2 KHANGTHUBU 5:2 - PATHIEN LEKHABU THIENGTHO (BSI)

² Khutichun, Solomon in Israel upa te haw, a nam lawiupau, Israel suonte inkuon lawiupa cheng chengte chu, David khawpi Zion apat Lalpa thugawlh kawihna thingkuong zawn to dingin Jerusalem khuo ah a sam khawm a.

2 KHANGTHUBU 5:2 ပူးပေါင်းရင်းမြစ်များ

2 SAMUEL 6:12

Chun, leng David chu, “Thuthunna bawm ziekin Obed-edom inkawte leh a In a lo chengcheng Lalpa’n a vangsak ahi,” ti’n a hilh u a. Tichun David chun Thuthun bawm chu Obed-edom In apat chu, David khawpi achun kipâk takin a va la ta a.

2 KHANGTHUBU 1:4

(Thugawlh kawihna thingkuong chuh Jerusalem ah a um a, David in Kiriath-Jearim apat a na pawto a, a umna dinga a siemna mun akhan kawih in a um ta ngâl a.)

SAM LEHKHABU THE PSALMS 87:2

Lalpa chun Zion kulh kawtkhak haw chuh, Jakob chênna chengcheng sangin a ngaina zaw a.

SAM LEHKHABU THE PSALMS 2:6

“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

2 KHANGTHUBU 5:12

Levi te lasa mi chengcheng te le a bawn un, Asaph te, Heman te, Jeduthun te, a chapa teu leh a suohpih teu tawh, patngatpuon a kivan in dakkhutbet te, tumgitte, kingkang te, tawh maichâm suohlam pang ah a ding u a, a lak u ah thiempu za leh sawmnih pengkun mût in a um ui:

2 KHANGTHUBU 5:1

Tichun, leng Solomon in Lalpa in dinga a sak chu a zo thieng ta a, chun, Solomon in a pa David in thil a na pieksa chengcheng te chu a lalut a; dangkaguote, sanate, matchâk chengcheng te chu Pathien ina go kawihkhâwm na ah a kawih ta a.

1 KHANGTHUBU 28:1

Chun, David in Israel milien chengcheng chu, Jerusalem a kikhawm dingin thu a pie a. Khutichun, nam tina puitute, lenggam a vaihawm miliente, nam khat laka mapuite, leng leh a chapa teu leh a thuomphuou leh a kawihna enkawlte, leng In a miliente, sepaih lawiupate leh mi pawimawhte chengcheng chu Jerusalem ah a kikhawm u a.

1 KHANGTHUBU 26:26

Shelomith leh a unaute chu leng David leh a inkuon uh lawiupa sepaih sangkhat chunga lawiupa leh, zakhat chunga lawiupa leh, sepaihhawn lawiupate’n a hih thientho sau, thil thiengtho kawihkhawmna in cheng cheng enkawl ahiu hi.

1 KHANGTHUBU 24:31

Amau haw chule, a unauteu, Aron chapate mah bangin, leng David te, Zadok te, Ahimelek thiempute leh, Levi te inkuon lawiupate chu a hetpih in a pang u a; inkuon lawiupa pên leh a unauteu tawh kithuguol takin a hih u a.

1 KHANGTHUBU 24:6

Eliezer suonte leh Ithamar suonte chu a banin phunsân in a bawl u a. Levi te laka lehkhazik a pang, Nethanel chapa Shemaiah chun a na ziklut zel a. Leng leh a miliente cheng, Thiempu Zadok leh Abiathar chapa Ahimelek leh thiempute inkuon lawiupa cheng leh, Levi inkuon cheng chu a hetpih in a pang u a.

1 KHANGTHUBU 16:1

Tichun, Thugawlh Bawm chu a la lut u a, a kawihna dinga David in a zak, puon-In sung achun a kawih tau a. Tichun, hâlmang kithawihnate leh, kichamna thillat te Pathien kawm achun a lân u a.

1 KHANGTHUBU 15:25

Khutichun, David leh Israel lawiupate leh, sepaih lien lawiupate chu, Obed-Edom In ah, Thugawlh kawihna Thingkuong la ding chun kipâk takin a chieh tau a.

1 KHANGTHUBU 15:12

Levi te kawm achun, “Nang haw hi, Levi inkuon sunga lawiupa pente na hiu a. Israel te Pathien, Lalpa Thugawlh kawihna thingkuong chu, a mun ka guonggalhna a na chawn toh theihna dingun nang haw hi na unauteu tawh kihihthiengtho un.

2 SAMUEL 5:7

Himahlele David chun Zion chu a la ta a, zie chu “David khawpi” ti a het ahi tai.

KISIMNA 10:36

Chun, a kingak na taphawt ah, “Aw Lalpa, Israel mipi sang tamtak te kawm ahin hungkit in,” a ti sek a.

KISIMNA 10:33

Khutichun, Lalpa tâng apat a ni thum lam achun a chieh u a; Lalpa Thuthun bawm chuh a giehbuk mun ding uh lemchâng hawl chun a masang u achun a chieh zel a.

THIEMPUDANTE 9:5

Tichun, Mosi’n thu a piek bang chun, kihona puon-In mai achun a hun kai u a; mi chengcheng chun a va naih u a, Lalpa masang achun a va ding u a.

1 KHANGTHUBU 15:1

Khutichun, David chun, amah chênna dingin David khawpi achun inte a sa a; Thugawlh kawihna Thingkuong umna mun ding a guonggalh a, puon-In a zak a.

1 KHANGTHUBU 15:3

Chun, Thugawlh Bawm a umna ding mun a guonggalhna a zawn to dingin, Israel te chengcheng chu David in Jerusalem ah a sam khawm a.