Thiempu te leh Levi te chu a sam khawm a, Juda khawpi haw a chun chieh unla, kum chenga na Pathien In uh siemphat na ding, Israel mipite apat paisa a va lakhawm tiem u, khâi, muongchâng kiu in, a ti. Himahleh, Levi te chu a kinawh puou a.
Thiemgau Samuel damlai apat Israel gam ah chiehkân kut khutibang himhim chu a nei kha puou a; Israel leng kuomah in Josia leh thiempute leh Levi lawi haw leh Juda chengcheng leh Israel te’n le zie tawbang hin a nei kha puou hi.
Chun, Manasseh chanchin dang chengcheng te, a Pathien kawma a paucham thute, Lalpa Israel te Pathien min a thiemgau in a kawm u a a thugen te haw chu, Israel lengte chanchin lak ah a kizik hi.
Khutichun, leng Ahaz chu a pulepate kawm achun a ipmu ta a, Jerusalem khawpi ah a vui u a; himahleh, Israel lengte thân ah a vui puou hi: tichun, a chapa Hezekia chu a thasang in leng in a pang tai.
Amah melma Damaska te pathien kawm poh ah a kithawi a; “Suria lengte pathien chun amau chuh a panpih ziekin ei panpih theihna dingin a kawm u ah kithawi ding ka hi,” a ti vangvei a. Himahleh amah leh Israel mi chengcheng te chunga sietna ahi ta a.