2 KHANGTHUBU 15:2 - PATHIEN LEKHABU THIENGTHO (BSI)

² Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

2 KHANGTHUBU 15:2 ပူးပေါင်းရင်းမြစ်များ

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

2 KHANGTHUBU 24:20

Thiempu Jehoiada chapa Zekaria chungah Pathien thagau a hungtung a, Amah chu mipi muh theih ding in a ding a, a kawm u ah, “Pathien in hiti hin a tii, Bangati a na chung u a sietna tun lawh hiela Pathien thupiek na bawhsiet uh a hi? Lalpa chu na kiheisan ziekun a man le a hun kiheisan ahi,” a ti a.

2 KHANGTHUBU 15:4

Himahleh, a lungzîn u a Lalpa Israel te Pathien lam a ngat u a, a hawl tieng u leh a muu hi.

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

HEBRAI 10:38

Himahlele, ka mi diktatte chun taksanna’n hing un au. A lak uh a kuole, a nungchawn u chun chuh, Ka lungthim in amau achun kipahna him him nei puo’ng ka,” ti a a gen guolin.

2 KHANGTHUBU 15:15

Chun, Juda mi chengcheng chu a kipautiem nau achun a kipâk u a, a lunggil tak u a kitiem ahiu a, Lalpa hona a chu a kipâk u a, pawm le a pawm a. Lalpa’n muntin ah gâlmuong a umna a pie ta a.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

2 KHANGTHUBU 13:12

Pathien chun ka mau pui in ka kawm u ah a um a, chun, Thiempute chu nang haw hun do dinga pengkun mût dinga kisazo san tak ahin aum ui. Aw Israel suonte, Lalpa na pileputeu Pathien chu do hiel kiu; zo lo hiel ding na hi ngâl u a,” a ti a.

2 KHANGTHUBU 20:15

Jahaziel, in, “Nang haw Juda gama mi chengcheng leh Jerusalem a um chengcheng te leh nang lengpa Jehoshaphat, a na ngaithau in; Lalpa’n na kawm u ah hiti hin a tii, Lau kiu inla, zie mipi nasatak te ziek chun lungthuoi diek kiu in; kido na chu nang haw kido na a hi puoh a, Pathien kido na a hi zaw ngâl a.

DAN NIHNA 20:1

“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.

2 KHANGTHUBU 32:8

Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.

2 LENGTE 21:14

Chun, gawt a um mâwkte chu nungngatsan ka ting, amau haw zo ding leh, a gam uh suom dingin melmate khuta pie ding ka hi.

MATTHAI 13:9

Kuole zakna dinga bil nei chun za hen,” a ti a.

2 KHANGTHUBU 13:4

Chun, leng Abijah chu Zeremian tâng achun a dinga, zie chu Ephraim tâng ahi a, Nang Jeroam leh Israel mi cheng cheng in ei na ngaitha tiem u, a ti a.

THUPHUON 2:11

“Thagau in sapchuom haw lawite kawma thu a gen hi, bil nei chun zau hen. “A zo ta cheng chuh, thih nihna chun bangmah lawh thei puo’n a, a ti ie, ti’n.

THUPHUON 2:7

“Thagau in sapchuom haw lawite kawma thu a gen hih, bil nei chun zau he’n. “A zo ta cheng chuh, Pathien Paradise a um, Hinna thinggah chuh nek sak ing ka a ti ie, ti’n.

ISAI 7:13

Isai chun, “Aw David inkawte haw, tuhin ngaitha tiem u, mihing sukchawl hi thil neucha maia na ngaih uh ahim? Ka Pathien nasan le sukchawl na guot zel uh?

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

THUPHUON 3:22

“Thagau in sapchuom haw lawite kawma thu a gen hi bil nei chun zau hen! a ti ie ti’n” a ti a.

THUPHUON 3:13

“Thagau in sapchuom haw lawite kawma thu a gen hi bil nei chun zau hen! a ti ie,” ti’n.

THUPHUON 3:6

“Thagau in sapchuom haw lawite kawma thu a gen hi, bil nei chun zau hen! a ti ie,” ti’n.

THUPHUON 2:29

“Thagau in sapchuom haw lawite kawma thu a gen hi, bil nei chun zau hen! a ti ie,” ti’n.

THUPHUON 2:17

“Thagau in sapchuom haw lawite kawma thu a gen hi bil nei chun zau hen. A zo tacheng kawm achun, manna selguk khenkhat chuh pie ding ka hi. Chun, a kawmuh achun, suong vam, a chunga min thak kizik, a mute ngâl lo in a het loh uh chuh pie chiet ing ka, ti’n.

VAIHAWMTE 9:7

Chun, zie thu chuh Jotham a hilh u a, tichun Jotham chuh a chiehto a, Gerizim tângsip ah a va dinga, aw ngeih tak in a kiko a, a kawm u ah, “Nang haw Sekem mite haw, ka thugen hih ngaitha tiem u, khutileh Pathien in na thuu a na ngaitha ding ahi,

2 KHANGTHUBU 33:12

A thuok gimtheihna apat chun Lalpa lam a nga kit a, a pilepute Pathien masang achun nasatak in a kingainiem a.

DAN NIHNA 31:17

Khutichun, zie tieng chuleh a chung u ah ka lungnatna kuong intin, thahtham ing ka ting kiselmangsan ing ka. ting, sukmangthai hi’n tin un, tuohsie leh haksatna tamtak a chung u ah tung ina; khutichun, zie ni chuleh, I Pathien un ei umpih loh zieka zie thil phalo haw hi I chung u a tung hilo ahim, tiu in tin.

