2 KHANGTHUBU 28:3 - PATHIEN LEKHABU THIENGTHO (BSI)

³ Hinom luiphai ah gimlim te a hâla, Lalpa’n Israel te masanga a nawhdawk tâk nam te’n thil kihdak-um tak a hih sek bangun a chate chu hâlmang thillat in a pie a.

2 KHANGTHUBU 28:3 ပူးပေါင်းရင်းမြစ်များ

2 KHANGTHUBU 33:6

Hinnom chapa luiphai achun a chapa te chu hâlmanga kithawihna dingin a pie; a Phunsân te a chîng a, dawite a mang a. Khutlam-ente leh dawithiemte a guoi sek a. Lalpa deihloh lam gitloh na nasa tak hih in a sulungna ta a.

2 KHANGTHUBU 33:2

Lalpa mitmuh in thil phalo, Israel chate ma a Lalpa’n a nawhdawk Pathien helo namte’n thil kihdak-um tak a hih bang uh a ma’n a hih sek a.

THIEMPUDANTE 18:21

Molek pathien hona dinga na chate na piek loh ding ahi; zie chun, Lalpa na Pathien min susie ding ahi ngâl a. Kei hi Lalpa chuh ka hi.

2 LENGTE 23:10

Chun, leng Josia chun, kuoma’n a chapau ahim, a chanuu ahim, Molek pathien kawma kithawihna dinga a piek lohna dingun, Ben-hinnom guoma milim pathien hona, Topheth chu a hihbuok sak a.

JOSHUA 15:8

Chun, gamgi chuh Hinnom chapa phaicham Jebus te gam sik simlam (zie chuh Jerusalem ahi) tiengin a chieh to a; chun, gamgi chuh Hinnom tumlam pang phaicham a um tângsip ah a chieh to a, zie chuh Rephaim mâllam pang phaicham tâwp kei ahi.

MIKA 6:7

Belam sang khat ahim, olive thau luong kang lo khawp chawih in, Lalpa chuh a kipâk dinga ahim? Ka gitloh tatna dingin ka cha lutîl chuh pie’n, ka thagau sukkhelh ziekin ka taksa gah chuh pie ding ka him?

JEREMIA 32:35

Chun, Ben-Hinom guom ah Baal munsangte chuh a sau a, a chanuteu leh a chapateu Molek kienga, mei a chieh pai a a paih theihna dingun; ziehi ka thupiek le ahi puoh a, ka lungthim ale ka gel kha diek puoi, Judate thil gilo bawl sak a nawp ziekuh ahi.”

JEREMIA 19:13

Jerusalem in haw leh Juda lengte in haw chuleh a chunga van lam thilte kawma gimlim na hâlna chengcheng leh, pathien dangte kawma dâwn ding thillat sundawk sekna haw cheng chuh Topheth bang mai in sukbuok hi’n a,” ti’n.

JEREMIA 2:34

Na puonchen nasan ah mi gimthei, thilsie bawllo te hinna thisan a bek hi. A hun buluh te na thah le hi sâm lo in,

2 LENGTE 16:3

Hih tâk sangin, Lalpa a Pathien deih loh lam in thil a hih a, Israel lengte thilhihte kha a hih zaw ta a. Lalpa’n Israel chate masanga apat a a nawhdawk namte thilhih, kihdak-um takte chu entawn in, a chapa nasan chule milim pathien masang ah mei ah a lut saka.

DAN NIHNA 18:9

“Lalpa na Pathien un a hun piek gam chuh na tun tieng u leh zie muna chuh ana um nam dang haw thil chîn tenum haw chuh na chîn loh dinguh ahi.

DAN NIHNA 12:31

Amau in a pathienteu a ho dân u a Lalpa na Pathien u chuh na ho dinguh ei puoi; a pathienteu a ho tieng u leh Lalpa ngaih a thil tenum tincheng leh a hawt lam tak haw chuh a hih sek u a; a chapateu a chanuteu ngêi chuh a pathienteu dinga meia a hâl sek ziekun.

DAN NIHNA 18:10

Na lak u a kuole, a chapa ahim, a chanu ahim kithawihna a meia hâllup chîngte, aisân chîngte, phunsân chîngte,

VAIHAWMTE 2:11

Chun, Israel chate chun Lalpa mitmuh in thil gilo a hih u a, Baal na a sem u a.

VAIHAWMTE 2:13

Tichun, Lalpa chuh a kiheimang san u a, Baal te leh Ashtaroth te na chuh a sem tau a.

2 KHANGTHUBU 36:14

Zie bân achun Juda lawiupa te leh, thiempute leh mipite chun a kimvel u a namte thilhih gitlohte chu hih in milim te a ho u a. Khutichun Lalpa’n Jerusalem a a sukthienthosa Mun thiengtho chule a hihbuok tau a.