2 KHANGTHUBU 15:16 - PATHIEN LEKHABU THIENGTHO (BSI)

¹⁶ Leng Asa nu Maakah chu le milim kihdak-um tak lei phatna pathien Asher a siem ziekin lengnu a hihna a haihsak a, Asa chun a milim chu a satpai a, a sunel dimdem a, Kidron lui ah a hâl ta a.

2 KHANGTHUBU 15:16 ပူးပေါင်းရင်းမြစ်များ

2 LENGTE 23:15

Chun, zielo chu le, Josia chun, Israel te thil hihkhiel dinga puipa, Nebat chapa Jeroboam in Bethel a maichâm a siemte chule a hihchim a. Tichun, maichâmte chu a luoi chima, a suongte chu a sunel dik dek a, Asher lim chule a hâl tum ta a.

2 LENGTE 23:6

Chun, Lalpa In a Asher pathiente chu Jerusalem pawlam, Kidron lui kawmah a ladawk a, Kidron luiphai achun a hâl ta a, a sunel dimdem a, a nêl chu mi vantâng te thân ah a theh a.

1 LENGTE 15:10

Chun, Jerusalem ah kum sawmli leh khat vai a hawm a. A nu min chuh Maakah, Abisalom chanu ahi.

1 LENGTE 15:2

Jerusalem ah kum thum vai a hawm a. A nu min chu Maakah, Abisalom chanu ahi.

PAWTDAWKNA 34:13

A maichâmteu chuh na sukchip vek ding uh ahi a, a milimteu chuh sukgawp sak vek un, a Asher pathien teu chuh na phuk sak vek ding uh ahi zawi.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

MARK 3:21

Zie chuh a inkawte’n a zak un, a ngawl ahi a tih ziekun, amah man dingin a kipan dawk tau a.

ZEKARIA 13:3

Chun, hiti hi hung hi’n tin, kuo’n le thu a gen zawm zel chun, a nulepa amah hingte khan a kawmah, ‘Hing puo’n la, Lalpa min a lepchieh na gen ziekin, thah ding na hi,’ tiu intin. Tichun, a genlawk lai tak u chun, a nu leh a pa chun sunlum un au.

2 KHANGTHUBU 34:7

Mâllam lal gamsung cheng a, maichâm leh Asher limte chu a khen gawp a, milim te chu a sunel a, gimlim hâlna te chu a susie vek ta a. Tichun Jerusalem ah a vai kit tai.

2 LENGTE 23:12

Chun, Ahaz insawng chunga Juda lengte’n maichâm a siemteu leh, Manasseh in, Ho-In huongsung nih a maichâm a siemte chu Josia chun a suchim a, a khên sie dimdem a, a them haw chu Kidron lui ah a paih a.

DAN NIHNA 33:9

‘Ka nu leh pa khawk ka sa puoi,’ tite khan, A suohpihteu, a chateu le a ngaikhawk puou; Ahih ziekin, na thu a ngaikhawk ui, Na thuthun a zui ui.

DAN NIHNA 9:21

Na gitlohna ziek u a na siem uh bâwngno lim chuh ka la a, mei in ka hâla, ka sugawp a, leivui bang hielin ka gawi nêl a; chun, a nêl chuh tâng apat a hung luong lui achun ka paih ta a.

DAN NIHNA 7:5

Himahleh, a chungu a hiti a hi na hih zawk dinguh ahi; a maichâm hawu chuh suchim unla, a suong zek hawu chuh khen gawp unla, a pathien uh Asher pathien lim khuom haw chuh phuk unla, a milim siemkawm hawu chuh na hâltum vek dinguh ahi.

THIEMPUDANTE 26:30

Chun, na munsang teu suchim ing ka ting, na nisa limteu, na gimlim hâl nau maichâmte chuh hihchim ing ka, chuleh, na luongteu chuh na milim pathien uh gawpsate chung achun paih ing ka. Ka lungnatna a tâwp khawk a tun tâk ziekin.

PAWTDAWKNA 32:20

Chun, bâwngno lim a siem u chuh a la a, mei ah a hâl a, a gawt nêl a, tui lak ah a sungtha a, Israel chate chuh a dâwnsak ta a.

JOHAN 18:1

Chun, Isu’n zie thu haw chuh a gen zawhin, a sinsakte tawh a pawtdawk u a, Kidron lui a kân u a. Zie mun achun huon khat a um a, tak achun Isu leh a sinsakte chuh a lut u a.

2 KHANGTHUBU 15:17

Amahvang chuh Israel gam apat milim pathien hona munte chu a um zing a, himahlele Asa lunggil chuh vai a hawm sungin a ginum zing hi.

2 KHANGTHUBU 29:16

Thiempute chuh a suthiengtho ding chun Ho-In insung gil lam achun a va lut uh a, Ho-In a thil nîn a muh cheng cheng u chuh inmai lam ah a la dawk uh a. Zie apat chun Levi te chun a lau a, khawpi pawlama Kidron lui lam ah a pawdawk tau hi.

2 LENGTE 23:4

Chun, Josia chun thiempu lienpen Hilkiah te, a bana thiempu, kawtkhak ngakte chu Lalpa Ho-In sunga Baal leh Asher pathien limte leh, van a aksite hona dinga siem, ûmlebel haw chu ladawk vek dingin thu a pie a. Tichun, Leng chun, khawpi pawlam ah, Kidron kawmah a hâl a, a vamte chu Bethel ah a chieh pih a.

2 KHANGTHUBU 30:14

Khutichun a kipan u a, Jerusalem a maichâm te chu a lau a, chun, gimlim hâlna maichâm te le a lau a, Kidron lui ah a paih tau a.