2 KHANGTHUBU 22:7 - PATHIEN LEKHABU THIENGTHO (BSI)

⁷ Pathien in Joram vehthak a a um na chu Ahazia puksiet na ding in a mang ta a. Ahazia zie a a um lai tak chun, a mah leh Joram chu Nimshi chapa Jehu chun a hun do ta a, zie pa chu Lalpa’n Ahab inkawte sukmangthaina dinga a guot chu ahi.

2 KHANGTHUBU 22:7 ပူးပေါင်းရင်းမြစ်များ

2 KHANGTHUBU 10:15

Khutichun leng in mipite thugen a zawp ta puoh a: Lalpa’n Shiloh mi Ahijah mang a, Nebat chapa Jeroboam kawma thu a na gen khah a sukbutit theih na ding in; zie chuh Pathien apat a hung kipan ahi.

2 LENGTE 9:21

Chun, leng Joram chun, “Kangtalaite guonggalh un!” a ti a. A kangtalai teu chu a siem u a, Israel leng Joram leh Juda leng Ahaziah chu a mau kangtalai gel ah a va pawt a, Jehu muok ding chun a va chieh a. Jezreel mi Naboth huon ah a va tuok u a.

MALAKI 4:3

Mi nunsie chuh nuoisieh ta’n na tin uh, Ka hun guot achun na kengnuoi u a leivui tawbang hiding ahi ngâl u a, Bangkim hihthei Lalpa chun a tii.

HOSEA 14:9

Kuole, miching taphawt chun zie thu haw hi hethiem u hen la, a lungthim ah kawih hen. Lalpa lampite chuh a dik a, mi diktatte chun a zui uh a, a hin lawh sek ui. Himahlele, migilo chun a ngaihsak loh ziek un a kisuipai un au.

ISAI 46:10

A bul apat a tâwp tienga thil hung um dingte ka na genlawk a; tuma apat in thil hungtung dingte ka na genlawk tai! Ka thil guonggalh te chuh lawhsam ngei puo’n tin, Ka thilhih guotte le hih buting ngêi ing ka, ka ti a.

SAM LEHKHABU THE PSALMS 9:16

Lalpa chuh a kiphuonga vai a hawm ta a, Mi dukdaklo chuh amah khutsuok ngêi chun a âwk sak a. Selah. (Higgaion hi ngaihtuoh tihna ahi)

1 LENGTE 22:20

Chun, Lalpa’n, ‘Ahab hi Ramoth gilead khuo a va chieh a, gâla thi dingin kuo a va thêm ding?’ a tii. Mi khat in hiti hin a ti a, mi dangin khutibang chun a ti a.

1 LENGTE 19:16

Chun, Israel te chunga leng hi dingin Nimshi chapa Jehu thau nuh inla: chun, na thasanga thiemgau hi dingin Abelmeholah khuo a um Saphat chapa Elisha thau na nuh ding ahi.

1 LENGTE 12:15

Khutichun leng chun mipite thugen chu a ngaihsak ta puoh a; a ziek chuh Lalpa a kipata zie thil chu hung um ahi ngâl a, Lalpa’n Shiloh mi Ahijah manga Nebat chapa Jeroboam kawma thu a na gen tâk kha a hihdet theihna dingin.

VAIHAWMTE 14:4

Himahlele, a nu leh a pa chun zie chuh Lalpa hih ahi tih a he ngâl puou a; Philistia te chunga hun lemchâng hawl a hi ngâl a. Zie hun lai chun Philistia te chun Israel te chungah vai a hawm u a.

DAN NIHNA 32:35

Phubalak leh ditthuk chuh Kei hih ding ahi; a kalbiu ateu tieng leh, A sietna ding niu chuh a nai tai, Thil hung tung ding haw chuh a chung u ah tung pai ta’n a.

2 LENGTE 9:27

Himahlele, Juda leng Ahazia chun zie chu a muh phetin, a sakawlkangtalai chun Beth-Haggen khawpi lam ah a tai ta a, Jehu chun a delh a, “Amah le kangtalai a khan that ngâl un,” a ti a; tichun Ibleam khuo leng, Gur chieh tohna lampi a a chieh lai chun a suliem tau a. Khutichun Megiddo khuo ah a tailut a, zie tak achun a thi ta a.

2 KHANGTHUBU 22:6

Tichun, Suria lengpa Hazael tawh Ramah khuo a a kidonau a liemna ziekin Jezreel ah kisudam dingin a kileh kit a, zielai chun, Juda leng Jehoram chapa Azariah chu Jezreel ah Ahab chapa Jehoram damloh zieka va veh dingin a chieh suka.

JOSHUA 11:20

Lalpa’n Mosi thu a piek banga a hihchimit suok a, lungsietna neilo hiela a hih mangthai theihna dingin a lunggil uh a hihkhauh sak a, Israel te do sak sek pa chuh Lalpa ahi ngâl a.

1 LENGTE 12:24

“Lalpa’n hiti hin a tii, ‘Va chieh kiu in, Israel suon, na suohpih teu chu va do diek kiu un, na In lam chiet u ah chieh kit tau in; ziehi kei hih ahi,’ ti’n,” a ti a. Khutichun Lalpa thu chuh a zawp u a, Lalpa thu bang chun a vaikit u a, a chieh kit suok tau a.

2 LENGTE 10:11

Khutichun, Jehu chun Jezreel khuo a Ahab inkawte, a na um chengcheng te leh, a miliente cheng leh, a guolte cheng leh, a thiempute chuh, khat chale hing hawih lo in, a that vek ta a.

THUCHINGTE 16:9

Mihingte lungthim chun a lampi ding a guonggalh sek a, himahleh, a kalsuon vang chuh Lalpa’n a pui sek.