2 KHANGTHUBU 32:5 - PATHIEN LEKHABU THIENGTHO (BSI)

⁵ Leng chun khawpi vengte a suhat thak a, bângte a siem phau a, gâl ven inte a sau a, kulh pawlam bângte a siem phau a. Zie bân achun, David khawpi Millo chu a siempha a, matchâk leh phawte tamtak a siem beh a.

2 KHANGTHUBU 32:5 ပူးပေါင်းရင်းမြစ်များ

2 KHANGTHUBU 25:23

Israel lengpa Jehoash chun Juda lengpa Amaziah chu Beth-shemesh achun a man a, Jerusalem ah a pui a, Jerusalem kulh chu Ephraim kulh kawtkhak a pata kulh ning kawtkhak chan in tawng zali hiel a suchim a.

1 LENGTE 9:24

Pharaoh chanu vang chuh David khawpi apat chun amah In, Solomon in a sak sak achun a chieh to ta a; tichun, Millo chu a siem ta a.

2 LENGTE 25:4

Tichun, khawpi kulh bâng chu a vitvang u a. Babulon te chun khawpi um kimvel suok mahleu, zan lai chun sepaih chengcheng chu a taidawk tau a. Leng huon kawma bâng nih kikal achun a taidawk u a, Jordan luiphai lam achun a taisie tau a.

2 SAMUEL 5:9

Tichun David in kulh chu a lak zawh nung chun zie tak achun a cheng ta a, a min dingin “David khawpi” a vawh ta a. Chun, David chun Millo apat a kimvelin a kulh a siem a, a sung lama tawh.

JEREMIA 39:4

Chun hiti hi a hung hi a, Juda leng Zedekia leh a sepaihte’n amau chuh a muh phet un, a taimang u a, khawpi apat chun zan kâl in a pawtdawk tau hi. Leng huon kawtkhak lama kulh bâng nih kikala kawtkhak achun a taidawk u a, amah chuh phaicham lampi lama Arabah achun a pawtdawk ta a.

2 KHANGTHUBU 26:8

Ammonte’n Uzziah kawmah sieh a pie sek u a; tichun, a hung hât mah mah tâk ziekin Aigupta gam chanin a minthanna a hung zak tai.

2 KHANGTHUBU 23:1

Thiempu Jehoiada chun kum gup a ngak nung in, thilhih ding chun thupukna a siem ta a. Sepaih lawiupate mi nga: Jehoram chapa Azaria te, Jehohanan chapa Ishmael te, Obed chapa Azaria te, Adaiah chapa Maaseiah te leh Zikri chapa Elisaphat te tawh thutiem a bawl u a.

2 KHANGTHUBU 12:1

Chun, Rehoboam in gam chu ahung kiphuhdet a, mi hattak a hung hih phet chun, amah leh a mipi te chengcheng chun Lalpa dân chu a kiheimangsan tau a, Israel mi cheng inle amah a zui tau hi.

2 LENGTE 12:20

Chun, Leng Joash chu a miliente’n a phielguu a, a lak uh a mi nih, Shimia chapa Jozakar leh Shomer chapa, Jehozabad chun, Jerusalem suohlam panga Silla zawt sukna lampi a Beth Millo In achun a that tau a.

1 LENGTE 11:27

Leng chunga a khut hun thakna ziek chuh ziehi ahi: Solomon in Millo a siem a, a pa David khawpi chu a sietna haw a siempha a.

VAIHAWMTE 9:6

Chun, Sekem khuo a mi chengcheng leh Beth-millo a mi chengcheng chuh a kikhawm u a, Sekem a gangpi thingbul nuoi achun leng dingin a siem tau hi.

THUCHINGTE 25:28

Mi amah lungthim thunun zo lo chuh; khawpi sie sa, kulhbang bei tawbang ahi.

2 KHANGTHUBU 33:14

Zie nung chun Manasseh chun David khawpi suohlam pang a kulh bâng pawnung zaw chu, Gihon luiguom apat in, mâllam pang a Nga kawt khâk chan in a sânlam chu a siem beh a, a biel khawpi chu Ophel a kitii. Juda gam kulh nei khawpi cheng achun, sepaih hawn te enkawl dingin sepaih miliente le a kawih vek a.

JOEL 2:8

A kinektuoh puou a, amau lampi chietah a chieh u a; Matchâkte a susieu a, a tâng diek puou hi.