2 KHANGTHUBU 32:8 - PATHIEN LEKHABU THIENGTHO (BSI)

⁸ Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.

2 KHANGTHUBU 32:8 ပူးပေါင်းရင်းမြစ်များ

JEREMIA 17:5

Lalpa chun hiti hin a tii: “Mihing a kinga a, mihingte bân thahatna suong a; Lalpa kiheimangsanna lunggil nei chuh hansie dawl in um hen.

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

2 KHANGTHUBU 20:15

Jahaziel, in, “Nang haw Juda gama mi chengcheng leh Jerusalem a um chengcheng te leh nang lengpa Jehoshaphat, a na ngaithau in; Lalpa’n na kawm u ah hiti hin a tii, Lau kiu inla, zie mipi nasatak te ziek chun lungthuoi diek kiu in; kido na chu nang haw kido na a hi puoh a, Pathien kido na a hi zaw ngâl a.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

NASEPTE 18:10

kei na kawmah ka um a puo, nang hun suna dingin kuoma’n na chungah khut tha puo’n au; zie khuo ahin mi tamtak ka nei ngâl a,” a ti a.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

1 JOHAN 4:4

Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

2 KHANGTHUBU 13:12

Pathien chun ka mau pui in ka kawm u ah a um a, chun, Thiempute chu nang haw hun do dinga pengkun mût dinga kisazo san tak ahin aum ui. Aw Israel suonte, Lalpa na pileputeu Pathien chu do hiel kiu; zo lo hiel ding na hi ngâl u a,” a ti a.

DAN NIHNA 20:4

Guolzawhna na chan theihna ding u a na melmateu do dinga hun umpih zing chuh Lalpa na Pathien uh ahi ngâla,’ a tih ding ahi.

THUCHINGTE 12:25

Lungthima lungkhamna chun mi a sawn kûn a, himahleh, thupha chun vang mi a sukipak sek hi.

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

2 KHANGTHUBU 14:11

Chun, Asa chu Lalpa a Pathien kawmah a paucham a, “Lalpa chauh lo chu mi hattak a pata hatlo panpih ding a um puou hi; Aw Lalpa ka Pathien uh, ei pan pih in; nangmah muong in na min in zie mipite hi ka hun do uh ahi. Aw Lalpa, ka Pathien uh na hi a, mihing in nang hun zawh kinem kiheh,” a ti a.

DAN NIHNA 20:1

“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.

ISAI 36:18

‘Lalpa’n ei hukdawk ina,’ ti a Hezekia’n ahun thep khâk leh chingthei un, Namte pathien apat mawng mawng in a gam u chuh Asuria lengpa apat in a hukdam kha ngei uh a ahim?

ISAI 8:10

Thil guong untin, bangmah hi diek puo’n a; thu gen untin, piting diek puo’n a; Pathien I kawm u ah a um ngâl a,” ti’n.

SAM LEHKHABU THE PSALMS 46:7

Sepaih hawnte Lalpa chuh I kawm u ah a um a; Jakob Pathien chuh I insang uh ahi.

JOB LEHKHABU THE BOOK OF JOB 40:9

Pathien bangin bân na nei a ahim? Amah tawbang in vanpi git guolin aw na suoh thei dem?

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

2 KHANGTHUBU 32:15

Zieziekchun, Hezekia hin hun thêm dah henla, khutibang chun hun thêm kihen la, amah chu gingcha kiu in; bang nam pathien leh bang gam pathien inle a miteu ka khut apat in leh ka pute khut apat hukdawk thei a um puou a; bangti’n ahim na Pathien u chun ka khuta pat a hun hukdawk theih diek ding?” ti’n Jerusalem ah mite a sawl a.

JOSHUA 10:42

Zie lengte chengcheng leh a gam uh chuh, Lalpa, Israel Pathien in Israel te chuh a do pih ziekin, Joshua chun tumkhat in a la suok kêi ta a.

1 SAMUEL 17:45

Ziephet chun David chun Philistia pa kawm achun, “Nang chu chemzâm tawh, tiengcha tawh, phaw tawh na hung kuon a; kei vang na cho, sepaihte Lalpa, Israel sepaihte Pathien min a hung kuon ka hi zawi.

2 LENGTE 6:16

Chun, amah chun, “Lau dah ta, amau haw lama pang sangin, ei lama pang a tamzawu a puo!” a ti a.

1 KHANGTHUBU 5:22

Zie kidona chu Pathien phasakpih a hih ziekin, mi tamtak a that u a. Sala puih manga a um macheng u chun, zie gam achun a cheng zing tau hi.

2 KHANGTHUBU 16:7

Zie lai chun, thiemgau Hanani chu Juda lengpa Asa kawmah a chieh a, a kawmah, “Lalpa na Pathien muong lo in Suria lengpa na muong a, Suria lengpa sepaih hawn te chu na pawtsak ta a.

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

SAM LEHKHABU THE PSALMS 118:8

Mihing ginchak sangin, Lalpa a ginna ngak hi a phazaw a.

JEREMIA 42:11

Babulon leng na kihchak sek u chuh, kihcha ta kiu inla, amah chuh lau ta kiu un tih hi Lalpa kamsuok ahi; a khut a pata hukdam ding leh hukdawk dingin na kawm u ah ka um ngâla.

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

DAN NIHNA 20:3

‘Aw, Israel te haw, ngaiun, tuni hin na melmateu do ding na hi tau a, lungkie kiu inla, lau kiu in; tiza kiu inla, a masang u ah taisie kiu in,

2 LENGTE 18:5

Amah chun Lalpa Israel Pathien chuh a muong a; khutichun, a nunga Juda lengte chengcheng lak ah amah tawbang kuomah a um puou a; a masang inle a um diek puou hi.

2 KHANGTHUBU 14:10

Tichun, Asa chuh a do dingin a kuon dawka, Mereshah a Zephathah guom ah panmun a khawh gel tau a,

ISAI 30:32

Lalpa’n amau haw a zêp zui chun, a mite chun thil githei leh khuong khen in zui un au. Pathien ngêi chun Asuria te chuh do ding ahi ngâl a.

ISAI 31:3

Aigupta mite chuh Pathien ahi puou a, mihing mai ahiu hi; a sakawlteu chuh thagau ahi puoh a, phehlevo mai ahi ngâl a; tichun Lalpa’n a khut a thâk tieng leh, namte chuh puksieu un tin, a panpihte chule puk untin; a bawn u chun beimang khawm un au!