2 KHANGTHUBU 23:8 - PATHIEN LEKHABU THIENGTHO (BSI)

⁸ Levi te leh Juda mipi te chun Jehoiada thupiek bang chun a hih u a, chawlhni a mi veng dingte a pawtdawk tieng u leh mipite chu a kikhenzak sak puou ui, khutichun lawiupa pên chu a veng a pang ding leh a chiehdawk ding te a muh zel theihna ding in.

2 KHANGTHUBU 23:8 ပူးပေါင်းရင်းမြစ်များ

2 LENGTE 11:9

Tichun, sepaih zalawiupa te chun, thiempu Jehoiada thupiek bang chun a hih u a; amau lawite chiet, Chawlhni a châwl dingte leh Chawlhni a nasem dingte chu a pui u a, thiempu Jehoiada kawmah a chieh u a.

1 KHANGTHUBU 9:25

Zie kawtkhak vengte chu, khuo a a inkawteu chun a panpih sek u a; ni sagih hal cheng leh a kitheng zel sek uh ahi.

2 KHANGTHUBU 23:7

Chun, Levi te chun a gâlvan uh chawiin, leng chiehna cheng ah zui untin, chun, kuole Ho-In a hung lut guo chu thah ding ahi a; chun, leng chuh a lut leh a pawt inle na ven zing dinguh ahi,” a ti a.

2 KHANGTHUBU 23:9

Jehoiada chun Sepaih za lawiupa te chuh Ho-In a um lengpa David tiengcha leh phaw neu leh phaw lien te chu a pie a.

1 KHANGTHUBU 25:25

A sawm leh gietna chu Hanani chungah a chu a, a chapate, a suohpihte tawh sawmlenih ahiu hi.

1 KHANGTHUBU 26:26

Shelomith leh a unaute chu leng David leh a inkuon uh lawiupa sepaih sangkhat chunga lawiupa leh, zakhat chunga lawiupa leh, sepaihhawn lawiupate’n a hih thientho sau, thil thiengtho kawihkhawmna in cheng cheng enkawl ahiu hi.