2 KHANGTHUBU 16:9 - PATHIEN LEKHABU THIENGTHO (BSI)

⁹ A mah lama lunggil diktak pute chunga a hatna latsak dingin khawvel chengcheng ah Lalpa’n a mit a tawl viel viel sek ahi. Ngawlhuoi taka thil a na hih na hi tai; tukhel chu galdo ding nei zing zing ta’n la,” a ti a.

2 KHANGTHUBU 16:9 ပူးပေါင်းရင်းမြစ်များ

1 PETER 3:12

Lalpa mit chuh mi diktatte chungah a chu a, A bil le a pauchamna lam u ah a dawh sek a, Amahvang chuh. Lalpa mel chuh thil sukhielte chungah a um sek hi, a ti ngâl a.

THUCHINGTE 15:3

Lalpa mit chuh muntin ah a um a, thilpha leh thil sie chuh a mu zing sek hi.

JEREMIA 16:17

A umdan haw cheng u chuh ka mu zing ngâl a, kei apat in sel in a um puou a; a manlohna hawu le ka mit apat in selguk ahi diek puoi.

THUCHINGTE 5:21

Lalpa’n mihing lampite chuh a mu zinga, a lampi teu chuh a enchien zing sek ngâla.

SAM LEHKHABU THE PSALMS 34:15

Lalpa mit chun mi kitûp lam a en sek a, A bil chun a kiko uh za dingin a ngaitha zing sek.

JOB LEHKHABU THE BOOK OF JOB 34:21

Mihingte umdan chungah a mit a chuh zing a, A kalsuon teu chengcheng a mu suok a.

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

ZEKARIA 4:10

Vânsâwlchâk chun ka kawmah, “Thaumei sagihte chuh Lalpa mit, khawvel pumpi ahin a vakviel sek uh ahi,” a ti a.

JEREMIA 32:19

Lemguotthiem leh thilhih thei tak na hi a, mihing chate umdan chengcheng muchien pa: mitin a umdan u leh a thilhih dungzui u a din sek pa.

2 KHANGTHUBU 6:20

Zie Ho-In mun lam nga a na suok a pauchamna chu ngaitha’n la, ‘zie chun ka min chu um ina,’ na tih na mun ngêi, In lam a hin sun leh zan a na mit na hah zing theih na ding in.

SAM LEHKHABU THE PSALMS 113:6

Vana thil um haw leh lei a thil um haw en a, Hung kum suk pa chuh.

SAM LEHKHABU THE PSALMS 37:37

Mi demna bei tiemteh inla, mi diktat chuh en in, Khutibang mi tawpna ding chuh tha muonna hi ding ahi ngâla.

GALATI 3:1

Aw Galati gama mi ngawlte haw! kuo hun dawih ngawl na hiu hi? Na maikawk uh a Isu Krista khetdên a chientaka latsak a hih mai zên tawh!

LUKE 12:20

Himahlele, Pathien in a kawmah, ‘Mingawl, tuzan hin na thagau hun lâksak ding ahiu hi; na thil lamdawk haw kha kuo a ding ahi ta die?’” a ti a.

1 KHANGTHUBU 21:8

David in Pathien kawmah, “Zie ka thil na hih a hin nasa takin ka na gilo tai; himahlele na suok manlohna hi lungsiet takin ngaidam in. Ngawlhuoi takin ka na hih ahi tai,” a ti a.

2 LENGTE 20:3

“Aw Lalpa, Nanga dinga thutak leh, lunggil phabukim pua na ka sep sek zie leh, na mitmuha thilpha ka hih sek dân te kha, lungsiet takin hezing in!” a ti a. Tichun, Hezekia chu hah kah in a kap ta a.

1 SAMUEL 13:13

Chun, Samuel chun Saul kawm achun, “Na thilhih dân hi ngawlhuoi tak ahi: Lalpa na Pathien in thu a hun piek hi na zui lo ahi: Lalpa chun Israel te chung ahin na lenggam kumkhuo a dinga sukdet guo ahi a.

1 LENGTE 15:32

Chun, Asa leh Israel leng Baasha chuh a vaihawm sung chengun a kido zing u a.

1 KORINTH 15:36

Nang mi ngawl! nangmah ngêi in le, thaichi mu na tuh sek hi, a thih zet loh chun sukhin in a um puoh a,

2 KHANGTHUBU 15:17

Amahvang chuh Israel gam apat milim pathien hona munte chu a um zing a, himahlele Asa lunggil chuh vai a hawm sungin a ginum zing hi.

MATTHAI 5:22

Kei chun chuh, ‘Kuole a suohpih chunga lungna ta chuh vaihawmna a dingin lauhthawng-um takin um zing un tin’; kuole a suohpih kawma, ‘Raka’ ti ta chuh vaihawmte thutan saka um in lauhthawng-um takin um zing untin; chun, kuole ‘More’ ti ta chuh Gehen meia paih lauhthawng-um takin um un au, tih ka hilh na hiu hi.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

2 SAMUEL 24:10

Himahlele, mi a sim zawh nung chun David lunggil chu ana mah mah mai ta a. Tichun Lalpa kawmah, “Zie tawbang thil ka na hih hi, gitlohna nasa tak hih kha ka na hi tai! Himahleh, tuhin Aw Lalpa lungsiet takin ei ngaidam in, ngawlhuoi takin thil ka na hih ahi tai!” a ti a

2 KHANGTHUBU 16:10

Tichun, Asa chu thiemgau pa chunga chun a lungna a, suongkul ah a khum ta a, chun, Asa’n mi khenkhat a sugimthei na lai set a.

JOB LEHKHABU THE BOOK OF JOB 31:4

Ka lampite chuh mu’n, Ka kalsuon cheng hi a mu sek hilo ahim?

SAM LEHKHABU THE PSALMS 33:15

A bawn u a lungthim chuh ama’n a siem sak ahi a, A nasep chenguh enzui sek pa chun.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

THILSIEMBUL 31:28

Ka tute leh ka chanute ka châwp phal lo in ngawlhuoi takin ahi thil na hih hi.

2 KHANGTHUBU 15:19

Asa lal lai kum sawmthum leh nga gei kido na himhim a um puoi.

2 KHANGTHUBU 19:9

“Lalpa kihcha kawmin ginum takin, lunggil diktak pu’n na hih ding uh ahi.

EZRA 5:5

Himahlele, Juda upate chung a chun Pathien mit a chu ta a, a thu chuh Daria kawm a hung tunga, zie thu a dawnna chuh a hung tun kit masang chun a nasep u chuh a hai diek puou hi.

JOB LEHKHABU THE BOOK OF JOB 28:24

Amah chun kâwlmawng tawppen tieng hi a mu a, Van khupsin nuoi a thil chengcheng hi a mu a.

SAM LEHKHABU THE PSALMS 33:14

Lei a um chengcheng hih A umna mun apat khun a hun en suk a;

SAM LEHKHABU THE PSALMS 33:18

Ngaitie, Lalpa mit chuh amah kihchate chunga chun a chu zing sek a, A zahngaihna kineppihte chunga chun;

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!