2 KHANGTHUBU 24:22 - PATHIEN LEKHABU THIENGTHO (BSI)

²² Khutibang chun lengpa Joash chun a pa Jehoiada nasep chu hezing lo in Zekaria chu a that tai. Chun, Zekaria chun a thih ding kuon in, “Lalpa’n na thilhih u hi a mu a, hun gawt ding ahi,” a ti a.

2 KHANGTHUBU 24:22 ပူးပေါင်းရင်းမြစ်များ

THILSIEMBUL 9:5

Chun, na hinna thisan phuba chuh la ngêi ngêi ding ka hi; gamsa tin cheng chungah phuba lang ka ting, mihiem chung ale, mitin a suohpih chung ale mihing hinna phuba chuh la ding ka hi.

LUKE 11:51

Abel thisan kisuoh apat, Mun Thiengtho leh maichâm kikala Zakaria thisan suoh a a um ni tienga, thiemgau thah a umte chengcheng ziek chun gawt in um un au. Ahi, ka hun hilh na hiu hi, tulai khanga mite hi ziehaw ziek chun gawt in um tei un au!

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

JOHAN 10:32

Isu’n amau chuh a hopih a, “Pa’n hih dinga ei piek, thilpha tamtak, nang haw ka hun etsak a, ziehaw laka khan, a bang pên ziek khan em, suong a nei seh dinguh?” a ti a.

SAM LEHKHABU THE PSALMS 10:14

Muh chuh na mu zing ta a; na khuta din dingin thil phalo leh sukbuokna na en zing sek a: Bangmah hih theilo haw chuh na kawmah a hung kivawp sak sek u a; Pa neilo panpihpa na hi sek kha.

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

2 TIMOTHE 4:16

Ka thiemna thu ka gen masak tum khan, kuomah cha’n ei panpih puoh ngâl a, ei thahthak zawk uh ka hi. Pathien in a sietnau chuh khuksak hawn kiu hen!

2 TIMOTHE 4:14

Aleksandar, sumsan sunthiem khah ka chungah a gilo mah mah sek hi; Lalpa chun a thilhih dungzui in dinthuk ina;

JEREMIA 51:56

A chungah hihsie pa a hung tung a, Babulon chung ngêi achun; a mihat te chuh mat in a um u a: a thalpiteu chuh a bawng zo tai. Lalpa chuh phuba la Pathien ahi ngâla, dinthuk ngêi ina.

JEREMIA 11:20

Himahleh, “Aw Sepaihte Lalpa, diktaka vaihawm pa, sunggil lam leh lunggil patep sek pa; a chung u a na phuba lak chuh ei muh sak in. Ka chungchâng thu hi na kawmah ka hun vawp sak ngâl a.”

THUCHINGTE 17:13

Kuole, thilpha thil phalo a dinthuk te chuh, sietna’n a In chuh pawtsan ngei puo’n a.

SAM LEHKHABU THE PSALMS 109:4

Ka hehpih na chuh ei gensiet na’n a mang u a: Mahleh kei chuh amau a ding a paucham dingin ka kipie chak kêi hi.

THILSIEMBUL 42:22

Chun, Reuben chun, “Naupang chungah thil gilo hih kiu in, ti’n na kawm u ah ka gen puoh a ahim? Na he nuom puou a. Tuhin a thisan phuba chuh a lâk uh ahi hi,” ti’n amau chuh a dâwng a.

JOSHUA 22:23

Hâlmang thil piekna’n ahim, nek ding thillatna ahim, chamna thillatna ahim dinga siem ka hih u chun, amah Lalpa ngêi in hun ngaihtuoh mai hen.

VAIHAWMTE 8:35

Tichun, Gideon chate chunga theihtawp a phatna suoh sek pa inkawte chung achun le phat a suoh diek ta puou hi.

SAM LEHKHABU THE PSALMS 9:13

Aw Lalpa ka chungah zahngai inla; Thihna kawtkhak apat a ei kaidawk sek pa Ei mudahte zieka ka lungkham na hi entie;