Tichun, pindan sung suthieng ding chun thu ka pie a, tichun, Pathien Ho-In a ûmlebel leh an thillat te leh gimlimte chuh a bawnin ka la lut kit vek ta a.
Lalpa Hona maichâm chuh a siempha a, kipawlkhawmna thillat te leh kipah thugenna thillat te a lân a, Juda mipite chengcheng chu Lalpa Israel te Pathien ho dingin thu a pie a.
Lengpa Hezekia leh milien te chun Levi te chu David leh thiemgau Asaph phuok, pahchakna la sa ding in thu a pie a, mitin chun kipâk tak in pahchak na la a sau a, a khun u a, Pathien a ho tau a.
Hezekia chun maichâm a hâlmang thillat lân dingin thu a pie a, chun, hâlmang thillat chu apat tak un Lalpa la chu pengkun leh Israel lengpa David siem thil tumgit tawh a sa pan u a.
Leng inkuon te leh Juda mipite ding leh Ho-In sukthientho na dinga gitloh thawihna a lat dingin bâwngchal sagih, belamchal sagih, belamno sagih leh kêlchal sagih a kai u a. Leng chun Aron suon a thiempu te kawmah gancha haw chu kithawihna a maichâm a lân dingin a hilh a,
Khutichun, amau haw nung chun Israel nam laka a lunggil u a Israel te Lalpa Pathien hawl taphawtte chuh a pulepateu Lalpa Pathien kawma kithawi dingin Jerusalem ah a chieh uh a.
A chate’n Pathien a gensietnau gitlohna chu hezing ngâla, a khap loh ziekin a insung chu kumkhuo a dingin vaihawm khum ding ka hi tih ka hilh ta ngâl a.
Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.
Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.