2 KHANGTHUBU 24:21 - PATHIEN LEKHABU THIENGTHO (BSI)

²¹ Leng Joash le Zekaria thah guo lak ah a panga, lengpa thupiek in Zekaria chu Ho-In huongsung ah suongin a sep lum tau hi.

2 KHANGTHUBU 24:21 ပူးပေါင်းရင်းမြစ်များ

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

MATTHAI 21:35

Chun, a ngakte chun a suokte chuh a na man u a, khat a zêp u a, khat a that u a; khat suongin a sep u a.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

JEREMIA 11:19

Himahleh, kei chuh la belamno thunuom tak, thah dinga puih bang mai ka hi. Thing chuh a gah pum in susiei ting un, mihing gama pat hin amah chuh sumang kei hitiu: Amin himhim zak loh na dingin, ti a ka chunga a thilbawl guot u chuh ka na he pha puoh a.

LUKE 11:51

Abel thisan kisuoh apat, Mun Thiengtho leh maichâm kikala Zakaria thisan suoh a a um ni tienga, thiemgau thah a umte chengcheng ziek chun gawt in um un au. Ahi, ka hun hilh na hiu hi, tulai khanga mite hi ziehaw ziek chun gawt in um tei un au!

HEBRAI 11:37

Suong a seh in a um uh a, thing-âtna a ât bawtin a um uh a, belam vun leh kelvun silh in a vak vai hawn uh a, gimthei tak leh dahum taka sukgimtheih in a um uh a.

1 LENGTE 21:13

Chun, Belial chapate mi nih chu a hung u a, a ma ah a chut sak tau a; chun mipi um haw kawm achun Belial chapate chun, “Naboth hin Pathien leh leng a gensiei,” ti’n a hêk u a. Tichun khawpi apat chun a puidawk u a, suongin a sep u a, a seplum tau a.

JEREMIA 20:2

Ziephet chun, Pashur chun thiemgau Jeremia chuh a zêp a, Lalpa In a Benjamin kawtkhak chungnung a suongkul a chun a khum ta a.

JEREMIA 26:2

Lalpa chun hiti hin a tii: Lalpa Ho-In huongsung ah ding inla, Juda khawpite apat a Pathien ho dinga Lalpa In a hungte kawm achun, a kawm u a gen ding thu ka piek haw cheng chuh khat chale îm lo in gen dawk ah.

JEREMIA 26:21

Leng Jehoiakim leh a miliente chengcheng leh a leng te chengcheng in a het phet un leng chun suklup a guo ta a, himahleh, Uria’n a het phet in a lau a, a tai mang ta a, Aigupta gam ah a taimang a, a suokcha ta a.

2 KHANGTHUBU 25:16

A kawma thu a gen zing lai chun, Amaziah chun, “Lengpa vaihawm sak dingin ka hun siem u a ahim? Thip mai in; a hihloh leh hun that ding ka him?” a ti a. Tichun thiemgau chun, “Pathien in hiti bang a hi na hih ziek in leh ka lemguot na ngaihthak loh ziekin hun sukmangthai ding a ngaihtuoh hi tih ka hêi,” a ti a, a thip ta a.

SAM LEHKHABU THE PSALMS 94:21

Mi diktat te hinna suol guo’n a kipunkhawm sek u a, Mawhna neilo chuh thiemloh a chan sak tei tei sek ui.

AMOS 5:10

Kulh kawtkhak a hilhgaihpa chuh a hawu a, thudik tak gen pa chuh a kihdak u a.