2 KHANGTHUBU 27:3 - PATHIEN LEKHABU THIENGTHO (BSI)

³ Ho-In mâllam pang kawtkhak siempha chu Jotham a hi a, Jerusalem kimvela kulh bâng Ophel kiti mun a chun le nasatak in na a sem a.

2 KHANGTHUBU 27:3 ပူးပေါင်းရင်းမြစ်များ

2 LENGTE 15:35

Himahleh, milim honate chu suksiet ahi puoh a, zie tak achun mite chun kithawihnate leh gimlim te a hâl zing sek u a. Ho-In mâllam kawtkhak chu a siempha a.

2 KHANGTHUBU 23:20

Sepaih liente, khawpi upate, miliente, mi pawimawhte, leh mipi vantâng cheng chu kizawt in Jehoiada chu a zui u a, leng chu Ho-In apat chun leng in ah a pui tau a. Kawtkhakpi pên ah a lut u a, tichun leng chun a mun ding lalchutphah chu a luoh ta a.

2 KHANGTHUBU 33:14

Zie nung chun Manasseh chun David khawpi suohlam pang a kulh bâng pawnung zaw chu, Gihon luiguom apat in, mâllam pang a Nga kawt khâk chan in a sânlam chu a siem beh a, a biel khawpi chu Ophel a kitii. Juda gam kulh nei khawpi cheng achun, sepaih hawn te enkawl dingin sepaih miliente le a kawih vek a.

JEREMIA 20:2

Ziephet chun, Pashur chun thiemgau Jeremia chuh a zêp a, Lalpa In a Benjamin kawtkhak chungnung a suongkul a chun a khum ta a.

JEREMIA 26:10

Tichun, Juda puitute chun zie thu chuh a zak phet un leng in apat in Lalpa In lutna kawtkhak thak achun a chuu a,