ka thuguot te na pawm a, ka vaihawmnate na zawpa, ka thupiek chengcheng haw zawp dinga na pawm phawt chun, na pa David kawma ka gen tâk, ka thu kha na chunga hin sudet ing ka.

1 LENGTE 3:6

Chun, Solomon chun, “Na suok ka pa David kha na mitmuh in thutak leh kitûp leh lunggil diktak pu a a um bang khan nangin a chungah zahngaihna nasatak na na sulang a; nangin zie phatna nasatak chu amah dingin na kawih sak a, a lalchutphah a chu ding chapa na pie a, tuni a a hung um tâk ngêi bang hin.

DAN NIHNA 4:39

Zieziekchun, tuni hin na lunggil un vawp unla, chunglam van a leh nuoi lam leia hin le Lalpa chuh Pathien ahi tih heu in; adang himhim a um puoi tih heu in.

THILSIEMBUL 33:20

Zie chun maichâm a siem a, a min dingin El-elohe-Israel a sa ta a.

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

THILSIEMBUL 5:24

Enok chuh Pathien tawh a kivawp zing sek u a: chun, Pathien in a lamang a, a um ta puoh a.

LUKE 1:72

Amah chun ei suonteu kawm akhan, lungsietna latsak ka ting, ka thugawlh thiengtho chuh hezing ing ka, a ti him a.

DANIEL 9:4

Lalpa ka Pathien kawm achun ka paucham a, ka kiphuong a, “Aw Lalpa Pathien, lopi tak leh lauh um tak, nang hun hehpih a, na thupiek zawp sekte kawma thugawlh sudet in lungsietna na latsak sek a.

JEREMIA 10:16

Jakob chanvo vang khutibang chuh ahi puoi. Amah chuh thil chengcheng bulpi ahi ngâla. Israel hi a goluoh nam ahi a, A min chuh Sepaihte Lalpa ahi.

SAM LEHKHABU THE PSALMS 86:8

Aw Pathien, pathien lak ah nang tawbang a um puou hi; Na hih tawbanga hih le a um diek puou hi.

1 KHANGTHUBU 29:10

Khutichun, David in mipi chengcheng te ma achun Lalpa chu a pakcha a, “Aw Lalpa, ka puu Jakob Pathien, kumlekhuo a pahchak in um in.

2 SAMUEL 7:22

Zieziekchun Aw Lalpa Pathien, nang chu na lopi a, ka bil u a ka zak dân un nang tawbang himhim a um puou a, Nangmah lo ngâl Pathien dang himhim le a um puou hi.

PAWTDAWKNA 3:15

Chun, Pathien mah in Mosi kawm achun, “Nangin Israel chate kawm achun, ‘Lalpa nang uh hun suonte Pathien, Abraham Pathien, Isak Pathien leh Jakob Pathien chun, na kawm u ahin ei sawl ka hi a, ziehi kumkhuo a ka min chuh ahi a; ziehi suon chengcheng chana nei hetna ding u chuh ahi,’ ti’n gen in.

THILSIEMBUL 35:10

Pathien chun a kawmah, “Na min hi Jakob ahi a; na min chuh Jakob kiti ta puo’n tin, na min chuh Israel hi zaw ta’n a,” a ti a: tichun a min ding chun Israel a sa tai.

DAN NIHNA 3:24

“Aw Lalpa Pathien, na suok hi na lopina leh na khut hât chuh na muhsak pan ta a; lei leh van a le, na thilhih haw tawbang leh na thilhih thupi tak tawbang hih thei bang pathien a um?

PAWTDAWKNA 8:6

Khutichun, Aron chun Aigupta gama lui chunghaw achun a khut a zak a; tichun ukeng haw chuh a hung pawt u a, Aigupta gam a dâp suok tau a.

2 KHANGTHUBU 6:17

Khutichun Lalpa Israel Pathien, na suok David kawma thu na gen chu tuhin lawhtit sak tei in.

2 KHANGTHUBU 20:6

ngeih tak in a paucham a, “Aw Lalpa, ei suonteu Pathien, van a pata, khawvel a nam chengcheng te chunga vaihawm na hi a. Thilhihthei tak leh hattak na hi a, kuoma’n a hun do zo puou hi.