2 KHANGTHUBU 28:9 - PATHIEN LEKHABU THIENGTHO (BSI)

⁹ Himahleh Samari khuo achun Lalpa thiemgau Obed kiti chu a cheng a. Israel sepaihte’n Juda mite sala puih hungkit haw, khawpi a lut ding kuon u chun a va tuok a a kawm u ah, “Na suonteu Lalpa Pathien chu Juda mite chungah a lungna a, a hun zawhsak a, himahlele tun, nunsie taka na thah dân teu chu a za ta ahi.

2 KHANGTHUBU 28:9 ပူးပေါင်းရင်းမြစ်များ

THILSIEMBUL 11:4

“Khai, hung tiem u, khawpi kisiem hiting un, insang a sip in van supha hiel dingin sai ting un, I min uh suthang hitiu; khutilochun lei chung pumpi ahin thehzak in um khâi tiu,” a kitiu a.

THILSIEMBUL 4:10

Lalpa chun, “Bang hih na hi ta’m? Na nau thisan aw chun lei apat in ei uou hi.

1 LENGTE 20:13

Chun, ngaitie, Israel leng Ahab kawmah thiemgau khat a hung a, a kawmah, “Lalpa’n hiti hin a tii: ‘Zie mipi tamtak haw hi na mu? ngaitie, tuni hin na khut a hun pie ding ka hi. Chun, Kei hi Lalpa chu ka hi tih he’n la,’ a tii,” a ti a.

1 LENGTE 20:22

Chun, thiemgau khat chu Israel leng Ahab kawm achun a va chieh a, a kawmah, “Chieh kit inla, na sepaihte guonggalh hawih in, kum a hung beih tieng leh Suria leng chun hun do kit ding ahi,” a ti a.

1 LENGTE 20:42

Chun, amah chun a kawmah, “Lalpa’n hiti hin a tii: ‘Sukmangthai dinga ka guotsa chuh na pawtdawk sak tâk ziek in a hinna sik in nang hinna, a mite sik in na mite cha’n inla,’ ti’n,” a ti a.

1 KHANGTHUBU 21:13

Chun, David in Gad chu a dâwng a, “Ka lung a kham mah mah hi, himahlele, mihing gawt a um ding chuh ka nuom puoi: Lalpa chu ei gawt in pang zaw he’n, a zaidawh thei ngâl a,” a ti a.

2 KHANGTHUBU 28:5

Zieziekchun Lalpa a Pathien in Suria leng khut ah a pie a; a do u a, a mite tamtak salin a pui u a, Damaska ah a pui u a, chun, Israel lengpa khut ale piek a hi a, amah chun tamtak a that hi.

EZRA 9:6

Aw ka Pathien, nang lam hung ngat hi ka zakcha a, ka mai hi a san hut hut hi. Aw Pathien, ka. mantheihlohna teu chuh ka lu chung uh chup hiel in a pung a; ka gitloh na teu chule van suhiel in a sang hi.

SAM LEHKHABU THE PSALMS 69:26

Na zêp chuh a sugimthei u a; Na sukliemte lungkhamna le a gen ngâl zel u a.

ISAI 47:6

Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

JONA 1:2

“Kipan in la, Ninevi khuo, khuo lopi tak achun chieh in la, a chungchâng thuu va kikopih ah; a nunsiet nau chuh ka masangah a hungtung to ta ngâl a,” ti’n.

ZEKARIA 1:15

Nam nawp lên mai maite chung achun ka lungna mah mah a; chawmkhat sung ka lungnatna ka zukkit sung chun, zie namte chun, ka mite thuokna chuh a khawk zaw deuh in a bawl u a.

THUPHUON 18:5

A gitlohna chun van a su hiel ta a, a gitlohna chuh Pathien in a hezing ngâl a.

VAIHAWMTE 3:8

Khutichun, Lalpa chuh Israel te chung achun a lungna ta a, tichun, Mesopotamia gama leng Kushan-rishathaim khut ah a pie ta a: tichun, Israel chate chuh Kushan-rishathaim nuoi achun kum giet a um tau a.