JOSHUA 22:31

Chun, thiempu Eleazar chapa Phinehas chun Reuben suonte, Gad suonte leh Manasseh suonte kawm achun, “Lalpa chunga thil na hihkhelh loh ziekun, tuhin vang Lalpa chuh I laku ah a um ngêi nai tih I he tau hi; tichun Israel chate hi Lalpa khut apat na hukdawk uh ahi ta hi,” a ti a.

1 LENGTE 18:18

Chun, amah chun a dâwng a, “Israel te ka sulungkham puoi; nang leh na pa inkuonte na hiu a puo, sulungkham zaw chuh, Lalpa thupiekte hih kiheisan a, Baal te na ho zawk tâk na ahin.

2 KHANGTHUBU 12:5

Thiemgau Shemaiah chu Rehoboam leh Juda te lawiupa Shishak a pata suohchak guon Jerusalem a kikhawmte kawm achun a va chieh a, a kawm u ah, “Lalpa chun hiti hin a tii: ‘Nei hengilh tau a, zieziekchun ken le Shishak khuta ka hun kawih na hi tau hi,’ ti’n,” a vak ti a.

2 KHANGTHUBU 26:5

Pathien kilâkna hethiem Zekaria damsung in Lalpa na ginum takin a sem a, Pathien in vang a sak zel hi.

2 KHANGTHUBU 34:3

Chun, kum giet a lal kum in naupang cha a hih lai apat in a pu David Pathien a ho pan a; chun kum sawmlenih a lal kum in Juda gam leh Jerusalem a milim hona munte, Asher pathien limte, milim siemkawmte, milim sunkhawm te chu a thielngim a.

EZRA 8:22

Ka Pathien deihsakna chuh amah hawlte chungah a phatna dingun a kilang zela; a thilhih theihna leh a lungnat na vang chuh amah nungngatte chungah a chu sek hi tih leng kawm a ka gen tâk ziekun; lampi a ka melma teu laka ei panpih dinga sepaih leh sakawl chung chuong te leng kawma nget chuh zahchâk um ka sa ngâla.

SAM LEHKHABU THE PSALMS 34:4

Lalpa chuh ka hawla, chun, amah chun ei dâwng a, Ka lauh na cheng apat chun ei humbit ta a.

SAM LEHKHABU THE PSALMS 53:2

Hethiem a Pathien hawl mawngmawng a um um tih he ding in, Pathien in van a pat in mihiem chate hi a zuk en suk a.

ISAI 45:19

Thim lak ah a gûkin thu ka gen puoh a, ka thiltup te le ka selgu diek puoi. Jakob suonte chuh bangmah um lohna mun ei hawl dingin ka ti ngei puoh a. Kei Lalpa chuh ka hi a, thudik tak ka gen sek hi,” ti’n.

KISIMNA 14:42

Chieh to dah mai un, Lalpa na kawm u ah a um puoh a, na melmateu zawh dingin va kipielut kiu in.

KISIMNA 14:43

Tichun, Amalek te leh Kanaan te chun hun na kido pih un tin; chemzâm in hun that ding ahiu hi. Lalpa chuh na kiheimang san u a; a thu na zuih loh ziekun na kawm u a umlo ding ahi,” a ti a.

DAN NIHNA 4:29

Himahleh, zie apat chun le Lalpa na Pathien u chuh na hawl u a, na lunggil cheng u leh na lungthim chengcheng uh a na hawl u chun mu kit inlau.

JOSHUA 24:20

Lalpa chuh na nutsieh u a, nam dang pathiente na nasep u leh vang, na chung u ah na pha sem mahleh thil phalo hun tunsak in tin, hun hih mangthai ding ahi,” a ti a.

VAIHAWMTE 10:13

Himahlele, nangun nei kihei mang san u a, pathien dangte na na sem zaw tau a; zieziekchun hun hukdawk ta puo’ng ka.

1 SAMUEL 12:14

Lalpa chu na lauh u a, a na nasep uh a, a thu na awih u a, Lalpa thupiek haw na helsan loh uh a, nang haw leh na chung u a vaihawm na lengpau in Lalpa na Pathien u chu na zuih zawm zel u chun pha’ntin:

1 SAMUEL 12:15

Himahlele, Lalpa aw chu ngaitha lo a Lalpa thupiek kalh a na hel u chun, na puteu in Lalpa khut a na thawk guol mah u khan nang un le thuok inlau.

1 LENGTE 11:25

Hadad sukgimtheihna behlap in Solomon damsung cheng, Israel te melma a na hizing him a; Israel te a mudah mah mah a, Suria gamsung ah vai a hâwm a.

2 KHANGTHUBU 11:12

Chun, khaw chengah phaw te, tiengcha te, a kawih a, khuo dettak in a siem a. chun, Juda leh Benjamin gam chu a mah a ahi ta a.

2 KHANGTHUBU 33:11

Zieziekchun Lalpa’n Asuria sepaih lawiupa te a sawl a, Manasseh chu thikkhau in a khit u a, kawl a buhsak u a, Babulon ah a pui tau hi.

ISAI 51:1

Nang haw suohchakna ngên a ka kawma hungte leh hukdamna hawlte haw, ei ngaithau in! Na hung kipatnau suongpi chuh en unla, suong lâkna muna na kilaihdawknau khah ngaihtuoh un!

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

AMOS 5:14

Na hin theihna dingun, phatlohna hawl lo in, thilpha hawl unla, tichun, na gen bangun, Lalpa sepaihte haw Pathien chuh na kawm u ah um ina.

ZEKARIA 1:3

Himahleh, tuhin, na kawm u ah, ‘Ka kawmah hung vaikit un la, tichun, Kei le nanguh kawm lam hung nga’ng ka.