2 KHANGTHUBU 30:8 - PATHIEN LEKHABU THIENGTHO (BSI)

⁸ A gen hak bangun um kiu inla, Lalpa thu hi zawp un, Lalpa na Pathien un a sukthienthona, Jerusalem a Ho-In ah hung unla, Amah chu ho unla, tichun na chung u a a lungnat na hi hai ina.

2 KHANGTHUBU 30:8 ပူးပေါင်းရင်းမြစ်များ

2 KHANGTHUBU 29:10

“Tuhin, zie lungnatna nasatak chu a beih theihna dingin Lalpa Israel te Pathien kawmah thuthun ka guot ahi.

PAWTDAWKNA 32:9

Chun, Lalpa’n Mosi kawmah, “Zie mite hi ka entha zinga, ngaitie, nam genhak tak ahiu hi tih ka hêi.

DAN NIHNA 10:16

Zieziekchun, na lungthim zek uh tan unla, lochal ta kiu in.

THUPHUON 7:15

Zieziek a chuh, Pathien lalchutphah maa um ahiu a, chun, a sun a zan in a Ho-In achun a zenviel sek ui. Lalchutphah a chu pa chun a puon-In achun chenpih ina.

ROME 10:21

Amahvang chuh, Israel mite chungchâng thu a chun, “Mi genhak leh nielhatte dingin ni tumin ka bân haw ka zak sek kha,” ti’n a gen a.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

MATTHAI 4:10

Ziephet chun Isu’n a kawmah, “Setan, chiehmang kêi ah! ‘Lalpa na Pathien ho inla, amah na chauh sem in’ tih zik ahi ngâl a,” a ti a.

SAM LEHKHABU THE PSALMS 78:49

A lungnatna lauh-um tak chu a chung u ah a khie a, Lungnatna, lunghihlohna mah mah leh buoina te, Sietna vânsâwlchâk hawnte chu hun sawl in.

SAM LEHKHABU THE PSALMS 73:17

Pathien mun thiengtho ah ka lut a, Tichun, a tawpna ding ka mu ta a.

SAM LEHKHABU THE PSALMS 68:31

Aigupta gama kipatin sumeng haw hun paw lut untin; Ethiopia haw chuh a khut uh Pathien lama zak dingin kinawh un au.

SAM LEHKHABU THE PSALMS 68:24

Aw Pathien, na chieh pêt u le a muu a, Ka Pathien, ka LALPEN, munthiengtho a a chieh pêt chuh.

SAM LEHKHABU THE PSALMS 63:2

Khutichun, mun thiengtho a chun ka hun en zing sek kha, Na thilhih theihna leh na lopina mu dingin.

EZRA 10:19

Chun, amau chun le a ziteu ma dingin thugawlh a siem u a; chuleh a na gitloh tâk ziek u a gitloh thawihna dingin belam hawn laka belamchal khat in a kithawi u a.

2 KHANGTHUBU 36:13

Chun, Pathien min a kihâksiel sak lengpa Nebuknezar chung ale a hel a, a genhak a, Lalpa Israel te Pathien lam ngalo dingin a lunggil a sukhauh a.

2 KHANGTHUBU 28:13

A kawm u ah, “Zie sala matte chu hun puilut kiu in, Lalpa deihloh lam hih in na na gilo tau a, ei gawt dingin ka sulungna tawk tau hi. Tuhin, ka thiemmawhnau behlap dingin bang ahim khat ei hih beh sak guo na hiu hi,” a tiu a.

2 KHANGTHUBU 28:11

Zieziekchun ka thu hi ngai un na suohpihteu sala na mat uh numei leh pasal te hile chieh kit sak un, Lalpa lungnatna nasatak mai chu na chungu ah a um ahi,” a ti a.

1 KHANGTHUBU 29:24

Lawiupate cheng leh, mihat hangsante leh leng David chapa cheng chengte chu, leng Solomon kawmah a kitulut u a.

2 LENGTE 23:26

Khutisa chun le, Lalpa lungnatna nasa tak, leng Manasse’n ana suklungnat chengcheng zieka Judate chunga a lungnatna kuong chu a hai diek puoi.

JOSHUA 24:15

Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.

DAN NIHNA 6:17

Lalpa na Pathien un thu a hun piek, a thupiek haw, a thu hetsak haw, a dân haw hi chingthei taka na zuih dinguh ahi.

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

EZRA 10:14

Tuhin, mipite thasang dingin ka lawiupa teu guot hi hen la, I Pathien uh lungnat na’n ei taihsan a, zie thu hi sukbeih a hih masang sieh; I khawpi teu a nam dang numei zi a neite a dingin hunbi guot saka, khawpi chenga upate tawh, a vaihawm teu cheng tawh hung khawm u hen, a tiu a.

JEREMIA 50:15

A kimvel achun heizam sam unla, amah a kipuk tai, a kulh haw chuh a puk ta a, a bang haw chuh a chimtha tai; Lalpa phuba lak ni ahi ngâla. A chungah phuba lau inla, a hih bangin amah chungah hih thuk un.

2 KHANGTHUBU 6:5

‘Aigupta gama kipat ka mite ka puihdawk ni a pat in Israel te nam lak ah khawimah khuo ka min umna ding In sakna dingin ka tel ngei puoh a; ka mi Israel te chunga lawiupa ding mi kuomah le ka tel kha diek puoi;

2 KHANGTHUBU 6:6

Amah vang chuh ka min umna dingin Jerusalem ka na tel ta a, ka mi Israel te vaihawm sak dingin David ka na tel tai,’” ti a; a gen pa, a mah khut ngêi a hun pititpa hi pahchak in um hen.

2 KHANGTHUBU 7:16

Kumkhuo a ka min umna dingin zie In hi ka tel a, ka suthiengtho tai: zie tak ahin ka mit leh ka lungthim chu châm zing ta’n a.