2 KHANGTHUBU 19:2 - PATHIEN LEKHABU THIENGTHO (BSI)

² Thiemgau Hanani chapa Jehu’n a na muok a, leng Jehoshaphat kawmah, “Migilo chu panpih a, Lalpa hawte chu hehpih ding na hi maw? Zieziek hin Lalpa lungnatna na chunga hung um a hi tai.

2 KHANGTHUBU 19:2 ပူးပေါင်းရင်းမြစ်များ

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

EPHESI 5:11

Chun, khawthim a um mite’n thil manloh a hihna hawu achun telna himhim nei kiu in. Tel malak in, a mawhnau hetsak zawu in.

2 KHANGTHUBU 18:3

Israel lengpa Ahab chun Juda lengpa Jehoshaphat kawmah, “Ramoth khuo nei hung do pih puoh die maw?” a ti a. Jehoshaphat chun a dâwng a, “Na kisak zawh hun hun a ding chun kei leh ka sepaih te chu kiguo zo sa ka hiu ui, hun kithuohpih ing kau,” a ti a.

2 KHANGTHUBU 32:25

Himahleh Hezekia chu, Lalpa’n amah dinga a thilhih chung a a kipahna sulang ding chun a chapo ta mah mah a, zieziekchun Juda leh Jerusalem a mipite chu a hung kingainiem tau a,

2 KHANGTHUBU 24:18

Tichun a pileputeu Pathien Ho-In chu a kiheisan u a, Asher pathien leh milim te a ho tau a. A gitloh nau ziekin Juda te leh Jerusalem chungah Lalpa lungnatna a hung tung ta a.

2 KHANGTHUBU 20:34

Chun, Jehoshaphat thilhih chengcheng te chu abul a pata a tawpchan in Hanani chapa Jehu chanchin zikna ah a kizik a, zie chuh Israel lengte chanchin bu ah a kizik hi.

2 KHANGTHUBU 16:7

Zie lai chun, thiemgau Hanani chu Juda lengpa Asa kawmah a chieh a, a kawmah, “Lalpa na Pathien muong lo in Suria lengpa na muong a, Suria lengpa sepaih hawn te chu na pawtsak ta a.

1 LENGTE 16:1

Baasha chungchâng thu ah Hanani chapa Jehu kawmah Lalpa thu a hung tung a, hiti hin a gen a;

ROME 8:7

Phehlevo lunggulh lam chuh Pathien dona ahi a, zie chuh Pathien dân ah a um puoh ngâl a, um le a um thei lo him ahi.

ROME 1:32

Zie tawbang thilhihte chuh thi tâk ahi tih Pathien vaihawmna he ngâl in; amau bawl mai le hilo in, midang zie tawbang thilhihte chuh a kipahpih zaw sek nalai ui.

1 SAMUEL 9:9

(Tuma lam chun Israel gam ah Pathien thil dawt nawp a neih tieng u leh, “Hung tie, mutheipa kawmah chieh hiti,” a kiti sek uh a: tulai a Thiemgau a tih sek u hih tuma lam chun Mutheipa a tih sek uh ahi).

ROME 1:30

kimukphunna leh, kithepna leh, nunchan phatlohnate’n a hung dim tau a. Thuningkhel leh, mi gensiet hatna leh, Pathien zakdah lam leh, kilek leh, kiletsakna leh, mi-uong leh, thil gilo thak bawl dawk leh, nu le pa thu ngailo leh;

ROME 1:18

Thutak, takkhanlo taka dalte, Pathien khawksak lohna leh, takkhanlohna chengcheng chung achun, van apat in Pathien lungnatna hung kilak ahi;

JOHAN 15:23

Kuole, kei ei haw chun, ka Pa le a hawt a hii.

JOHAN 15:18

“Khawvel in a hun hawt u leh, a hun hawt mau in kei ei haw tau hi tih na he tau hi.

SAM LEHKHABU THE PSALMS 68:1

Pathien chuh tho henla, a melmate chu nawhzak in um hen la; Amah mudahte le a masangah taisieu hen.

SAM LEHKHABU THE PSALMS 21:8

Na khut in nangmah hun do haw cheng chuh hawldawk vek in na tin: Na khut changlam in nangmah hun hawte chule hawldawk suok ina.

SAM LEHKHABU THE PSALMS 15:4

A mit un migilote a muhsit sek u a; himahleh, Lalpa kihchate chuh a ngaisang sek. A mah dinga sietna hilele a kitiemna hih zat chuom kha lo a.

