2 KHANGTHUBU 5:13 - PATHIEN LEKHABU THIENGTHO (BSI)

¹³ Pêngkun mûtte leh lasa ten Lalpa pahchakna leh kipah-thugen na a a tumgit u chu gi khat bang mai in a kiza a; pengkun leh dâk khutbet leh thil tumgit te tawh a awu a suoh u a, “A mah chu a pha ngâla; a lungsiet na chu kumkhuo a um ding ahi,” ti a Lalpa a pahchak u leh, Lalpa Ho-In chu meipi’n a dim mepmup zieng ta a,

2 KHANGTHUBU 5:13 ပူးပေါင်းရင်းမြစ်များ

EZRA 3:11

“Amah chuh a pha ngâla, a zahngaihna chuh Israel mite chungah kumlekhuo a um ding ahi,” ti a Lalpa pakcha leh, a kawma kipâk thugen in, ngeih tak in a kiko u a; Lalpa in suongphum a phum tâk ziekun Lalpa a pakchau a; mipite chuh ngeih tak in a kiko chiet u a.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

2 KHANGTHUBU 7:3

Israel chate chengcheng chun van a pata mei hung kie suk leh In chunga Lalpa lopina chu a muh phet un, suong kilem chung achun maia lei si’n a bawkkhup u a, “Pathien a ho u a, Lalpa a pakchau a, Amah chu a pha ngâla, a lungsiet na chu kumkhuo’n um ding ahih ziekin,” a tiu a.

ISAI 52:8

Ngaiin, khawpi vengte chuh a kiko u a, kipâk takin la a sakhawm u a, Zion tânga Lalpa a hung tieng chuleh kimaichangtuoh a mu ding ahi ngâl u a!

SAM LEHKHABU THE PSALMS 100:5

Lalpa chuh a pha ngâla, a zahngaihna chuh kumlekhuo’n um zing ina; A muon um na chuh suon chengcheng tieng in um ina.

2 KHANGTHUBU 20:21

Chun, mipite tawh a kiho zawh un, amah chun sepaihte ma a chiehkhawma, Thiengtho kilawmna pakcha ding leh, Lalpa chuh pakchau un, a zahngaihna chu kumkhuo’n um ding ahi ngâla, ti a lasa ding leh Lalpa min pakcha dingin lasa thiemte a guot a.

ROME 15:6

thuokhatna leh lungbihna Pathien chun, Krista Isu gen guolin, lungthim munkhat pu chiet dingin hun siem ta hen.

NASEPTE 4:32

Khutichun, gingcha mipite chuh lungthim munkhat leh, ngaihtuohna mun khatin a um u a. A lak u a khat chan le, a thil neih teu chuh keia chuom ahi a ti puou a; a thil neih taphawt u chuh a kihawm zaw sek ui.

JEREMIA 32:39

Chuleh kumlekhuo a ei kihchak theihna ding un lungthim khat leh lampi khat neih sak ing ka; amau leh a nung u a a chateu in ei kihchak na dingun.

THUPHUON 15:8

Khutichun, Ho-In chuh Pathien lopina leh thilhih theihna apat a meikhu chun a hung dim ta a, tichun, vânsâwlchâk sagihte gawtna sagih chuh a kichaih masang sieh, kuomah Ho-In sung achun a lut thei ta puou hi.

SAM LEHKHABU THE PSALMS 106:1

Lalpa chuh pakchau in. Aw Lalpa kawmah kipah thu gen un; amah chuh a pha ngâl a: A zahngaihna chuh kumlekhuo a um ding ahi ngâl a.

SAM LEHKHABU THE PSALMS 107:1

Aw Lalpa kieng ah kipah thu gen unla; amah chuh a pha ngâl a: A Zahngaihna chuh kumlekhuo’n um ding ahi.

SAM LEHKHABU THE PSALMS 118:1

Aw Lalpa kawmah kipahthu gen unla; amah chuh a pha ngâl a: A zahngaihna chuh I chung u ah a nasa ngâl a;

PAWTDAWKNA 29:43

Zie tak achun Israel mipite le hun hopih sek ing ka ting; tichun puon-In chuh ka lopina a sukthientho hung hi’n a.

1 KHANGTHUBU 16:4

Chun, David chun, Thugawlh Bawm masanga zenviel ding leh, Lalpa Israel Pathien hona a mapui ding leh, amah pakcha a lasa dingin, Levi te khenkhat chu a guot a.

2 KHANGTHUBU 7:1

Chun, leng Solomon a paucham zawhin, van a pat in mei a hungkie suk a, hâlmang thilpiek leh kithawihna te chu a hun katum ta a; tichun, Lalpa lopina’n Ho-In chu a hung dim ta a,

2 KHANGTHUBU 7:2

Ho-In chuh Lalpa lopina a a dim ziekin thiempu te chuh a lut thei ta puou hi.

2 KHANGTHUBU 7:6

Chun, thiempu te chu a mau mun chiet achun a ding u a, chun Levi te le Lalpa kawma kipah thu genna dinga David in a phuok, “A lungsiet na chu kumkhuo’n um ding ahi,” ti a Lalpa pahchakna a David in a mat sek, thil githei tawh Lalpa la sa’n a ding u a; chun, alangkhat achun thiempute’n pengkun a mût u a, Israel te chengcheng chu a ding u a.

2 KHANGTHUBU 20:22

Chun, la a hun pan u a, pahchakna la a sak phet u chun, Amon suonte, Moab suonte leh Seir tânga mite, Juda te do dinga hung kipante chuh a lambut dingin Lalpa’n ana kawih a, tichun, a that chimit tau hi.

NEHEMIA 12:27

Chun, Jerusalem kulhbang latna achun dakkhutbet te, gihawih te, kingkang haw tawh lasa a kipahthu gena, kipâk taka a lat nau a tel ding in Levi chite chuh a chênna mun chiet u apat in Jerusalem ah a puikhawm u a.

SAM LEHKHABU THE PSALMS 22:4

Ei suontu teu chun a hun gingchau a, A hun gingchau a, tichun nang na humbit sek.

SAM LEHKHABU THE PSALMS 81:2

Pahchakna la sau unla, khuongneu haw, Kingkang ngaihnawp-um takte, pêkgit haw tawh lasau in.

SAM LEHKHABU THE PSALMS 150:3

Pêngkun gi’n amah chuh pakchau unla: Pêkgitkhuong leh kingkang in amah chuh pakchau un.

SAM LEHKHABU THE PSALMS 150:5

Dakkhutbet gitpi zat in amah chuh pakchau unla: Dakkhutbet git sang zat in amah chuh pakchau un.