2 KHANGTHUBU 26:18 - PATHIEN LEKHABU THIENGTHO (BSI)

¹⁸ A kawm achun, “Uzziah; Lalpa kawma gimlim hâlna dingin thuneihna na nei puoi. Aron suona thiempu te chauh chu zie hih ding a chu kawihchuom ahiu ui. Zie munthiengtho hi pawtsan vak in, Lalpa Pathien na dodal a, a vangsakna le changlo na hi tai,” a tiu a.

2 KHANGTHUBU 26:18 ပူးပေါင်းရင်းမြစ်များ

KISIMNA 18:7

Himahleh, nang leh na chapa te hin maichâm leh puonzak sunga na thiempu nasep u chuh tihtakzet a nasep dinguh ahi; thiempu nasepna hi thilpiek a ka hun piek ahi a; gamdang mi a hung kigawlh khak chun suklup ding ahi” a ti a.

HEBRAI 5:4

Kuoma’n thiempu Lien hihna zieka limbawlna chuh amau in a kilak kha puou hi. Pathien sapna ziek chauh in mi chuh Thiempu Lien in a pang sek ui, Aron a hih mah bang in.

JEREMIA 13:18

Leng leh a nu kawm achun, “Kingainiem un, na lallukhuk teu a ketha ta ngâl a. Na lallukhuk uh, na lopi nau chuh” tiu in.

2 KHANGTHUBU 19:2

Thiemgau Hanani chapa Jehu’n a na muok a, leng Jehoshaphat kawmah, “Migilo chu panpih a, Lalpa hawte chu hehpih ding na hi maw? Zieziek hin Lalpa lungnatna na chunga hung um a hi tai.

JAKOB 2:1

Ka suohpihte haw, I Lalpau Isu Krista, Lopina Lalpa chuh taksang kawmin, mi deihchuom nei kiu in.

GALATI 2:11

Himahleh, Peter chuh Antiokei khuo a a hung lai in, awihmawh um taka a um ziekin, mipi lak ngêi ah ka na vauhilh ta a.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

1 KORINTH 5:5

Zie tawbang mi chuh, Lalpa Ni a a thagau hukdam a hih theihna dingin, a taksa chuh Setan kawma sukmangthai dinga na piek dinguh ahi.

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

MATTHAI 14:4

Johan chun a kawmah, “Amah na kichênpih hi a thieng puoi,” a tih sak ziekin.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

MATTHAI 10:18

Kei ziekin gam vaihawmte leh lengte masanga thutan sak ding leh amau haw kawm leh Jentel te kawma Chanchin pha gen dingin hun pui un au.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

KISIMNA 3:10

Himahleh, Aron leh a chapate chuh thiempu na sem dingin ziklut in na tin, amau chuh thiempu hihna chang zing un tin, midang hung kigawlh kha a um u chun suklup hin au,” ti’n.

PAWTDAWKNA 28:1

“Chun, na suohpihpa Aron leh a chapate, Nadab leh Abihu, Eleazar leh Ithamar te chu pui in la, Israel chate laka ka thiempu na a sep theih na dingun kawih chuom in.

JOSHUA 22:15

Chun, Reuben suonte, Gad suonte leh Manasseh nam kimkhatte kawmah Gilead gam achun a chieh tau a, a kawm u ah,

2 KHANGTHUBU 30:7

Nang haw vang, na pileputeu leh na suohpihteu, Lalpa a Pathien ding u a ginumlo te bangin um kiu in.