2 KHANGTHUBU 18:28

Chun, leng Ahab leh Juda lengpa Jehoshaphat chu Ramoth-gilead khawpi do ding chun a va kuon to u a.

2 KHANGTHUBU 18:7

Ahab chun Jehoshaphat kawmah, “Lalpa ei dawtsak ding mi khat chuh a um kha uo; himahleh amah chu vang ka muhdah lam tak ahi; ka chungchâng thu hi a phalam himhim a gen kha puoh a; a sie lam chauh in a gen hi amah chu Imlah chapa Mikaiah ahi,” a ti a. Chun, Jehoshaphat in, “Lengpa’n khutia chu na tihloh ding ahi,” a ti a.

1 LENGTE 21:25

(A zi Jezebel tîlsiet a Lalpa mitmuh a thil gilo hih dinga kizuok, Ahab tawbang hi kuomah a um hiel puou.)

1 LENGTE 16:12

Khutichun Lalpa’n thiemgau Jehu manga Baasha chungchâng thu a na gen sa bang khan Zimri chun Baasha inkawte chengcheng chu a that ta a.

1 LENGTE 16:7

Chun, Hanani chapa thiemgau Jehu khut ale Lalpa thu chu Baasha leh a inkawte kalh in a hung tung kit a, a khut suok a Lalpa suklungnatna dinga Jeroboam inkawte guola Lalpa mitmuh a thil phalo tak a hih ziek leh amah a thah ziekin, Hanani chapa thiemgau Jehu manga a gen Lalpa thu chuh a hungtung tai.

DAN NIHNA 33:11

Vangpie’n, Lalpa, a sum a pai, A khut nasep haw a na pawm in; Amau kilanpihte kâwng chuh zêp inla, Amau hawte kâwng le, a kipat kit tâk lohna dingun,” a ti a.

DAN NIHNA 32:41

Ka chemzâm te zawlzawl ka tathiem a, vaihawmna ka khut in a tuk tieng, Ka melmate chungah phuba la’ng ka ting, ei hawte chuh din thuk ing ka.

DAN NIHNA 7:10

Amah hawte sumangthai dinga amau chung ngeia dinthuk sek chuh ahi; amah hawte chung achun chanchûm puo’n tin, a muh theih ngêi dingun dinthuk ina.

DAN NIHNA 5:9

Ziehaw masanga chuh khun a na ho ding ei puoh a, a nau le na sep ding ei puoi; kei Lalpa na Pathien hi Pathien thikthusie, pate manlohna zieka chate gawt seka, ei hawte chuh khang thumna leh khang lina chana gawt sek,

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

SAM LEHKHABU THE PSALMS 71:15

Ka kam hin na diktat na thu hilh in tin, Nichang tumin na hukdamna thu gen ina; A tam dân chuh ka he puoh ngâla.

2 KHANGTHUBU 18:1

Tichun Jehoshaphat chu ahung neizo a a hung lopi mah mah phet chun, Ahab inkawte tawh kichênna a kizawpmatna a siem a.

1 LENGTE 22:44

Chun, Jehoshaphat chun Israel lengpa tawh kichamna a siem u a.

2 KHANGTHUBU 19:1

Tichun, Juda lengpa Jehoshaphat chu bit takin Jerusalem ah a In ah a chieh kit ta a.

2 KHANGTHUBU 19:10

Khawitak khuo a mi’n le thubuoi a hun gen u a, thisan suoh thu ah, dân leh thupiek thu ah, thuguot leh vaihawm thu haw a a hung kilân u chun, Lalpa chunga thil a sukkhelh loh na ding un chingthei dingin hilh un, nangmau haw leh na suohpih teu chungah lungnatna hung tung khawm khan a; khutibanga chuh na hih u chun, thiemloh chang puo’n lau.

2 KHANGTHUBU 26:18

A kawm achun, “Uzziah; Lalpa kawma gimlim hâlna dingin thuneihna na nei puoi. Aron suona thiempu te chauh chu zie hih ding a chu kawihchuom ahiu ui. Zie munthiengtho hi pawtsan vak in, Lalpa Pathien na dodal a, a vangsakna le changlo na hi tai,” a tiu a.

AMOS 7:14

Amos chun Amaziah kawmah, “Thiemgau ka hi puoh a, thiemgau chapa le ka hi diek puoi; himahleh, ganguol vengpa leh theipi kung enkawla pang ka hi zawi: