2 KHANGTHUBU 30:6 - PATHIEN LEKHABU THIENGTHO (BSI)

⁶ Khutichun, lehkha taihpih vielte chun leng leh a miliente lehkha chawi in Israel leh Juda gam achun leng thupiek in a pawtdawk u a, “Nang haw Israel mite haw, Asuria ten na gam uh a lak nau apat in na suokcha tau a. Tuhin Lalpa, Abraham te, Isak te, Jakob te Pathien kawmah hungkit un, tichun a mah chu nang haw lam ah hung kihei kit in a.

2 KHANGTHUBU 30:6 ပူးပေါင်းရင်းမြစ်များ

JEREMIA 51:31

Thangko tai khat chun a dang khat a kituok pih a; mi kisawl khat chuh a dang tawh kituok untin, Babulon leng chu ning tin a kipatin khawpi chuh lak ahi tai tih hilh dingin.

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

ESTHER 8:14

Khutichun kintakin leng a dinga kimang sek sakawl hat chi chung a chuong in lehkhapuote chuh a pawt u a. Thupiek chuh leng gam khawpi Susan achun phuondawk ahi tai.

2 LENGTE 15:29

Israel leng Pekah vaihawm lai in ahi, Asuria gam awptu lien, Tiglath Pileser in Ijon khawpi te, Abel-Bethmaakah te, Janoah te, Kadesh te, Hazor te, Gilead leh Galili gam te, Naphtali gam chengcheng te a lâk a, Asuria mipite chule a puih mang vek tâk chuh.

2 LENGTE 15:19

Asuria te gam awptu khat, Tiglath Pileser chun Israel te chu a do a, Manahem chun a gamsunga a thuneihna sukhat na ding chun, dangkaguo talent sang khat a pie a.

JOB LEHKHABU THE BOOK OF JOB 9:25

Ka hunte hi thangko tai sangin a hât a, A leng mang u a, thilpha himhim a mu puou hi.

2 KHANGTHUBU 28:20

Asuria te gam vaipaw pa chun panpih malak in a na dodal a, a subuoi zaw ta a.

1 KHANGTHUBU 5:26

Khutichun, Israel Pathien chun, Asuria gam awptu Pul (Tiglath Pileser le kiti) lunggil chu a chawktho ta a, amah chun Reuben te, Gad te leh Manasseh nam kimkhatte chu a man a, Halah, Habor leh Hara leh Gozan lui haw achun a puimang a, tuni tiengin a um tau hi.

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

SUNNA LA 5:21

Aw Lalpa nang lam ei ngat sak inla, khutichun siemthak in um ing ka. malai bangin ka niteu ei siemthak sak kit in.

ISAI 6:13

A sunga mite hi sawm laka khat a um lai chanin sukmangthai zawhin um un tin! himahlele, dawl thing leh gangpi thing a kiphuk nunga a bulsum a um zing bangin, chi thiengtho chuh a bul a na um zing ina,” ti’n.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ESTHER 3:13

Tichun, Leng gambung tina Juda mi chengcheng chuh, khanglai leh teksiete, naupang neucha cha leh numei haw, chuh tha sawm leh tha nihna Adar tha, ni sawm leh ni thum ni leh ni khat thu a sukmangthai vek a, thah chimit veka, a sum hawu chuh gâllâk a lâksak dingin zie lehkha chuh kintakin a thak zak u a.

JEREMIA 29:1

Chun, ziehi Nebuknezar in Jerusalem apat a Babulon sala a puih upate, thiempute, thiemgaute, leh mipite, a dam sunte kawma thiemgau Jeremia lehkhathâk thu chuh ahi:

1 LENGTE 18:36

Nitâk lam kithawih hun vel chun hiti hi ahi a, thiemgau Elijah chun a va naih a, “Aw Lalpa, Abraham te, Isak te, Jakob te Pathien, nang hi Israel gam ahin Pathien na hi a, kei hi na suok ka hi a, ziehaw chengcheng hi nangmah thu a ka hih ahi tih hi tuni hin heu hen.

1 KHANGTHUBU 29:18

Aw Lalpa, ei suontuu Abraham te, Isak te, Jakob te Pathien, na mite’n hitibang lunggil hi a put zing theihna dingun, a lunggil teu hi nanga dinga ginum zing dingin siem inla.

JEREMIA 3:14

“Aw nung chawn chîngte haw hung vaikit un, tih hi Lalpa kamsuok ahi. Nang haw hun kaihuoipa ka hi ngâla. Khawpi apat a mi khat inkuon khata mi nih zel hun lang ka ting, Zion ah hun pui ing ka.

SUNNA LA 3:40

I lampiteu chu enchien thak kit hiting un, Lalpa lam ah vaikit hitiu.

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

ZEKARIA 1:3

Himahleh, tuhin, na kawm u ah, ‘Ka kawmah hung vaikit un la, tichun, Kei le nanguh kawm lam hung nga’ng ka.

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.