2 KHANGTHUBU 32:27 - PATHIEN LEKHABU THIENGTHO (BSI)

²⁷ Leng Hezekia chu a hung neizo mah mah ta a, mitin in a zah tau a; a dangkaguo te, sana te, suong mantam te, gimlim te, phaw te, a thil neih man tam dangte kawihna ding In a sa a.

2 KHANGTHUBU 32:27 ပူးပေါင်းရင်းမြစ်များ

THUCHINGTE 10:22

Lalpa vangsakna chun a suhausa a, lungkhamna a siem beh sak puoi.

2 KHANGTHUBU 17:5

Zieziekchun Lalpa’n a gam chu a khut ah a hihdet a, tichun Juda gama mi chengcheng in Jehoshaphat chu kipahman te a hun pieu a, a hung neizo in a hung lopi mah mah a.

2 KHANGTHUBU 9:27

Chun, a lal sung chun, Jerusalem a dangkaguo chuh suong guolin a tama, sidar thing chuh phaicham a theipi bangin a tam hi.

2 KHANGTHUBU 1:12

Chitna leh hetna chu piek na hi tai! Chun, na masanga lengte kuoma’n ana neih khâk loh uh, chun, na nunga le kuoma’n zie chuh a neih loh dinguh hauhsakna te, neihzawhna te, zahumna te ka hun piei,” a ti a.

2 LENGTE 20:13

Tichun, Hezekia chun amau haw chu a na lawp a, a thil mantam kawihna In chengcheng te, dangka te, sana te, thil gimlim te, sathau mantamte, a gâlvan kawihna insung te, a go um chengcheng te chu a etsak a. A In leh a gamsung a thil, Hezekia’n a etsak loh himhim a um puoi.

2 KHANGTHUBU 32:26

A tâwp chun, Hezekia leh Jerusalem a mipite chu a hung kingainiem tau a, khutichun Hezekia damsung chun Lalpa’n mipite chu a gawt ta puoi.

2 KHANGTHUBU 32:28

Zie bân a chun a buhte, uain te leh olive thaute kawih na In ding a sa a, a ganguol te in ding leh a belam huong ding te a sa a.

EZEKIEL 26:12

Na gothil cheng chawm zo in au, Na thuomphuo cheng kilak in au, Na kulh bâng suchim intin un, Na in nuom tak hawu susie zo in au, Na thing, na suong, na lei pha haw chuh tuipi ah paih lut in au.

1 SAMUEL 2:7

Lalpa chun a hih chagah seka, hih le a hih hausa sek: A suniem seka, chawih le a chawisâng sek hi.

1 KHANGTHUBU 29:28

Tichun upa tak leh têkkûn dam in, hausa tak leh pahchak lawh in a thi ta a, a chapa Solomon chun a thasang in vai a hawm tai.