2 KHANGTHUBU 19:11 - PATHIEN LEKHABU THIENGTHO (BSI)

¹¹ Chun, ngaiun, Lalpa lam thu taphawt achun thiempu lalpen Amaria chu na lawiupau ahi a; chun, gamsung vaihawmna lam thu cheng achun Judate inkuon chunga vaihawm Ishmael chapa Zebadiah a hi: Levi te le na lawiupau ahiu ui ti’n. Hangtak in hih unla, Lalpa’n miphate umpih ding ahi,” ti’n thu a pie a.

2 KHANGTHUBU 19:11 ပူးပေါင်းရင်းမြစ်များ

2 KHANGTHUBU 19:8

Zielo chun le, Jehoshaphat in Jerusalem a ahung vaihkit nung in Levi te lak apat leh thiempute lak apat, chun Israel inkuonte laka alienpente apat in Lalpa dân bawhsiete vaihawm ding leh thu buoite lem dingin a kawih a.

2 TIMOTHE 2:1

Khutichun, nang ka cha, Krista Isu tawh kipumkhatna zâla hehpihna ahin, thilhih theihna nei in um ta’n.

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

NASEPTE 11:24

Barnabas chuh mi phatak ahi a, Thagau Thiengtho leh taksanna a dim ahi. Tichun, mi tamtakin Lalpa kawmah a tel behlap lawh tau hi.

LUKE 23:50

Chun, ngaitie, mi khat amin Joseph kiti vaihawm diktat leh mipha tak a um a, a vaihawm u leh thilhih uh khale ana ki-awilo him ahi.

MALAKI 2:7

Thiempute kam chun hetna a vawp ding ahi ngâla, a kam apat in dân chuh a hawl sek dinguh ahi; amah chuh Sepaih hawnte Lalpa sawlchak ahi ngâla.

THUGENPA 2:26

Pathien in amah sulungkimte kawma chun pilnate, hetnate, kipahnate a pie ngâl a; migilote chun vang, Pathien sulungkimte kawma piek dingin a khawlkhawm hâm zawu hi. Zie chule bangmahlo leh huih delh tawbang ahi.

THUCHINGTE 2:20

Zieziekchun, mi phate lampi achun chieh inla, mi felte lampi chu hawh in.

SAM LEHKHABU THE PSALMS 112:5

Mi lungsiet a palâk sak mi chuh phatna’n a vuk seka; Amah chuh diktat takin khawsa sek hi.

SAM LEHKHABU THE PSALMS 37:23

Lalpa chun miphate kalsuon chuh a pui sek a, A deihbang hihtute chuh a veng sek a.

2 KHANGTHUBU 19:6

Chun, vaihawmte kawm achun, “Na thilhih u chu guntaka ngaihtuoh in hih u, mihing dinga vaihawm na hi puou a, Lalpa ding ahi zaw ngâl a; vaihawmna ah na kawm u ah a tel zel hi.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

1 KHANGTHUBU 28:20

Leng David chun, a chapa Solomon kawm achun, “Hat tak leh hangsan takin um inla, na chuh sem inla, lau ki’n la, lungkie diek ki’n! Lalpa Pathien, ka Pathien, a na na sep pa hi na kawmah a um hi; Ho-In sak hi na zawh suok kêi ma’n, hun hengilh in hun thahtham puo’n a.

1 KHANGTHUBU 26:30

Chuleh, Hebron suonte lak achun, Hashabia leh a unaute, mi hangsan sangkhat leh zasagihte chu, Jordan gâl tumlam a Israel te lawiupa ahiu a; Lalpa nasepna lam chengcheng leh, leng vaihawmna lama hotu ahiu hi.

1 KHANGTHUBU 22:19

Ho-In sak pan ngâl un la, Lalpa Thugawlh kawihna Thingkuong leh amah hona dinga thil thiengthote chu a sunga na kawih theihna ding un, a ti a.

1 KHANGTHUBU 22:16

Simsen guolloh sanate, dangka te, sumeng te, thik te, bawl zieng ngâl in, Lalpa chu na kawmah um hen,” a ti a.

1 KHANGTHUBU 22:11

“Khutichun, Ka chapa, Lalpa chu na kawmah um hen la, lamzang zel inla, na chungchâng thu a na gen masak tâk bang khan, Lalpa na Pathien Ho-In chu hun sa’n.

1 KHANGTHUBU 6:11

Azariah chu Amaria pa ahung hi a, Amaria chu Ahitub pa ahung hii,

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 1:6

Hattak leh hangsan takin um in; a suonteu kawma kipautiema piek ka na tiemna gam kha, ziehaw hi luoh sak ding na hi ngâl a.

1 KHANGTHUBU 26:32

Leng David chun Jeriah inkawte lak apat chun inkuon lawiupa mi, sangnih leh zasagih a teldawk a, Jordan suohlam panga Reuben te, Gad te leh suohlam a Manasseh te gama, Israel chate chunga sakhuo lam leh mipi vaihawm dingin a tel ta a.

2 KHANGTHUBU 15:7

Himahlele, nang haw vang hattak in um unla, lungkie kiu unla, na thilhih man uh mu ding na hiu hi,” a ti a.

EZRA 7:5

Zie pa chuh Abishua chapa ahi a, zie pa chuh Phinehas chapa ahi a, zie pa chuh Eleazar chapa ahi a, zie pa chuh thiempu lien Aron chapa ahi.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.