2 KHANGTHUBU 15:9 - PATHIEN LEKHABU THIENGTHO (BSI)

⁹ Lalpa a kawmah a um hi tih a het ziekin mi tampi Israel lam apat in a hung pawt u a, Ephraim gam apat, Manasseh gam apat leh Simeon gam a mite Asa kawmah a hung u a, a lalgam achun a cheng tau a. Asa chun Juda leh Benjamin te le a bawn un a sam khawm a.

2 KHANGTHUBU 15:9 ပူးပေါင်းရင်းမြစ်များ

2 KHANGTHUBU 11:16

Khutichun, amau haw nung chun Israel nam laka a lunggil u a Israel te Lalpa Pathien hawl taphawtte chuh a pulepateu Lalpa Pathien kawma kithawi dingin Jerusalem ah a chieh uh a.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

2 KHANGTHUBU 30:25

Tichun Juda mipi chengcheng chu thiempu te tawh Levi te tawh, Israel gam apat a mipi hung chengcheng te leh nam dang Israel gam apat a hung Juda gama umte chu a kipâk mah mah mai u a.

1 KHANGTHUBU 12:19

Chun, Philistia te haw, Saul do dinga akipat lai u khan, Manasseh te laka khenkhat chu David lam ah a pang u a. Philistia te chu a panpih puou a. Philistia te lawiupa haw chu a kiho u a, “A pu Saul lam ah pang un tin, eihaw ei matsak kha’n au,” ti’n, Ziklag ah a sawl kit tau a.

1 LENGTE 12:19

Khutichun Israel te chu tuni tieng hin David inkawte chungah a hel tau hi.

1 LENGTE 3:28

Chun, Israel te chengcheng chun zie chung thu a leng thutan dân chu a na zau a; leng chu a kihcha tau a; vaihawmna dingin Pathien chitna chu amah achun a um hi tih a mu ta ngâl u a.

1 SAMUEL 18:28

Chun, Saul chun David kawm achun Pathien a um hi tih a hechien ta a; chun Saul chanu Mikal chun amah chu a hehpih a.

THILSIEMBUL 39:3

Chun, a pu chun Lalpa chuh a kawmah a um a, a thilhih taphawt ah Lalpa’n a lawhtin sak hi tih chuh a mu ta a.

2 KHANGTHUBU 15:10

Khutichun Asa kum sawmlenga a lal kum, a tha thum na ah Jerusalem ah a kikhawm khawm u a.

EZEKIEL 37:16

“Nang, mihing chapa, mawlh khat la’n la, a chung achun, ‘Juda leh a kipapvaipih Israel chate a,’ tih zik inla: mawlh dang le la’n la, a chung achun, ‘Ephraim mawlh, Joseph leh a kipapvaipih Israel inkuon chengcheng te a,’ tih zikin.

THILSIEMBUL 26:28

Amau chun, “Lalpa chuh na kawmah a um hi tih chientakin ka heu a, kei u leh nangmah kal ngêi ah kitiemna um hen. Na kawmah thu ei gawlh sak in ti ka hiu hi;

2 KHANGTHUBU 19:4

Chun, Jehoshaphat chu Jerusalem ah um mahleh, Beer-sheba apat a Ephraim gam chan in Lalpa a pileputeu Pathien lam ah mipite pui ding in a chieh viel a.