2 KHANGTHUBU 32:20 - PATHIEN LEKHABU THIENGTHO (BSI)

²⁰ Khutichun lengpa Hezekia leh Amoz chapa thiemgau Isai chu zieziekchun a paucham u a, panpihna a ngên tau a.

2 KHANGTHUBU 32:20 ပူးပေါင်းရင်းမြစ်များ

2 KHANGTHUBU 14:11

Chun, Asa chu Lalpa a Pathien kawmah a paucham a, “Lalpa chauh lo chu mi hattak a pata hatlo panpih ding a um puou hi; Aw Lalpa ka Pathien uh, ei pan pih in; nangmah muong in na min in zie mipite hi ka hun do uh ahi. Aw Lalpa, ka Pathien uh na hi a, mihing in nang hun zawh kinem kiheh,” a ti a.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

2 LENGTE 19:1

Chun, leng Hezekia’n zie thu haw chu a zak phetin, lungkham in a silhlechen haw chu a bawtthêk a, kawlladip silh in Lalpa Ho-In achun a chieh ta a.

2 KHANGTHUBU 32:19

Chun, khuo a lak theihna ding u a sulau ding leh sulungkham dingin Jerusalem Pathien chu mihiem khuta siem, khawvel pathien bangphet in a gen u a.

2 KHANGTHUBU 32:21

Lalpa’n van sawlchak a sawl a, zie chun Asuria lengpa giehna mun a mihat hangsan chengcheng te, mapui lawiupa te chu a that a. Tichun zakcha tak melpu’n a gam lam ah a vaikit tai. Ni khat chu a pathien in a a va chieh lai in amah chate ngêi in chemzâm in a na that tau hi.

2 KHANGTHUBU 13:14

Juda te chu a vak kilehhei u leh, gâl in a nung lam u leh a malam u ah a na um u a. Lalpa chuh a sam tau a, thiempu te chun pengkun a mût tau a.

2 KHANGTHUBU 14:10

Tichun, Asa chuh a do dingin a kuon dawka, Mereshah a Zephathah guom ah panmun a khawh gel tau a,