2 KHANGTHUBU 14:3 - PATHIEN LEKHABU THIENGTHO (BSI)

³ gamdang pathien maichâm te leh milim pathien hona te a sumang a, suong milim te a suchim a, Asher pathien limte a phuk hi.

2 KHANGTHUBU 14:3 ပူးပေါင်းရင်းမြစ်များ

DAN NIHNA 7:5

Himahleh, a chungu a hiti a hi na hih zawk dinguh ahi; a maichâm hawu chuh suchim unla, a suong zek hawu chuh khen gawp unla, a pathien uh Asher pathien lim khuom haw chuh phuk unla, a milim siemkawm hawu chuh na hâltum vek dinguh ahi.

2 LENGTE 23:14

Leng Josia chun suongphuh te chu a sugawp suok kêi a, milim, Asher pathien kawma latte chu a sat pai a, a dinna mun achun mihiem guhte a kawih a.

PAWTDAWKNA 34:13

A maichâmteu chuh na sukchip vek ding uh ahi a, a milimteu chuh sukgawp sak vek un, a Asher pathien teu chuh na phuk sak vek ding uh ahi zawi.

2 KHANGTHUBU 15:17

Amahvang chuh Israel gam apat milim pathien hona munte chu a um zing a, himahlele Asa lunggil chuh vai a hawm sungin a ginum zing hi.

2 KHANGTHUBU 34:4

A mah puihna nuoi achun, a mite chun Baal hona maichâm te chu a khen gawp u a, a kawma gimlim hâlna te chu a susieu a. Asher limte leh milim dang cheng te chu le, a khên nêl u a, a nêl chu, a kawma kithawihna siem sekte thân chungah a theh u a.

2 LENGTE 23:6

Chun, Lalpa In a Asher pathiente chu Jerusalem pawlam, Kidron lui kawmah a ladawk a, Kidron luiphai achun a hâl ta a, a sunel dimdem a, a nêl chu mi vantâng te thân ah a theh a.

2 LENGTE 18:4

Milim pathien hona munte chu a hihsie a, suongphuh te a hihchim a, Asher pathiente a phuk a, Mosi sumeng gûl siem, Nehushtan kiti chu a sugawp suok a. Zielai hun tieng chun Israel chate’n a limbawlna dingin, gimlimte a na hâl sek nalai uh ahi.

DAN NIHNA 7:25

A pathienteu lim a siemkawm hawu chuh meia na hâltum dinguh ahi; milim chunga dangkaguo ahim sana ahim chuh na utchak dinguh ahi puoh a, nanguh dinga na kilak loh hiel dinguh ahi, khutilochun âwk kha kha’n lau; Lalpa na Pathien u ngaih in thil tenum ahi ngâl a:

THIEMPUDANTE 26:30

Chun, na munsang teu suchim ing ka ting, na nisa limteu, na gimlim hâl nau maichâmte chuh hihchim ing ka, chuleh, na luongteu chuh na milim pathien uh gawpsate chung achun paih ing ka. Ka lungnatna a tâwp khawk a tun tâk ziekin.

2 KHANGTHUBU 14:2

Chun, Asa’n Lalpa a Pathien mitmuh in thilpha leh thil dik a hih sek a:

2 KHANGTHUBU 14:4

Chun, Juda mipite chu Lalpa a pileputeu Pathien hawl ding leh a dân leh a thupiek haw zawp dingin thu a pie a.

THILSIEMBUL 18:19

Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.

2 KHANGTHUBU 33:16

Lalpa Hona maichâm chuh a siempha a, kipawlkhawmna thillat te leh kipah thugenna thillat te a lân a, Juda mipite chengcheng chu Lalpa Israel te Pathien ho dingin thu a pie a.