2 KHANGTHUBU 18:7 - PATHIEN LEKHABU THIENGTHO (BSI)

⁷ Ahab chun Jehoshaphat kawmah, “Lalpa ei dawtsak ding mi khat chuh a um kha uo; himahleh amah chu vang ka muhdah lam tak ahi; ka chungchâng thu hi a phalam himhim a gen kha puoh a; a sie lam chauh in a gen hi amah chu Imlah chapa Mikaiah ahi,” a ti a. Chun, Jehoshaphat in, “Lengpa’n khutia chu na tihloh ding ahi,” a ti a.

2 KHANGTHUBU 18:7 ပူးပေါင်းရင်းမြစ်များ

MIKA 2:7

Aw Jakob inkawte haw, zie hih gena um ding ahim? Lalpa thagau chuh a thuokhat puoh a ahim? Zie tawbang chun thil a hih taktak em? Thil dik hihte kawma chun nunnem takin thu a gen puoh a ahim?” ti’n.

AMOS 5:10

Kulh kawtkhak a hilhgaihpa chuh a hawu a, thudik tak gen pa chuh a kihdak u a.

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

ISAI 30:10

Thiemgaute kawmah, “Thil dikte chuh ei hilhlawk kiu in, thil nuom lam ngen ka kawm u ah gen un, thepna thu genlawk un;

1 LENGTE 21:20

Chun, Ahab in Elijah kawmah, “Nei hung mudawk ta maw, ka melmapa?” a ti a. Elijah chun a dawng a, “Ka hun mu tai: Lalpa mit muh a thil phalo hih dinga na kizuok tâk ziekin.

1 LENGTE 18:17

Chun, hiti hi ahi a, Ahab in Elijah a va muh chun a kawmah, “Nang na hi maw, Israel te hih lungkham pa chuh?” a ti a.

GALATI 4:16

A leh, thudik ka hun hilh ziekin, na melmau ka na hi ta leh?

JOHAN 15:24

Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.

JOHAN 7:7

Khawvel in nanguh a hun haw thei puou hi, kei vang chuh ei haw sek ui, a thilhih hawu a gilo ahi tih ka hilhchet sek ziekin.

MARK 6:27

Tichun, leng chun amah vengte mi khat kin takin a sawl a, a lu hun lak ding thu a pie a; tichun, amah chuh a va chieh a, suongkul sung ah a lu chuh a va tan a,

JEREMIA 38:4

Chun, miliente chun leng kawm achun, “Zie pa hi suklup hi hen, ka hun ngên ui, amah chun zie thu haw hi gen in, khawpi sunga taihsan a um sepaihte leh mipite a sukthatdah, a mipite phatna ding hi a hawl puoh a; a sietna dinguh a hawl zawk ziek in,” a tiu a.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

THUCHINGTE 29:10

Thisan suoh chîng mite chun mi diktat a mudah sek u a; mi diktatte hinna chuh a hawl sek ui.

THUCHINGTE 25:12

Mi hilhgaih thiem takin a ngaitha nuom kawma hilhgaihna a piek chuh; sana zungbuh leh dangkaguo phatak a kicheina tawbang ahi.

THUCHINGTE 9:8

Mi muhsit chîngte chuh hilhgaih ki’n hun mudah kha’n au; mipil chuh hilhgaih leh chin, hun lungsiet ding ahi.

SAM LEHKHABU THE PSALMS 69:14

Buonthuok laka kipatin ei hukdawk inla, ei kiek tum sak hiel ki’n, Ei hawte lak leh tui thuk taka kipat hin humbit in nei um sak in.

SAM LEHKHABU THE PSALMS 55:3

Ei dote husa ziek poh in; Mi nunsiete nuoisieh na ziekin; Amau chun ka chungah buoina a bawl u a, Lungnat na’n ei hih gimthei ngâl u a.

SAM LEHKHABU THE PSALMS 34:21

Thil phalo in mi nunsie hihlum in tin: Mi diktat mawhchansakte chuh thiemloh chang un au.

2 KHANGTHUBU 18:13

Himahleh Mikaiah chun, “Lalpa hinna sâm in ka gen ahi, ka Pathien in a gen bang bang in ahi ka gen ding,” a na ti a.

2 LENGTE 9:22

Joram in Jehu a vak muh chun, “A phalam thu ahim le, Jehu?” a vak ti a. Jehu chun a dâwng a, “Na nu Jezebel hin zawlsaih leh dawi thilte leh milim hona te a chîn lai chanin a phalam thu bang a him um thei ding?” a ti a.

1 LENGTE 19:10

Amah chun, “Lalpa sepaihte Pathien a ding hin phachuom ka ngai mah mah sek a. Israel chate chun lah na thugawlh a nusieh ta ngâl u a, na maichâmte a suchim u a, na thiemgaute chemzâm in a satlum u a; Kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

1 LENGTE 18:4

Khutia Jezebel in Lalpa thiemgaute a thah lai khan, Obadia chun thiemgau zakhat a pui a, kawlpûk ah sawmnga zel in a selgu a, chângthâk leh tui in a vak sek a.)

1 LENGTE 22:8

Chun, Israel leng chun Jehoshaphat kawmah, “Lalpa ei uh a dinga ei dawt sak thei ding mi khat Imlah chapa Mikaiah vang a um kha uo. Himahleh, amah hi chu ka mudah chi tak ahi; ka chungchâng thu hi a sie lam chauh lo ngâl, a phalam himhim a gen ngei puoh ngâl a,” a ti a. Chun, Jehoshaphat chun, “Leng in khutibang chun gen kihen,” a ti a.

2 KHANGTHUBU 18:6

Himahlele Jehoshaphat in, “Lalpa ei vak dawtsak thei ding thiemgau kuo ahim umlo maw?” a ti a.

2 KHANGTHUBU 18:8

Tichun leng Ahab chun miliente khat a vak sama, “Imlah chapa Mikaiah hun pui vak tie,” a ti a.