2 KHANGTHUBU 30:9 - PATHIEN LEKHABU THIENGTHO (BSI)

⁹ Lalpa lam na hung ngat kit u chun; na suohpihteu leh na chateu sala mante chun lungsiet untin, zie gam ahin hungkit sak ding ahiu hi: Lalpa na Pathien u chu mi lungsiet thei tak leh zahngai thei tak ahi ngâl a, amah lam na ngat phawt u chun hun na lungsiet ngêi ngêi ina” ti’n a va chiel u a.

2 KHANGTHUBU 30:9 ပူးပေါင်းရင်းမြစ်များ

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

SAM LEHKHABU THE PSALMS 106:46

Sala puih haw cheng chun Amau haw a lungsiet sak a.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

1 LENGTE 8:50

chuleh na mite na chunga thil a hihkhelhteu leh a na bawhsietnau chengcheng haw chu ngaidam inla; sala puite haw chun amau haw a lungsiet theihna dingun lungsietna neih sak in.

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JEREMIA 18:17

Suohlam huihpi bangin melmate âng ah thehzak ing ka ting, a vangsiet niu chun, ka mai hilo, ka tukkhuk etsak ing ka.”

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

SAM LEHKHABU THE PSALMS 111:4

Amah chun a thilmak hih haw chuh a hezing sek a: Lalpa chuh mi lungsiet thei tak lainatna a dim ahi.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

NEHEMIA 9:31

Himahlele, na zahngaihna lien tak chun a tâwp na ding uh na tunsak puoh a, thah le na thahtham puoh a, Pathien mi lungsiet thei leh lainatna a dim na hih ziekin.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

2 KHANGTHUBU 7:14

Ka minpu ka mite chuh, kingainiema a paucham uh a, ka mel a hawl uh a, a umdan giloteu kisik a a haihsan u chun, van apat in a na ngaitha’ng ka ting, a gitloh nau ngaidam ing ka ting, a gam uh sudam kiting ka.

DAN NIHNA 4:31

Lalpa na Pathien u chuh zahngai thei Pathien ahi ngâla; hun thahtham puo’n tin, hun sumangthai puo’n tin, na pileputeu kawma kihâksiela a thuthun chuh hengilh hiel puo’n a.

DAN NIHNA 30:1

“Chun, hiti hi hi’n tin, Lalpa’n a hun thehzak na nam dang laka na um lai u a zie vangsakna leh gâusapna tu a na kawm u a ka gen hi na chungu a a hung tun tieng leh; deih tel ding na neih u hi hezing un.