2 KHANGTHUBU 32:25 - PATHIEN LEKHABU THIENGTHO (BSI)

²⁵ Himahleh Hezekia chu, Lalpa’n amah dinga a thilhih chung a a kipahna sulang ding chun a chapo ta mah mah a, zieziekchun Juda leh Jerusalem a mipite chu a hung kingainiem tau a,

2 KHANGTHUBU 32:25 ပူးပေါင်းရင်းမြစ်များ

2 KHANGTHUBU 24:18

Tichun a pileputeu Pathien Ho-In chu a kiheisan u a, Asher pathien leh milim te a ho tau a. A gitloh nau ziekin Juda te leh Jerusalem chungah Lalpa lungnatna a hung tung ta a.

2 KHANGTHUBU 26:16

Himahleh leng Uzziah chu a hung hât phet chun a hung chapo ta a. zie chun puksietna ah a pui ta a. Lalpa a Pathien musit in Ho-In a maichâm achun gimlim hâl dingin a chieh ta a.

2 KHANGTHUBU 32:31

Babulon gam apat a palai a gama thilmak umte dawng dinga a hung un le, Pathien in a nungchang patepna dingin amah thu thun a thah tha zaw ta ahi.

2 SAMUEL 24:1

Chun, Israel te chung a chun Lalpa lungnatna chu a hung kuong dawk kit ta a, “Chieh inla, Israel mi leh Juda mite sim vekin,” ti’n David chu a sietna dinguh hih dingin a châwk tho a.

2 LENGTE 14:10

Tuhin, nang Amaziah, Edom te chu na zo a, na hung chapo ahi hi. Na minthanna achun lungkim takin um hiet hiet inla, In ah um hiet hiet in. Bang zieka, na mipite chung leh, nangmah ngêi chunga buoina chawktho zel na him?” a ti a.

DAN NIHNA 8:17

Na lungthim un, “Ka thilhih theihna leh ka khut thahatna zieka zie hauhsakna hi ka neih ahi,” hun ti kha’n lau, chingthei un.

1 TIMOTHE 3:6

Taksanna lama mi piting tak hi ding ahi, khutilochun, kikaisak a, kiletsak in um intin, Diabol mawhchanna chuh chang kha’na.

2 KORINTH 12:7

Chun, thilmak ka muh haw zieka chuh, ka kisuon takluot lohna ding leh zie chuh Setan sawlchak in matchâk a ei mat a, ka chapo loh na dingin ka taksa ahin ling ei kipie ahi.

HABAKKUK 2:4

Ngaitie, kuole amah a thagau diklo chuh lawhsam in tin, himahleh, mi diktat chuh ginna’n hing ina.”

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 5:20

Himahleh, a lungthim a hung chapo a, a lungthim a hung kichunglap a, chapo takin a tawi ta a; zieziekchun a lalchutphah chuh hihniem in a um ta a, a lopina chuh lâksak a hi ta a.

EZEKIEL 28:17

Na hawihna zieka na lunggil hung chapo in, Na vak thieithuoina’n na chitna suchavai in, Leituol ah ka hun paih hi, Lengte hun etnawp dingin a masang u ah ka hun tâk dawk a.

EZEKIEL 28:5

na chitna nasatak leh na sumkawlveina’n na hauhsakna na supung a, na hauhsak bêk ziekin na lunggil a hung chapo ta a;

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

2 KHANGTHUBU 25:19

Nang hin, ‘Ngaitie, Edom ka zo hi,’ na ti ngut a, na lunggil in na kisathei a, na In ah um hiet hiet mai ah, Nang leh Juda gam pumpi a sietna, nang a dinga khawk ding bang a ti a hihdawk ding na hi?” ti’n mi a sawl a,

2 KHANGTHUBU 19:2

Thiemgau Hanani chapa Jehu’n a na muok a, leng Jehoshaphat kawmah, “Migilo chu panpih a, Lalpa hawte chu hehpih ding na hi maw? Zieziek hin Lalpa lungnatna na chunga hung um a hi tai.

1 KHANGTHUBU 21:1

Chun, Setan chun, Israel chate chunga buoina siem a nuom a, tichun, David chu mi sim nawpna lungthim a neih sak ta a.

2 LENGTE 20:13

Tichun, Hezekia chun amau haw chu a na lawp a, a thil mantam kawihna In chengcheng te, dangka te, sana te, thil gimlim te, sathau mantamte, a gâlvan kawihna insung te, a go um chengcheng te chu a etsak a. A In leh a gamsung a thil, Hezekia’n a etsak loh himhim a um puoi.

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

ISAI 39:2

Tichun, Hezekia chuh a chungah a kipâk a. A kawm u ah thil mantam tak kawihna inte, dangka te, sana te, thil gimlim te, sathau mantam takte, a gâlvan kawihna In sung chengcheng te, a go pha laka um chengcheng te chuh a na etsak ta a. A insung a thil leh a gamsung a thil chengcheng chuh, Hezekia chun a etsak loh thil mawngmawng a um puoi.

EZEKIEL 31:10

Zieziekchun, Lalpa Pathien chun hiti hin a tii: A hung san mah mah a, thing dang cheng khela a zik a san zieka a lunggil in a sân dân chuh a chapo pih ziekin,

2 LENGTE 20:12

Zielai chun, Baladan chapa Babulon leng, Merodak-Baladan chun, Hezekia chu a dam puoi tih a he a, lehkhate leh thilpiekte a thâk a.

ISAI 39:1

Zielai chun, Babulon Leng, Baladan chapa, Merodak-baladan chun, Leng Hezekia damlo hung dam kit thu a het ziekin, lehkha leh thilpiekte a thâk a.

DANIEL 11:12

A gâlhât na ziek leh sepaih tamtak a thahna ziek chun kisuong mah mah intin, himahleh guolzawhna chuh chang den puo’n a.