2 KHANGTHUBU 17:3 - PATHIEN LEKHABU THIENGTHO (BSI)

³ Khutichun, A pu David lampi chu a hawh a, Baal na sem lo a a um ziekin Pathien in Jehoshaphat chu a vangsak a.

2 KHANGTHUBU 17:3 ပူးပေါင်းရင်းမြစ်များ

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

2 LENGTE 22:2

Chun, Josia chun Lalpa mitmuh in thil diktak a hih sek a, a pu David lampi hawh chengcheng chu a hawh sek a, changlam ahim veilam ahim ah a petsan kha himhim puoi.

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

1 KHANGTHUBU 22:18

Lalpa na Pathien u chu na kawm u ah a um a, ning tin ah gâlmuonna a hun pie a. Zie gam mite hi ka khut ah a na pie ta a, gam chu Lalpa leh nanghaw a ahi tau hi.

2 SAMUEL 5:10

Tichun David chu a hung hât deuh deuh ta a, Lalpa sepaihte Pathien chu a kawma a um zel ziekin.

VAIHAWMTE 6:12

Chun, Lalpa vânsâwlchâk a kawmah a hung kilak a, a kawmah, “Nang mihat hangsan, Lalpa chuh na kawmah a um hi,” a ti a.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

THILSIEMBUL 39:21

Himahlele Lalpa chuh Joseph kawmah a um zel a, a chungah zai a dawh a, suongkul vengpa le a lungsiet sak a.

MATTHAI 18:20

Mi nih ahim, thum ahim ka min a a kikhawpna tak u achun a laku ah ka tel sek hi.” a ti a.

JEREMIA 2:23

Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

ISAI 8:10

Thil guong untin, bangmah hi diek puo’n a; thu gen untin, piting diek puo’n a; Pathien I kawm u ah a um ngâl a,” ti’n.

SAM LEHKHABU THE PSALMS 46:7

Sepaih hawnte Lalpa chuh I kawm u ah a um a; Jakob Pathien chuh I insang uh ahi.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

2 LENGTE 18:3

Chun a pu David thilhih taphawtte chu hihin, Lalpa mitmuh in thil phatakte chu a hih sek a.

1 LENGTE 11:6

Chun, Solomon chun Lalpa mit muh in thil phalo a na bawl ta a, a pa David bangin Lalpa chu dettak in a zui ta puoh a.

2 SAMUEL 8:15

Khutichun David chun Israel mi chengcheng chungah vai a hawm a; a mipite chungah kitûp tak leh dik takin vai a hawm a.

PAWTDAWKNA 4:12

Zieziekchun chieh mai ah, na kam chuh ken umpih zel ing ka ting, na thugen ding chuh hun hilh zel ding ka hi,” a ti a.

2 KHANGTHUBU 14:11

Chun, Asa chu Lalpa a Pathien kawmah a paucham a, “Lalpa chauh lo chu mi hattak a pata hatlo panpih ding a um puou hi; Aw Lalpa ka Pathien uh, ei pan pih in; nangmah muong in na min in zie mipite hi ka hun do uh ahi. Aw Lalpa, ka Pathien uh na hi a, mihing in nang hun zawh kinem kiheh,” a ti a.

2 LENGTE 16:2

A vaihawm pat lai chun kum sawmnih mi a hi a; Jerusalem ah kum sawm leh kum gup vai a hawm hi. A pu David bangin, Lalpa a Pathien mitmuh in thilpha a hih puoh a.

VAIHAWMTE 8:33

Chun, hiti hi ahi a, Gideon thih nung chun Israel chate chuh a hung nungchawn kit tau a; Baal a hun ho kit tau a, Baal-berith chuh a pathien dingun a hun siem tau hi.

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

VAIHAWMTE 2:11

Chun, Israel chate chun Lalpa mitmuh in thil gilo a hih u a, Baal na a sem u a.

2 LENGTE 14:3

Chun, amah chun Lalpa mitmuh in thil kitûp takin a hih sek a, a pu David vang chuh a pha puoi; a pa Joash thilhih tawbang a hih sek ziekin.

1 LENGTE 22:43

Chun, a pa Asa lampi hawh chengcheng chu amân le a hawh a; petsan lo hiel in Lalpa mitmuh in thilpha a hih sek a; ahinla munsangte chu a suchim puoh a, munsang haw achun mite chu a kithawi sek u a, gimlim te a hâl zing sek ui.

2 KHANGTHUBU 17:2

Chun, Juda gama kulh nei khuo chengcheng ah sepaih te a kawih a: Juda gam leh a pa Asa’n a na lak Ephraim gama khuo haw achun gâl veng mite a kawih a.

2 KHANGTHUBU 17:4

Himahleh, a pileputeu Pathien hawl a, Israel mite hih bang hilo a a thupiek te a zawp zawk ziekin.

2 KHANGTHUBU 21:12

Thiemgau Elija chun hiti hin Jehoram chu lehkha a thak a; “Na pu Asa te leh na pa leng Jehoshaphat lampi hawhte chu zui lo a, na um ziekin nang hun suonpa David Pathien chun mawh a hun chan na hi.

1 SAMUEL 18:5

Chun, Saul in a sawlna ta phawt ah David chu a chieh seka kitûp takin a tawi seka; tichun, Saul in galdo mite chunga lawiupa’n a siem a, zie chu mi chengcheng ngaih leh Saul suokte ngaih in le a pha mah mah a.

1 SAMUEL 18:12

Chun, a kawma Lalpa a um ziek leh Saul chu a nutsieh ziekin Saul chun David chu a lau a.

1 SAMUEL 18:14

Chun, David chu a thilhih ta phawt ah a lawhting mah mah a, a kawma Lalpa a um ziekin.

1 LENGTE 3:3

Chun, Solomon chun Lalpa a hehpih a, a pa David thuguot haw chu a zawp sek a; mun sang haw achun a kithawi a, gimlim haw a hâl sek a.

2 KHANGTHUBU 20:32

Chun, amah chun Lalpa mitmuh in thilpha a hih a, a pa Asa lampi a zuia, a nusieh ngei puoi.

2 KHANGTHUBU 22:9

Ahazia chu a hawl viel u a, tichun, Samari khuo a kisel chu a mu tau a, Jehu kawmah a pui u a, a that tau hi; Himahlele a luong chu a pu Jehoshaphat, a thih chan a Lalpa nasem sek pa ziek chun a vuih thawh tau a. Ahazia inkawte leng gam vaihawm thei ding khatchale a hinghawih puou hi.

2 KHANGTHUBU 27:6

Jotham chun ginum taka Lalpa a Pathien thupiek a zawp ziek chun a hung hât deuh deuh ta a.

2 KHANGTHUBU 29:2

A pu David thilhih bangte hihin, Lalpa mitmuh in thilpha a hih sek a.

2 KHANGTHUBU 34:2

Lalpa mitmuh in thilpha a hih sek a, a pu leng David lampi hawh in, veilam ahim changlam ahim ah a petsan puoi.

MATTHAI 25:16

Tichun, talent nga vawppa chuh zie chun a kivei pai zieng a; talent nga mah a vei dawk a.