2 KHANGTHUBU 20:22 - PATHIEN LEKHABU THIENGTHO (BSI)

²² Chun, la a hun pan u a, pahchakna la a sak phet u chun, Amon suonte, Moab suonte leh Seir tânga mite, Juda te do dinga hung kipante chuh a lambut dingin Lalpa’n ana kawih a, tichun, a that chimit tau hi.

2 KHANGTHUBU 20:22 ပူးပေါင်းရင်းမြစ်များ

EZEKIEL 38:21

Ka tâng chengcheng ah Gog dona dingin chemzâm sam khawm ing ka ting, mi cheng chemzâm chun a suohpihpa do ina, Lalpa Pathien chun a tii.

1 SAMUEL 14:20

Khutichun Saul leh a kawma mipi umte chengcheng chu a chieh khawm u a, kidona achun a chieh tau a; chun, ngaitie, amau leh amau chemzâm in a kisattuoh lak lak zieng tau a; a buoi in a pheng buoi tau a.

ISAI 19:2

Chun, Aigupta mite chuh, Aigupta mite mah do dingin chawktho ing ka ting, tichun, mitin in amah suohpih do in, mitin in amah invengte do in, kikâp un au; khuo leh khuo kido untin, gam leh gam kido un au.

2 LENGTE 6:17

Ziephet chun, Elisha chu a paucham a, “Aw Lalpa, a mit sukvak sak inla, muh sak in,” a ti a. Lalpa’n a pauchamna chu a dâwng a, tichun, Elisha suokpa chun tâng panga sakawl hawn leh mei kangtalai, Elisha kimvela um chu a mu ta a.

VAIHAWMTE 7:22

Chun, mi zathum te chun pengkun a vak mût phet u chun, Lalpa’n a melmateu sepaih haw chuh amau leh amau chemzâm in a kisattuoh sak ta a; tichun, sepaihte chuh Zerara lama Beth-shita tiengin, Tabath kienga Abel-meholah gamgi tiengin a taisie tau hi.

2 KHANGTHUBU 20:10

“Tuhin, Ammon suonte Moab te leh Edom ten ei do tau a, Israel te Aigupta gam apat a a hung pawt lai u a, a do uh na phal puoh a, amau a vaihkit san zawu a, amau a sumangthai puou hi;

2 KHANGTHUBU 13:13

Chun, zielai chun, Jeroboam chun a sepaih khenkhat chu Juda sepaih te na lambut ding chun nung lam ah a sawl a, a dangte chun malam ah a do u a.

1 SAMUEL 14:16

Chun, Benjamin gama Gibeah a Saul sepaih gâlvengte chun a vak gâl et u leh, ngaitie, mipite chu kibawhpai lem lum khawp in lehlam lehlam ah a taizak gui gui mai tau a.

2 KHANGTHUBU 21:8

Jehoram vaihawm lai in Edom te Juda te apat in a hel u a, lal gam a kineih chuom tau a.

JOSHUA 6:16

Chun, hiti hi ahi a, a sagih veina a thiempute’n pengkun a vak mût u chun Joshua’n mipite kawmah, “Kiko un, Lalpa’n khawpi hi a hun pie tai.

2 SAMUEL 22:4

Pahchak tâk Pathien chu sam ing ka ting: Khutichun ei dote haw apat hukbit in um ing ka.

2 KHANGTHUBU 5:13

Pêngkun mûtte leh lasa ten Lalpa pahchakna leh kipah-thugen na a a tumgit u chu gi khat bang mai in a kiza a; pengkun leh dâk khutbet leh thil tumgit te tawh a awu a suoh u a, “A mah chu a pha ngâla; a lungsiet na chu kumkhuo a um ding ahi,” ti a Lalpa a pahchak u leh, Lalpa Ho-In chu meipi’n a dim mepmup zieng ta a,

2 KHANGTHUBU 13:15

Khutichun Juda te chuh a kiko zuoh zuoh u a; Abijah chun ma kai in a do u a. Lalpa’n Jeroboam leh Israel te chengcheng chu a guollah sak ta a.

SAM LEHKHABU THE PSALMS 18:4

Thihna khauhuol ten ei zem a, Pathien ngaihsak loh na tuilien haw chun ei tawk a.