2 KHANGTHUBU 18:13 - PATHIEN LEKHABU THIENGTHO (BSI)

¹³ Himahleh Mikaiah chun, “Lalpa hinna sâm in ka gen ahi, ka Pathien in a gen bang bang in ahi ka gen ding,” a na ti a.

2 KHANGTHUBU 18:13 ပူးပေါင်းရင်းမြစ်များ

KISIMNA 22:35

Himahleh, Lalpa Vânsâwlchâk chun Balaam kawmah, “Zie mite kawm ahin chieh inla; amahvang chuh, na kawma ka thugen mai hi na gen ding ahi,” a ti a. Khutichun Balaam chuh Balak miliente kawm achun a chieh ta a.

KISIMNA 24:13

Lalpa gen taphawt chuh gen ing ka, ti’n na mi sawlte kawm a khan le ka gen mawng hilo ahim?” a ti a.

1 THESSALONIKA 2:4

Khutichuh hizaw lo in, Pathien in Chanchin Pha vawp sak dinga a phasak lam ka hih ziekun, gen dinga a deih haw chauh chuh ka gen zaw sek uh ahi. Zieziekchun, mihiem te sukkipak ka guo puou a, himahleh, lunggil enchien pa Pathien chuh sukkipak ka guo zaw sek uh ahi.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

2 KORINTH 2:17

Mi tamtakin Pathien thu hi dawha bawl a, sumkawlveina guola a mat sek guol un, ei uh vangin I mang puou a; mi thutak, Pathien sawl bangin, Pathien mit muh achun, Krista suok bangin thu I gen zaw sek uh ahi.

1 KORINTH 11:23

Nanguh thu ka hun hilh sawn khah, Lalpa kawm apat ka muh a puo: khati a, Lalpa Isu matsak a a um zan a, chângthâk a lak a; kipahthu a gen zawh a, a phelsuoh a,

NASEPTE 20:27

Pathien thiltup chengcheng a bawnin, na kawm u a suklat ka kitim puoh kha.

EZEKIEL 2:7

Chun, ka thu chuh, ngaitha leu, ngaitha kileu, a kawm u a na gen ding ahi: helchîng tak ahi ngâl u a.

JEREMIA 42:4

Chun, thiemgau Jeremia chun a kawm u ah, “Na thuu chuh ka hêi, ngaiun, na thu guol ngêi un Lalpa na Pathien kieng u achun hun nget sak ing ka; chun hiti hi hi’n tin. Lalpa’n a hun dawnna taphawt chuh hun hilh zel ing ka: na kieng u ah bang mah îm puo’ng ka,” a ti a.

JEREMIA 23:28

Thiemgau mang nei chun, a mang chuh gen hen la, chuleh, ka thu vawppa chun ka thu chuh ginum takin gen mai hen. Buh vaiham leh, buh changin kibatna a nei uh a ahim? tih hi Lalpa kamsuok ahi.

1 LENGTE 22:14

Chun, Mikaiah chun, “Lalpa hinna sâlin ka gen hi, Lalpa’n ka kawma a gen mai chuh ahi ka gen ding chuh,” a ti a.

KISIMNA 23:26

Himahleh Balaam chun a dâwng a, a kawmah, ‘Lalpa’n a gen chengcheng chuh ka hih ding ahi,’ ti’n ka hun hilh hilo ahim?” a ti a.

KISIMNA 23:12

Amah chun a dâwng a, “Lalpa’n ka kama a kawih chuh ka gen ngêi ding hilo ahim?” a ti a.

2 KHANGTHUBU 18:12

Zie lai tak chun Mikaiah sam dinga a sawlpau chun, “Thiemgau ten kithuguol in a phalam in thu a gen chiet u a; zieziekchun, nang inle a gen mah bangun a phalam in thu gen mai ah,” ti’n a gen a.

2 KHANGTHUBU 18:14

Chun, lengpa kawm a va tun phetin lengpa chun a kawmah, “Mikaiah, Ramoth khuo do dingin ka va kuon dingu, kuon lo ding?” a ti a. “Ama’n va do un, zo ding na hiu hi, Lalpa’n zawhna hun pie ding ahi,” a ti a.