2 KHANGTHUBU 31:2 - PATHIEN LEKHABU THIENGTHO (BSI)

² Leng Hezekia chun thiempu te leh Levi te kizawpna ding chu a siemthak kit a, zie nuoi achun na septum a pie chiet a, zie lak achun hâlmang thillat te, kipawlkhawmna thillat te, Ho-In a Pathien hona a sem dingte, Ho-In a mun chuom chuom a kipah thugen leh pakcha dingte a um u a.

2 KHANGTHUBU 31:2 ပူးပေါင်းရင်းမြစ်များ

1 KHANGTHUBU 24:1

Chun, Aron chapate laka lawi khenkhat kikhen dân chu hitibang hi a hi: Aron chapa lite chu, Nadab, Abihu, Eliezer leh Ithamar te ahiu hi.

LUKE 1:5

Judia gam leng Herod lal lai in, thiempu Abija lawi laka mi, a min Zakaria kiti, thiempu khat a um a. Amah chun thiempu Aron chi inkuon laka mi zi’n a nei a, a min chuh Elizabet ahi.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

SAM LEHKHABU THE PSALMS 134:1

Aw hung tiem u, Lalpa suok, Lalpa In a zan a ding sek chengcheng te, Lalpa chuh pakchau in.

NEHEMIA 11:17

Chuleh, Asaph chapa, Zabdi chapa, Mika chapa Mattaniah chuh pauchamna leh kipahthu genna bul pat pên ahi a, chuleh, Bakbukia a suohpihte laka a nihna leh Jeduthun chapa, Galal chapa, Shammua chapa Abdi ahi.

EZRA 6:18

Khutichun, Mosi lehkhabu a kizik bangin Jerusalem a Pathien nasem ding chun thiempute leh Levi te chuh a pawl pawl in a kawih u a.

2 KHANGTHUBU 23:8

Levi te leh Juda mipi te chun Jehoiada thupiek bang chun a hih u a, chawlhni a mi veng dingte a pawtdawk tieng u leh mipite chu a kikhenzak sak puou ui, khutichun lawiupa pên chu a veng a pang ding leh a chiehdawk ding te a muh zel theihna ding in.

2 KHANGTHUBU 8:14

Chun, a pa David in ana guot bang khan, thiempu lawite leh Levi te, a chanmun chiet u a ni chenga sep khawk bang zela pakcha dingte, thiempute ma a zenviel ding bang in a guot u a; chun kawtkhak chengah a pawl pawl a veng dingte a guot a, khutibang chun Pathien mi David chun thu a pie a.

2 KHANGTHUBU 5:11

Tichun, zie taka thiempu te chengcheng chu kuomah khenchuom um lo in, a mau chiet a kisuthiengtho u a.

1 KHANGTHUBU 16:37

Chun, leng David chun, Asaph leh a Levi chanpihte chu, Thugawlh Bawm umna muna Pathien hona a nasem zing ding chun a kawih den ta a.

LUKE 1:8

Chun, tihi ahi a, ni khat chuh Zakaria chuh, ni chenga a nasep hun in, Pathien Ho-In achun thiempu nasemin a um a.

1 KHANGTHUBU 24:24

Uziel chapate lak ah Mika; Mika chapate lak ah Shamir ahi.

1 KHANGTHUBU 25:25

A sawm leh gietna chu Hanani chungah a chu a, a chapate, a suohpihte tawh sawmlenih ahiu hi.

1 KHANGTHUBU 26:26

Shelomith leh a unaute chu leng David leh a inkuon uh lawiupa sepaih sangkhat chunga lawiupa leh, zakhat chunga lawiupa leh, sepaihhawn lawiupate’n a hih thientho sau, thil thiengtho kawihkhawmna in cheng cheng enkawl ahiu hi.

2 KHANGTHUBU 24:14

A siemphat zawh phet un dangka a val umna lai chengcheng chu lengpa leh Jehoiada, kawmah a hun chawi u a, zie chun Ho-In a nasepna dingin ûmlebel te, van matchâk te, siemna dingin a mang u a, tichun Jehoiada damsung in Ho-In a hâlmang thillat chu a lân zing ui.

2 KHANGTHUBU 31:17

Thiempute chu a inkuon uh khangthu zikna dungzui in, Levi te chu kum sawmnih apat a chunglam cheng a pawl-apawl a nasep piek ahiu.

2 KHANGTHUBU 35:2

Thiempu te chu a na sep uh a guotsak a, Ho-In a phataka na sem dingin a tîl a.