2 KHANGTHUBU 5:14 - PATHIEN LEKHABU THIENGTHO (BSI)

¹⁴ Tichun meipi ziek chun thiempute’n na a sep theih loh lawh hiel u a, Lalpa lopi na’n Pathien in chu a dim suok ta ngâl a.

2 KHANGTHUBU 5:14 ပူးပေါင်းရင်းမြစ်များ

PAWTDAWKNA 40:35

Khutia meipi a hung zin tâk ziek leh, Lalpa lopina’n puon-In chuh a hung dim tâk ziekin, Mosi chuh hobuk sung achun a lut thei ta puoh a.

1 LENGTE 8:11

Khutichun, thiempute chu meipi ziek chun nasem in a ding thei ta puou a, Lalpa In chu Lalpa lopina’n a luoh dim ta ngâl a.

2 KHANGTHUBU 7:2

Ho-In chuh Lalpa lopina a a dim ziekin thiempu te chuh a lut thei ta puou hi.

THUPHUON 15:8

Khutichun, Ho-In chuh Pathien lopina leh thilhih theihna apat a meikhu chun a hung dim ta a, tichun, vânsâwlchâk sagihte gawtna sagih chuh a kichaih masang sieh, kuomah Ho-In sung achun a lut thei ta puou hi.

EZEKIEL 10:4

Ziephet chun, Lalpa lopina chuh Cherub te apat chun a chieh to a, Ho-In lutna chung a chun a va ding ta a, chun, In chuh mei in a dim ta a, chun, Lalpa lopina vak chun huongsung chuh a dim ta a.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

PAWTDAWKNA 29:43

Zie tak achun Israel mipite le hun hopih sek ing ka ting; tichun puon-In chuh ka lopina a sukthientho hung hi’n a.

2 KHANGTHUBU 7:1

Chun, leng Solomon a paucham zawhin, van a pat in mei a hungkie suk a, hâlmang thilpiek leh kithawihna te chu a hun katum ta a; tichun, Lalpa lopina’n Ho-In chu a hung dim ta a,

2 KHANGTHUBU 20:6

ngeih tak in a paucham a, “Aw Lalpa, ei suonteu Pathien, van a pata, khawvel a nam chengcheng te chunga vaihawm na hi a. Thilhihthei tak leh hattak na hi a, kuoma’n a hun do zo puou hi.