2 KHANGTHUBU 32:21 - PATHIEN LEKHABU THIENGTHO (BSI)

²¹ Lalpa’n van sawlchak a sawl a, zie chun Asuria lengpa giehna mun a mihat hangsan chengcheng te, mapui lawiupa te chu a that a. Tichun zakcha tak melpu’n a gam lam ah a vaikit tai. Ni khat chu a pathien in a a va chieh lai in amah chate ngêi in chemzâm in a na that tau hi.

2 KHANGTHUBU 32:21 ပူးပေါင်းရင်းမြစ်များ

SAM LEHKHABU THE PSALMS 76:5

Pasalpha haw chuh buluh in a um u a, a ih u chu a ip den tau hi; Mihat haw le kuomah khuttha thei a um ta puou hi.

NASEPTE 12:23

Chun, Herod chun, Pathien kawma limbawlna a piek loh ziekin, Lalpa vânsâwlchâk in phulo-halo in a man a, hût in a ne a, a thi ta a.

DANIEL 6:22

ka Pathien chun a vânsâwlchâk a hun sawl a; sakeibaknei kamte chuh a suchih a, bangmah ei lawh puou hi. A mitmuh achun mawhna neilo leh nang chunga le, Aw lengpa, bangmah hihkhelh ka nei puoi, tih a he a ahi,” a ti a.

ISAI 42:8

“Kei hi Lalpa na Pathien ka hi a, Pathien dang mawng mawng in ka lopina hi chang puo’n au, Pahchak a ka umna hi milim pathiente kawmah pie diek puo’ng ka.

ISAI 37:21

Zielai chun, Amoz chapa Isai chun Hezekia kawmah mi a sawl a, “Lalpa Israel Pathien chun hiti hin a tii: Asuria Leng Senacherib chungthu a ka kawma na paucham tâk ziekin,

ISAI 36:9

Aigupta te kangtalai leh a sakawlteu kisuonpih maimai in, ka pu siehmangte laka a neupen suokte hile nawhkit zo dinga kigingcha na him?

ISAI 10:8

Chapo tak mai in, “Ka sepaih lawiupa cheng hi leng ahiu a puo!

THUCHINGTE 16:18

Chapona chuh sietna masangah a chieh sek a, lunggil uong chuh pukna masangah a chieh sek hi.

THUCHINGTE 11:2

Chapona a hung um tieng leh zahchâkna’n a zui seka. Kingainiemte kawm achun pilna a um sek hi.

SAM LEHKHABU THE PSALMS 132:18

Amah dote chuh muolpho na’n thuom ing ka ting: Mahleh, amah chung achun a lallukhuk chu val sitset in a,” ti’n.

SAM LEHKHABU THE PSALMS 76:12

Amah chun lengte hinna chu sattha’n tin; Amah chuh lei a lengte dinga lauh na pie pa chuh ahi.

SAM LEHKHABU THE PSALMS 76:7

Himahleh, nang mah ngêi chu kihchak ding na hi a; Na lungnat phawt leh kuo a na masanga ding thei ding?

SAM LEHKHABU THE PSALMS 18:50

Amah chun guolzawhna lopi tak, a lal siemte kawmah a pie sek a; A thaunuh David leh a suonte chung ngêi achun, Kumkhuo’n a chit zie a latsak hi.

JOB LEHKHABU THE BOOK OF JOB 9:4

Amah chuh pil tak, thil hihthei tak ahi a, Hat kisa a amah do a zo thei kuo a?

2 LENGTE 19:20

Zielai chun Amoz chapa Isai chun Hezekia kawmah, “Lalpa Israel Pathien chun hiti hin a tii: ‘Asuria leng, Sennacherib zieka ka kawma na pauchamna kha ka na zai,’ ti’n.”

2 SAMUEL 24:16

Chun,Lalpa vânsâwlchâk in Jerusalem hihsie dinga a khut a vak zak leh Lalpa’n thil phalo a hih chu a kisik a, mite hih mangthai guo vânsâwlchâk kawm achun, “A hun ta ie, na khut tha ta ki’n,” a ti a. Chun, Lalpa vânsâwlchâk chu Jebus-mi Araunah buhphuol kawm achun a um a.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

2 KHANGTHUBU 32:20

Khutichun lengpa Hezekia leh Amoz chapa thiemgau Isai chu zieziekchun a paucham u a, panpihna a ngên tau a.

2 KHANGTHUBU 32:22

Khutibang chun Lalpa’n Hezekia leh Jerusalem a mite chu Asuria lengpa Sennacherib khut apat leh mi dang chengcheng te khut apat chun a hukdawk a, a kimvel u a mite apat in a veng hi.

SAM LEHKHABU THE PSALMS 44:15

Ka zahchâkna hi ni changtum in ka masangah a um seka, Ka muolpho na hin ei khuh zo tai.

SAM LEHKHABU THE PSALMS 76:6

Aw Jakob Pathien, na hilhgaih na ziekin, Kangtalai leh sakawl le a tawithei ta puou hi.

ISAI 14:25

Ka gama chun Asuria mite chuh hihsie’ng ka ting, ka tânghaw achun chil diek ing ka. Zie nung chuleh, Asuria te namkawl chuh amau haw apat bei ta’n tin, a puokgik puok sak u chuh amau haw apat chuh bei ta’n a.

JEREMIA 21:2

“Babulon leng Nebuknezar chun ei do ta ngâl a, Lalpa chun thilmak ahih sek bang khan, a kinungzuk sak mai mawh dem tih Lalpa ei na dawt sak hen,” ti’n.