2 KHANGTHUBU 24:20 - PATHIEN LEKHABU THIENGTHO (BSI)

²⁰ Thiempu Jehoiada chapa Zekaria chungah Pathien thagau a hungtung a, Amah chu mipi muh theih ding in a ding a, a kawm u ah, “Pathien in hiti hin a tii, Bangati a na chung u a sietna tun lawh hiela Pathien thupiek na bawhsiet uh a hi? Lalpa chu na kiheisan ziekun a man le a hun kiheisan ahi,” a ti a.

2 KHANGTHUBU 24:20 ပူးပေါင်းရင်းမြစ်များ

KISIMNA 14:41

Himahleh, Mosi chun, “Lalpa thupiek chuh bang zieka na ngaih loh zing uh ahim? Lawhting hiel puo’n lau.

JEREMIA 5:25

Na gitloh nau chun zie thil haw hi a nawhmang a, na gitlohteu chun na thilpha muh dinguh a dal hi.

2 KHANGTHUBU 20:14

Khutichun, Zekaria chapa Jahaziel chungah Lalpa thagau a hungtung a, amah chuh Benaiah chapa ahi a, amah chu Zeiel chapa ahi a, amah chu Mattaniah chapa ahi a, Asaph chate laka Levi chi ahi a, mipi kikhawmte lak achun Lalpa Thagau chuh a hung tung ta a.

MATTHAI 23:35

Khutichun, mi diktat Abel thisan apat in, Pathien Ho-In leh maichâm kikala Berekiah chapa Zakaria na thah pau thisan ngêi khan, lei chunga mi diktat thisan a suoh teu chengcheng phuba chuh na chungu ah hung tung thei ina.

1 KHANGTHUBU 12:18

Khutichun, sawmthum chunga lawiupa Amasai chunga chun thagau a hungtung a, “Jessai chapa David, nang lama pang ka hiu hi, na chungah lungmuonna um hen, nangmah hun panpihte chunga le lungmuonna um hen; na Pathien chun a hun panpih sek ngâl a,” a ti a. Ziephet chun, David chun, amau haw chu a lawp a, sepaih hawn lawiupa dingin a siem ta a.

JEREMIA 5:19

Chun, hiti hi hung hi’n tin, Bang zieka Lalpa I Pathien un zie thil haw hih I chung u a a tunsak ahi? a tih tieng u leh, Kei nei taihsan u a, na gam u a pathien dangte nasep sak zaw ding na hiu hi,” ti’n a na dâwng ing ka.

JEREMIA 4:18

Na umdan leh na thilhih teu chun ziehaw hi na chunga a tunsak ahi. Zie hih na sietna ding chuh ahi a, a na mah mah ngâla, na lungthim a sun hi.

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

2 KHANGTHUBU 23:11

Tichun, amau chun leng chapa chu a hun puidawk u a, lallukhuk a khuksak u a, lengte vaihawm dân bu chu a pieu a, khutichun, leng in a siem u a, tichun, thiempu Jehoiada leh a chate chun sathau a nuh u a, mi chengcheng chu a kiko u a, “Pathien in leng chu humbit hen” a tiu a.

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

VAIHAWMTE 6:34

Himahleh, Lalpa thagau chuh Gideon chungah a hung tunga, tichun pengkun a mût a, Abiezer te chuh hung pungkhawm in a zui tau a.

LUKE 11:51

Abel thisan kisuoh apat, Mun Thiengtho leh maichâm kikala Zakaria thisan suoh a a um ni tienga, thiemgau thah a umte chengcheng ziek chun gawt in um un au. Ahi, ka hun hilh na hiu hi, tulai khanga mite hi ziehaw ziek chun gawt in um tei un au!

DAN NIHNA 31:17

Khutichun, zie tieng chuleh a chung u ah ka lungnatna kuong intin, thahtham ing ka ting kiselmangsan ing ka. ting, sukmangthai hi’n tin un, tuohsie leh haksatna tamtak a chung u ah tung ina; khutichun, zie ni chuleh, I Pathien un ei umpih loh zieka zie thil phalo haw hi I chung u a tung hilo ahim, tiu in tin.

2 KHANGTHUBU 24:24

Suria sepaihte chu tawmcha mai hung kuon ahiu a; a pileputeu Pathien Lalpa chu a kiheisan ziekun Lalpa’n sepaih tamtak mai te chu a khut u ah a pie a, khutibang chun leng Joash chu gawt in a um tai.

2 KHANGTHUBU 29:8

Zieziekchun Lalpa lungnat chuh Judate leh Jerusalem a mite chung achun a um ta a, na mit uh a na muh bang ngêi u hin, buoina te, tizat-um na te chuleh êngho ding leh nuihzatbuk dingin a na siem ta ahi.

JEREMIA 26:2

Lalpa chun hiti hin a tii: Lalpa Ho-In huongsung ah ding inla, Juda khawpite apat a Pathien ho dinga Lalpa In a hungte kawm achun, a kawm u a gen ding thu ka piek haw cheng chuh khat chale îm lo in gen dawk ah.

2 KHANGTHUBU 12:5

Thiemgau Shemaiah chu Rehoboam leh Juda te lawiupa Shishak a pata suohchak guon Jerusalem a kikhawmte kawm achun a va chieh a, a kawm u ah, “Lalpa chun hiti hin a tii: ‘Nei hengilh tau a, zieziekchun ken le Shishak khuta ka hun kawih na hi tau hi,’ ti’n,” a vak ti a.

2 KHANGTHUBU 25:16

A kawma thu a gen zing lai chun, Amaziah chun, “Lengpa vaihawm sak dingin ka hun siem u a ahim? Thip mai in; a hihloh leh hun that ding ka him?” a ti a. Tichun thiemgau chun, “Pathien in hiti bang a hi na hih ziek in leh ka lemguot na ngaihthak loh ziekin hun sukmangthai ding a ngaihtuoh hi tih ka hêi,” a ti a, a thip ta a.

AMOS 5:10

Kulh kawtkhak a hilhgaihpa chuh a hawu a, thudik tak gen pa chuh a kihdak u a.